Tag: MEMO紙

超靚日本Memo紙 撕開一層層出現「清水寺」

超靚日本Memo紙 撕開一層層出現「清水寺」

睇完之後勁想買呀!呢款日本出品嘅Memo紙,表面睇無咩特別,不過當你一路用落去,撕走一張又一張嘅memo紙之後,超靚嘅風景就會出現!呢個京都嘅清水寺超靚,仲有華、凛、雅、壌4隻色揀。睇佢IG嘅介紹,大阪梅田站嘅Tokyu Hands有得買,去開記住睇吓。除咗京都清水寺,仲有東京鐵塔、淺草寺等等景色,風景以外仲有鋼琴、小提琴之類,入嚟有得睇。

Read more ›

8024張post-it memo紙 砌出8bit超級英雄牆

  型!memo紙我哋平時用唔少,不過無諗過可以用嚟做咁大幅嘅牆上裝飾,仲可以做到咁靚嘅8bit效果!Ben Brucker最近將佢公司悶到震嘅白色牆改裝成超級英雄牆,總共用咗8024張post-it memo紙,今次用咗佢幾個星期籌備同埋設計,好彩有班好同事一齊執行,仲有佢老闆私人攞咗美金$300出嚟做budget比佢發揮。至於點解用post-it?原來佢哋幾個月後就會搬office,所以決定用啲簡單得嚟又平平哋而且隨時拆得嘅物料。仲有幾個月搬都堅持要改裝,我欣賞佢嘅堅持。

Read more ›

又玩memo紙 超人推車2D打碟

早幾日介紹過外國twitter用戶October Jones用幾張memo紙,將途人變晒超級英雄,其實memo紙仲有好多玩法,好似呢位西班牙藝術家就將佢融入日常生活之中,超人推火車、2D打碟法,睇落好好玩,花少少心思自己都應該做到,仲可以放上Facebook啱like。

Read more ›