聖誕點能夠淨係玩一隻遊戲，同AKB談戀愛之餘，國家大事都唔能夠置之不理，閒時想打打殺殺，摷番隻EA《The Medal of Honor Warfighter》出嚟，下載呢個Zero Dark Thirty地圖包就啱喇，歐美PS3/Xbox360/PC聽日推出，包括兩個全新多人模式地圖Darra Gun Market同Chitral Compound，仲有6種新武器、14種顏色同10個新ranks。

呢隻EA推出嘅PS3/Xbox360/PC第一身射擊大作《Medal of Honor Warfighter》將會喺10月23日上市，呢期就梗係狂推，上星期Kali拍完片試玩完，睇過都知畫面幾真，今次官方就發佈多人模式宣傳片，6個兵種、8個真實世界地點、12個特種部隊、35種地圖模式組合、成千上萬嘅火力小組組合。可以代表你嘅國家開戰！感覺超真實！

睇完機迷Kali介紹，有無心郁郁想去即刻去訂game？GameoverHK將會送出兩套《Medal of Honor Warfighter》珍藏版襟章(一套四款)，喺Facebook呢個post留言寫兩句點解想買呢隻game(唔買都可以想吓)，入以下網站link填埋簡單資料方便我哋聯絡你！下一集Kali Video Blog上載前得到最多Like嘅兩位留言者，Kali就會約你……攞獎品。多謝參加！

EA隻《Medal of Honor》可算係EA老牌第一身射擊遊戲，10月23日先出，多人模式試玩過，單人故事模式又點呢？開正專爆人頭殺人唔眨眼嘅Kali嗰瓣，咁今個星期佢個Video Blog就梗係試玩呢隻啦！直闖香港EA總部，搶先首試全港未曝光片段，睇完片唔好走住，留意稍後發佈嘅另一個送禮post，Kali話有獎品送俾你，物輕情義重。(Kali舊Blog，可到「專題熱話」重溫！)

今個月啲遊戲真係多到暈，《Biohazard 6》都未玩夠，仲有《NBA 2K13》、《Winning Eleven 2013》、《FIFA 13》招呼朋友，都未計月尾隻《刺客教條 3》同飛車遊戲《NFS：Most Wanted》，講起飛車，嚟緊10月23日又有EA隻PS3/Xbox360/PC第一身射擊大作《Medal of Honor Warfighter》，今次呢條片就係呢隻第一身射擊遊戲嘅「巴基斯坦汽車追逐」飛車片段，估唔到射擊遊戲裏面嘅追車玩法都咁正！另外，遊戲嘅Xbox 360多人連線測試已經推出，包含嚟自10個國家共12種一級特勤戰士，各有6種兵種，喺Sarajevo Stadium地圖以全新熱點遊戲模式開戰！不過，你係咪金會員先？

電影Crossover遊戲都唔算咩新鮮事，所以當我睇倒Sony Pictures嚟緊套戰爭電影「Zero Dark Thirty Map Pack」將會同10月23日推出嘅第一身射擊遊戲《Medal of Honor：Warfighter》合作，都覺得好合理。遊戲將會推出全新地圖包DLC，入面收錄同電影場景一樣嘅Darra Gun Market同埋Chitral兩個新Multiplayer地圖，不過就梗係要等埋套電影上畫先有得玩啦，暫定12月17日北美會推出。

呢隻將於10月23日推出嘅PS3/Xbox360/PC射擊大作《Medal of Honor Warfighter》，啱啱由EA發佈出最新片段。呢段係講述美軍軍人Preacher嘅故事，服役後婚姻破碎，但依然愛著她的家人……於是，佢就同隊友齊齊解決PETN爆炸裝置嘅危機，為家人而戰！

唔係流料，EA自家Store個遊戲列表已經證實，預訂將於10月23日推出嘅第一身射擊遊戲《Medal of Honor：Warfighter》，即可以得到《Battlefield 4》Beta測試版嘅獨家試玩賬號。雖然大家都仲玩緊第3集，第4集咩資料都未有，但相信都會令你想買《Medal of Honor：Warfighter》嘅意欲增加啩。

預購從來都有著數，既然遲早都要買，不如早訂早享受，仲可以早啲解鎖用到全球戰士同武器，殺人王梗要快人一步。預購EA旗下Danger Close Games開發嘅《Medal of Honor Warfighter》限量版，第一天開game就有大量豐富額外內容。