Post Tagged with: "Marvel"

Marvel月曆Wallpaper   玩懷舊免費下載
by / on 04/01/2014 at 7:17 am

Marvel月曆Wallpaper 玩懷舊免費下載

唔講唔知,原來日曆係會循環嘅,2013年嘅日子同埋日數,正好同1975年一模一樣,即係話如果你仲未掉當年嘅日曆,理論上可以重用。外國網Andertoons就出咗一套2014年Marvel月曆Wallpaper,用嘅係1975年曆法,每個月都有一張懷舊Marvel英雄陪你過日辰,入嚟有得免費下載2560 X 1200高像素Wallpaper。話時話,除咗1975年,其實2013、1997、1986、1975同1969年,都同今年2014嘅曆法一樣,你有無儲起當年嘅月曆?

Read more ›

狼人變迪士尼公主    驚嚇相集之鐵漢柔情
by / on 29/10/2013 at 8:45 am

狼人變迪士尼公主 驚嚇相集之鐵漢柔情

細細過學識一個成語叫:「鐵漢柔情」,事隔多年居然搵倒最完美嘅演釋,就係呢輯狼人迪士尼公主圖集喇!可能因為迪士尼收購咗Marvel,Tumblr嘅用戶David J Prokopetz最近做咗一個好無聊嘅事,就係懸紅50蚊美金比每個插畫師,呼籲佢哋創作迪士尼公主打扮嘅狼人!暫時收集倒10份作品,睇見狼人低胸露心口毛跌膊嘅嬌俏樣,我就知道Prokopetz一定係同狼人有仇。

Read more ›
超級英雄名畫系列   惡搞梵高
by / on 13/10/2013 at 11:37 am

超級英雄名畫系列 惡搞梵高

名畫我唔多識,不過超級英雄系列嘅戲我全部睇晒,咁算唔算無文化?外國網Worth 1000嘅用戶就將兩者結合,將DC同埋Marvel嘅角色融入梵高、林布蘭特等等名畫家嘅作品之中,出嚟嘅效果‥‥‥唔,我覺得好有惡搞味道,好前衞,對我嚟講好睇過原作,起碼有親切感啲。

Read more ›
《反斗奇兵》薯蛋頭 x 美國隊長    全新figure下年開賣
by / on 09/10/2013 at 8:44 am

《反斗奇兵》薯蛋頭 x 美國隊長 全新figure下年開賣

《反斗奇兵》嘅薯蛋頭先生好多粉絲,仲成日同人聯乘,繼Simpsons、《星戰》白兵、R2D2、變形金剛、海棉寶寶之後,最近就轉移目標同美國隊長crossover,呢個「Mr. Potato Head Marvel Captain America」2014年第4季先推出,賣美金$17.99,造型搶眼,除咗紅鞋紅手套之外,仲有經典盾牌,不過最開心係塊面無遮晒,露出度高,依然睇倒薯蛋頭嘅突眼靚仔樣。不過幾時出埋變形俠醫?我堅想睇。入嚟有得回顧佢其他crossover系列,得啖笑。

Read more ›
Lego迷自砌英雄戰車    雷神危險駕駛
by / on 24/07/2013 at 7:23 am

Lego迷自砌英雄戰車 雷神危險駕駛

Lego之前出過一套Marvel超級英雄公仔,但係貪玩嘅Lego迷點會就此罷休?外國Lego迷Okay Yaramanoglu好有心機,幫各位英雄每人設計一架賽車,全部用Lego砌成仲要襯返每個角色主題,架架都咁靚,尤其係Hulk變形俠醫架Jeep超有霸氣!不過我建議雷神唔好揸車,因為一手揸槌一手揸軚太危險。呢套車仔喺Lego Cuusoo測試緊反應,儲齊足夠嘅「support」就會量產。

Read more ›
英雄玩拼貼   超人/Batman漫畫變臉
by / on 06/07/2013 at 11:21 am

英雄玩拼貼 超人/Batman漫畫變臉

Collage Art,大家細過都玩過嘅拼貼藝術,美國藝術家Mike Alcantara將佢發揚光大,利用Marvel同埋DC漫畫,拼貼成一個個嘅英雄人物,作品包括呢排好忙嘅超人、蝙蝠俠、變形俠醫、Wonder Woman等等,個人認為買幅掛喺屋企都幾有型,外國網Etsy有得賣,開價大約港幣$150一幅。

Read more ›

Iron Man單車緊身衣  fans自製單車登場
by / on 31/05/2013 at 8:13 am

Iron Man單車緊身衣 fans自製單車登場

Iron Man呢啲咁重型嘅裝備,如果裏頭冇冷氣,夏日炎炎著上身真係人都溶,想簡單清爽?可以考慮呢件Iron Man單車專用緊身衣,雖然唔係Marvel官方產品,但所有細節位都做到足,仲有三個袋位比你放水樽。可惜只得上身,下身都唔知點著先襯得倒。仲有,美中不足係中間心臟位置唔識發光,否則夜晚著住佢飊車真係幾有型,唯有自己買LED改裝啦。最後,仲有外國fans自製嘅單車,入嚟有得睇。

Read more ›
新片速報 真人Deadpool直踩Marvel總部
by / on 29/05/2013 at 12:09 pm

新片速報 真人Deadpool直踩Marvel總部

《Deadpool》隻遊戲6月25日出,呢條搞嘢王近排就好多搞作,唔通係為咗拍真人版舖路?其實呢條癲喪一直都有唔少fans,尤其係外國地區,今次Marvel就發佈咗條新片,Deadpool殺入Marvel HQ,第一站係搵人事部高層玩嘢!

Read more ›
Iron Man出圍裙    現腹肌再露底
by / on 09/05/2013 at 7:49 am

Iron Man出圍裙 現腹肌再露底

Iron Man真係無處不在,賺錢能力超強。繼推出USB、電話殼、滑鼠後,啱啱喺網上又見倒Iron Man,不過今次係出圍裙!著住佢出入廚房,型之餘睇落仲成個人瘦晒,咦,點解有肌肉、著底褲嘅?原來係Marvel授權嘅漫畫版Iron Man,仲有美國隊長、蝙蝠俠同埋蜘蛛俠,全部都係A&F男模嘅身形,著起好有滿足感。

Read more ›
新片速報 《LEGO Marvel Super Heroes》集合英雄 年尾全機種推出
by / on 01/05/2013 at 8:00 pm

新片速報 《LEGO Marvel Super Heroes》集合英雄 年尾全機種推出

呢隻會喺今年年尾推出、集合Iron Man、Wolverine、Spider-Man、Hulk、Thor等超過100個Marvel英雄嘅動作遊戲,啱啱有新片發佈。宣傳片睇唔到遊戲畫面,不過英雄們嘅LEGO造型就好可愛。故事係原創,講嘅係神盾局局長Nick Fury集合英雄們拯救地球。由Warner Bros發行、TT Games開發,即係曾經做過《LEGO魔戒》、《LEGO蝙蝠俠 2》、《Lego City Undercover》等遊戲嘅,而平台就話全機種。

Read more ›
新片速報 Marvel英雄變波仔
by / on 28/03/2013 at 11:17 am

新片速報 Marvel英雄變波仔

Marvel英雄,其實唔使出樣一樣可以好勁。呢條宣傳片有大量英雄登場,但唔駛要人扮亦都唔使見樣,只係一睇個風格就可以認到!你見到有幾多個英雄「現身」?

Read more ›

新片速報  Vans x Marvel出布鞋   美國隊長踩版跣低
by / on 20/02/2013 at 6:01 pm

新片速報 Vans x Marvel出布鞋 美國隊長踩版跣低

之前Converse同DC聯乘出鞋,今次輪到另一老牌布鞋Vans同Marvel合作,角色勁好多,有Ironman、變形俠醫、美國隊長等等復仇者紅人,連蜘蛛俠都有份。仲拍咗Youtube影片,美國隊長幾十歲人學踩版跣低比女笑,仲有skateboarder神級人物Steve Caballero客串。不過講真,鞋款麻麻,好在睇吓又唔駛比錢,望吓無妨。Sk8-Hi或者傳統低筒款都有,預計今年春天喺指定Vans專門店發售。

Read more ›
彼思 x 復仇者聯盟? 英雄人物忽然變Cute!
by / on 17/02/2013 at 9:36 am

彼思 x 復仇者聯盟? 英雄人物忽然變Cute!

唔駛驚,雖然迪士尼有錢到收購埋LucasFilm拍《Star Wars》,不過佢仲未有計劃拍呢套動畫版Marvel & DC,呢輯好有Pixar風格嘅Marvel & DC英雄人物造型,只係加拿大插畫師Phi Postma嘅作品,不過真係幾可亂真,平時型爆嘅Ironman、雷神、變形俠醫、美國隊長等等,統統變成Pixar動畫嘅Q版角色,外國網友大讚整得神似,仲建議佢整埋Star Wars系列,唔知佢會唔會認真考慮呢?

Read more ›
福利報價:初一二三照開2-5pm 有買襯手啦喂!
by / on 10/02/2013 at 10:00 am

福利報價:初一二三照開2-5pm 有買襯手啦喂!

  噚晚年廿九,走落福利諗住掃定貨過年;去到門口、簡直插針唔入,我仲睇見架BB手推車放門口,小朋友喺十零度寒風中「失物待領」……見到福菇:「唔使緊張喎!」我哋初一、二、三會開2-5pm,初四開始照常營業!老實,做咗幾廿年人,我淨係知道初一至三冇舖肯開門、一街冇得食、冇得玩;初十之前,乜都要約略加價;初一買玩具?我真係未試過!剛出了Q版Delta Plus,仲有BB魔竜劍士

Read more ›
英雄秘密生活  挖鼻刷牙裝假狗
by / on 18/01/2013 at 3:46 pm

英雄秘密生活 挖鼻刷牙裝假狗

喺高官會僭建,名人會影裸照嘅年代,英雄刷牙挖鼻裝假狗有咩出奇?外國藝術家Greg Guillemin創作出名為「The Secret Life of Superheroes」嘅插畫系列,將Marvel同埋DC英雄鮮為人知嘅一面展露人前。入面見倒蝙蝙俠刷牙、超人挖鼻孔、Wonder Woman拯救地球前裝假狗,再大膽啲蝙蝙俠基情橫溢打車輪同埋露點相都有。藝術有價,所有8”X9”嘅Art Print賣$18美金起,講真,我都想買一輯返屋企珍藏。

Read more ›