勁嘅，勁唔怕醜嘅，大陸老翻當冇嘢都唔算勁，首先勁在挑戰擁有最強法務部嘅任天堂啦；第二勁，係條片由「中國長安網」喺微博發佈，主題係「2018湖南法院闖關記」，講佢哋處理過咩案件，當中仲夠薑提到「知識產權」案喎！搞到日本網都報道之後，o依家剷咗咯，當冇事發生過咯，好嘢。

《吶喊》呢幅名畫經常被二次創作，最近日本漫畫家「田丸浩史」喺Twitter分享咗呢幾幅畫，《吶喊》主角變咗C-3PO，其餘仲有好多星戰角色。其實呢啲作品全部來自紐約嘅Sagittarius Gallery，喺Etsy有網店可以買佢嘅作品，除咗星戰仲有Mario、Batman甚至Fight Club經典場面，入嚟有回帶。

好彩，今次唔係真人版電影，而係美國動畫電影，由Illumination Entertainment同任天堂共同製作，預定2022年公開。呢個組合，唔知效果會點，不過我剩係知如果有「庫巴公主」現身，好多人入場睇。

好耐冇玩橫向Mario啦？如果你以前冇買Wii U，咁呢隻《New Super Mario Bros. U Deluxe》絕對可以當新遊戲玩。今朝Direct公佈咗下年1月11日發售。

製作者係Nukazooka，今次玩嘅主角係Waluigi，當佢發現《任天堂明星大亂鬥》即將推出新作嘅時候，就上網睇吓有咩角色啦，點解冇自己份呢？真係冇？真係冇？於是……「Waluigi’s Revenge」開始喇，對象竟然係長期戴綠帽嗰位。

其實呢個篋套真係又靚又實用，不過如果寄艙，應該用一次就污糟晒……日本任天堂今年夏季會推出大量旅行用品，全16種，價錢方面篋套3,000円，拖鞋2,200円。生活雜貨販賣店、家電量販店、網購網站等地方都會有售。

Google Map耐唔耐都有新嘢玩，今日開始一個星期內都可以玩到，就係用Mario Kart《孖寶賽車》同你導航。啱啱開嚟試咗，香港都玩到嘅，首先就如常咁輸入目的地，之後開始導航隔籬會有個「?」掣，撳咗佢就會問你係咪「 LET’S-A GO! 」，如果係，就會由Mario大叔帶路啦！至於點解今日有啲咁嘅嘢玩？因為今日係3月10日，「マリオの日」呀！

呢隻遠啲喇，今年玩唔到，要等到下年，講緊係呢隻3DS嘅《マリオ＆ルイージRPG3DX》。2019年發售，仲可以打直部機嚟玩！

睇平昌冬奧，梗係睇冰壼啦，咁有人就發現美國隊選手Matt Jamilton同Mario撞樣，唔只，其實係撞埋衫同帽！最好笑係佢自己都喺Twitter玩埋一份，仲話自己已經Power up咗變狸貓大叔！

之前都見過呢位高手用兩部計劃機嚟玩音樂，今次就用四部，而且係我哋好熟嘅孖寶兄弟主題音樂。

呢隻都係嚟緊Switch嘅大作，可以2人協力嘅大叔動作遊戲新作《Super Mario Odyssey》，10月27日仲會同步有埋中文版《超級瑪利歐 奧德賽》。官方啱啱公開咗一條百老匯級歌舞影片，仲有真人演出，你睇啲洋人，俾大叔大大頂帽笠落去，佢哋仲笑笑口o架！

今個月尾10月27日就有得玩，提一提係同步有中文版《超級瑪利歐 奧德賽》推出。呢隻大叔派帽上身用敵人能力嘅動作遊戲，啱啱出咗新片，睇到各敵人特別能力之餘，亦有介紹2人協力模式，一人一帽最佳拍檔。

繼《薩爾達傳說》宣佈下年初有中文版，買咗game嘅仲可以更新就有中文字幕後，任天堂Switch嘅香港玩家再有好消息啦，就係10月27日發售嘅《超級瑪利歐 奧德賽》都有中文版同步出，訂行貨仲有嘢送。

價錢合理，而且鍾意任天堂嘅，應該都一定覺得靚，加埋嚟緊又有隻派帽大叔玩，真係唔錯。咁多遊戲玩咗，拎出街玩嘅次數可能亦都多啲，咁有個套旁身真係點都穩陣啲嘅。好，夠字數，講番正經嘢，呢兩款「QUICK POUCH COLLECTION for Nintendo Switch (スーパーマリオ)」賣各1,922円，11月17日發售，o依家amazon有得訂。

18,000円，可能你覺得唔算平，但比起早兩年Romain Jerome同Mario出嗰隻唔計炒都賣成十幾萬港幣，已經算好平啦。今次合作嘅單位係日本WIRED，同《Super Mario Bros》合作當然要有大叔有水管有盛，背面仲有編號，兩款分別限量300隻同500隻，9月8日全日本發售。