Tag: Man僧

埋嚟睇吓 Man僧《0課特工》 x Ginger Store Tee

埋嚟睇吓 Man僧《0課特工》 x Ginger Store Tee

傳統周刊式薄裝港漫步入黃昏,我同意,但係咪代表港漫已死或將死呢,我不苟同。問題係,大家有無興趣睇有別於薄裝形式嘅新一代港漫啫,例子有Man僧呢本講黑幫、忍者嘅《0課特工》,我買咗,真心好睇,有推薦過叫豬朋狗友們買番本。買完書,覺得好睇嘅,自然會考慮買埋周邊產品,呢系列《0課特工》聯乘Ginger Store推出嘅Tee,望落夠潮著出街唔失禮,有Princess Foxy、The Agents同The Undercover三款選擇,各售$298。咁要三揀一,一定揀Princess Foxy,無乜點解,因為靚女嘛。

Read more ›

謝曬皮+Man僧+利志達+Bonnie Pang+大泥+周小某開班 《藝術專業進修——漫畫101》

謝曬皮+Man僧+利志達+Bonnie Pang+大泥+周小某開班 《藝術專業進修——漫畫101》

有心向漫畫行業發展,一味閂埋門自己畫畫畫唔得嘅,至少,都應該向有經驗人士取吓經,進取啲嘅,甚或上番個Course都唔過份。今個暑假,香港藝術學院聯乘動漫基地搞咗個短期課程《藝術專業進修——漫畫101》,導師有謝曬皮、Man僧、利志達、Bonnie Pang、大泥同周小某,教授「香港漫畫101」、「漫畫創作主題」同「漫畫家生存/宣傳之道」三個課題,名額25人,共6課$1600。點呀,心動不如行動,上課肯定有得著,仲唔快啲報名?

Read more ›
有買趁手 補購Man僧《0課特工》

有買趁手 補購Man僧《0課特工》

無吹水,當上個禮拜去動漫節,諗住買Man僧本《0課特工》而聽到攤位職員話賣晒兼準備收舖嗰一刻,我O咗嘴,心諗:「真係咁好賣?」買唔到,條氣未至於唔順,有啲失望咁囉,所以我隔兩日即刻去「格子」補購,家陣本書已經成為我書櫃一員了。知道大家都想睇,有關方面出Post詳列補購地點,「至Goal Club」、「格子」、「紙本分格」、「尋回‧漫畫檔」、Hong Kong Arts Center均有售,大家識做啦。

Read more ›
入場睇《梅艷芳》 免費攞Man僧明信片

入場睇《梅艷芳》 免費攞Man僧明信片

無錯,又係Man僧,無計,佢實在係多產,難得在多產得嚟全部都咁高質,而最新,有呢套《梅艷芳》明信片。記住了,11月12日起,去百老滙院線票房買《梅艷芳》戲飛兩張,即送一套四張明信片,數量有限,送完即止。我鐵了心,一定要擁有,所以會入場睇戲。

Read more ›
網圖分享:Man僧畫法子

網圖分享:Man僧畫法子

音樂劇《戀愛不是請客吃飯》女主角法子靚唔靚呀?青春少艾又有身材,我覺得非常OK喇,個樣係幾甜嘅。不過呢,我覺得Man僧筆下嘅法子仲OK喎,唔係講笑,畫靚過真人。

Read more ›
Man僧《色,戒》插圖 梁朝偉都讚好

Man僧《色,戒》插圖 梁朝偉都讚好

係巴閉嘅,係值得開心嘅,確係一件好令人振奮嘅事。話說Man僧畫咗幅插圖,構圖係《色,戒》旗袍湯唯依偎西裝梁朝偉一幕,靚到「得到朝偉本尊認證」所以「很快樂」,搞到佢「啲Fan屎心番晒嚟」。Absolutely,抵畀讚!

Read more ›

Man僧靚畫惹姜糖垂涎 自發印製文件夾送街坊

Man僧靚畫惹姜糖垂涎 自發印製文件夾送街坊

Man僧手畫有幾強係有目共睹的,一幅姜濤fan art惹來姜糖垂涎好合理,係估到熱情到喺取得Man僧同意後,竟自發印製成文件夾大派街坊。想拎,可以上「格子」免費索取,每人限取一個。拎完,唔該畀番讚,係禮貌來的。

Read more ›
女子「邨Jump」開波 Man僧畫宣傳海報

女子「邨Jump」開波 Man僧畫宣傳海報

見到呢個Post,隻手即刻痕,好想落街跟隊打番場籃球呀喂。話說首個以屋村單位嘅籃球計劃「邨Jump」開皮,大家想唔想同港隊女子甲一成員打番場波呢?而為咗呢個計劃,Man僧都畫咗幅宣傳海報,畫得好靚。

Read more ›
Man僧 x Puzzmate推出藝妓砌圖$180

Man僧 x Puzzmate推出藝妓砌圖$180

Man僧瓣數多到呢……連Puzzle佢都份呀,今次聯乘單位係Puzzmate,推出日本華麗藝妓Geisha砌圖,Size係380mm x 520mm,500塊。我都有鋪砌圖癮,睇相,構圖雖然複雜但色彩鮮明,應該唔太難砌。每副$180,我已落訂,期待砌好掛喺廳,應該幾靚。

Read more ›
Man僧 x ONLLY CASE手機殼$238 格子Pop-up Store有實物睇

Man僧 x ONLLY CASE手機殼$238 格子Pop-up Store有實物睇

Man僧有新產品推出,聯乘ONLLY CASE推出Samurai手機保護殼,售$238。齋睇相都覺得靚,想睇實物亦得,格子有Pop-up Store,大家拎上手秤過先入手亦可。

Read more ›
網圖分享:Man僧畫姜濤

網圖分享:Man僧畫姜濤

暫時嚟講,撇除Q版,Man僧畫嘅姜濤肖像係我見過最有神髓嘅,對眼同個嘴畫得尤其似。畀啲掌聲,我先,啪啪啪啪啪啪……

Read more ›

Jack Lee個展《elle》周邊產品多 同Felix Ip+Man僧Artjam

Jack Lee個展《elle》周邊產品多 同Felix Ip+Man僧Artjam

唔撐唔得,Jack Lee個人展覽《elle》原來有大把周邊產品,必買Item當然係《SKETCHBOOK 5+》手繪版或普通版,臨場可以即時訂購A4同A5 Artprint,現成貨則有A2海報、明信片同陶瓷吸水杯墊。And,好盞鬼地,Jack Lee仲同本地品牌醉貓仙合作推出手繪限定醉檸茶,飲檸茶都可以飲醉?我就好想試吓係乜味道嘞。未講完,仲有兩場Artjam,Jack Lee同Felix Ip、Man僧Jam畫,係咪好期待先?

Read more ›
周五啟播 撐格子Podcast《漫畫家睇啲乜》

周五啟播 撐格子Podcast《漫畫家睇啲乜》

記得牛佬講過除咗《古惑仔》外就唔多睇其他漫畫,咁呢一輩漫畫家又睇唔睇嘅呢?如果睇,又睇邊類型漫畫多呢?想知,可以留意面書專頁「格子」即將推出嘅Podcast《漫畫家睇啲乜》。暫定連續四個禮拜五開Band,1月15日嘉賓有葉偉青、Jack Lee、Man僧;1月22日嘉賓有姚希麟、YANAI、周小某、柳廣成;1月29日嘉賓有草日、江記、黎達達榮;2月5日嘉賓有阿柱、肥佬、Walter from童創文化,請大家多多捧場。

Read more ›
Man僧畫作現身扒房 伸脷開餐的愛恩斯坦

Man僧畫作現身扒房 伸脷開餐的愛恩斯坦

原來還有這幅作品,原來唔只我偶像侵侵,Man僧仲替「Top Blade Steak Lab Shatin」畫咗幅愛恩斯坦掛畫。構圖、畫風與色調同侵侵嗰幅如出一轍,愛恩斯坦照舊係招牌伸脷表情,動作係開開心心鋸牛扒。好正,大家鋸完扒記得打卡。

Read more ›
Man僧畫作現身扒房 開懷大嚼的侵侵

Man僧畫作現身扒房 開懷大嚼的侵侵

係咪Man僧Fans?係的話,有必要去「Top Blade Steak Lab Shatin」鋸番個扒,事關佢受店舖邀請作畫,大大幅掛喺牆非常醒神。畫作構圖係開餐中的侵侵,咬住薯條拎住支酒開懷大嚼。係呀?乜咁啱呀?侵侵都係你偶像呀,咁仲唔快啲去打番個卡?

Read more ›