俄國烈女 男友大名紋上面

紋身係個人意願,紋男女朋友個名?紋完分手迫住激光,傷心又傷荷包。如果紋「面」呢?呢樣我有保留,因為點都遮唔倒!呢位外國烈女Lesya Toumaniantz,來自俄羅斯,網上識咗個紋身師傅男朋友,第一次見面就將對方大名紋上面,仲要係大大幅超巨型。呢位紋身師傅Rouslan Toumaniantz都大有來頭,之前有單訴訟,一名少女自稱比佢紋身期間瞓著咗,瞓醒發現臉上由本來要求紋嘅三粒星,變成56粒!不過最新消息係,師傅原來被屈,女仔承認因為老豆激到紥紥跳所以迫住講大話。紋身喎,塊面喎,成塊面喎,比在喺香港,發生血案都似。

Read more ›