Post Tagged with: "lego"

日本網民製高達LEGO畫 Wing Gundam Zero Custom
by / on 03/05/2018 at 5:10 pm

日本網民製高達LEGO畫 Wing Gundam Zero Custom

LEGO畫可以有8-bit效果,用嚟製作SD Gundam作品實在非常配合。呢為日本網民就製作咗一幅Wing Gundam Zero Custom,放喺屋企實在係型喎!

Read more ›

Ric Tse《樂高迷你劇場x香港美食》 Lego人仔訓餅乾擔架床
by / on 18/04/2018 at 7:45 pm

Ric Tse《樂高迷你劇場x香港美食》 Lego人仔訓餅乾擔架床

是日推介「Legography」,即係利用Lego擺場景影靚相,Ric Tse本畫集《樂高迷你劇場x香港美食》就係圍繞呢個主題嘞。佢喺面書登咗幾張相,全部都好正,絕對係睇到人嘩嘩聲之作。當雞尾包變潛艇、蛋花大菜糕變溜冰場、餅乾變擔架床、鹽焗鵪鶉蛋變異形蛋、香腸變木筏等香港美食,配搭唔同表情同肢體動作嘅Lego Minifigure,效果竟出奇地有趣。呢本畫集,我想擁有。

Read more ›
名古屋Legoland積木泳池 網民:「睇見都痛。」
by / on 14/04/2018 at 10:21 pm

名古屋Legoland積木泳池 網民:「睇見都痛。」

日本名古屋開咗Legoland之後,吸到好多有小朋友嘅父母去玩,咁啱啱官方就出咗新圖,話有呢個Lego泳池……網民一睇到,有人話好似聽到聲一樣,有人就睇見都覺得痛,仲有人出腳底按摩圖……

Read more ›
日本高手製作 超正LEGO戰蟹
by / on 05/04/2018 at 7:07 pm

日本高手製作 超正LEGO戰蟹

一向都覺得《機動戦士ガンダム0080 ポケットの中の戦争》口袋裏的戰爭呢套作品入面,除咗京寶梵之外,隻戰蟹都係超有型嘅。啱啱呢位日本高手就出手製作呢隻「水陸両用MSの名機」「ハイゴッグ」,最勁係一雙手臂嘅柔軟度同活動能力!

Read more ›
【有片】日本LEGO神人超強創作    扶手電梯Twitter熱傳
by / on 12/03/2018 at 7:45 am

【有片】日本LEGO神人超強創作 扶手電梯Twitter熱傳

成日都覺得LEGO嘅高手在民間,日本仲特別多,最近有日本網民分享咗佢嘅創作,係一條扶手電梯呀!雖然條梯短短哋,但就裝咗摩打真係識郁,好正,而且應該好安全。除咗電梯之外呢位網民仲分享埋其他作品,都係電動嘅,超勁,入嚟有片睇。

Read more ›
宇宙最崩壞攝影師     全家變LEGO人網上熱傳
by / on 16/01/2018 at 7:38 am

宇宙最崩壞攝影師 全家變LEGO人網上熱傳

一個專業嘅攝影師好重要,之前都睇過香港好多崩壞嘅結婚相,今次到外國嘞。話說Pam Dave Zaring一家之前喺網上受到一個中年女人嘅邀請,答應咗俾美金$250佢幫全家人喺St. Louis嘅公園Forest Park影返輯相。等咗8個月佢哋終於收到相嘞,不過所有人個樣都變咗‥‥‥由於太好笑,佢忍唔住放上網分享,而家喺Facebook好多人分享。啲留言都好正,例如話:「你哋全部好似LEGO人!」、「係第一個AI (人工智能)家庭!」、「期待攝影師P埋隻狗!」至於攝影師方面就解釋話當日嘅光影唔係幾好(雖然拍攝當日據講好好天),而自己嘅攝影導師又無教過佢P圖,所以就‥‥‥不過呢一家「受害者」並無諗住要退款喎,相反佢哋好開心呢輯相帶俾佢哋一家甚至網上咁多人歡樂,不過佢唯一想要返係輯原相,希望佢爭取成功啦。

Read more ›

【新片速報】日本神級LEGO機械 識解扭計骰Twitter熱傳
by / on 03/01/2018 at 7:46 am

【新片速報】日本神級LEGO機械 識解扭計骰Twitter熱傳

真係好勁!用LEGO砌成嘅機械,仲要識得玩扭計骰,難怪段片喺Twitter咁多人RT。有日本網民放咗段片上網,好快已經超過30萬瀏覽,大家都讚呢個係天才級嘅發明。對於用手扭都解唔到嘅人嚟講,見到都有啲羞恥。

Read more ›
【有片】LEGO創意開箱片 原力砌Ravager
by / on 17/12/2017 at 9:45 pm

【有片】LEGO創意開箱片 原力砌Ravager

網上好多開箱片,LEGO嘅多到爆開啦!咁可以加啲創意突圍,好似呢個Shanks FX頻道咁,用原力嚟砌Kylo Ren嘅Ravager,其實只係Stop Motion,不過效果真係好正!

Read more ›
日本LEGO迷自製聖誕樹 識閃燈效果超正
by / on 14/12/2017 at 7:10 am

日本LEGO迷自製聖誕樹 識閃燈效果超正

聖誕節就到,有無諗過喺屋企放返棵聖誕樹?日本有LEGO迷就自製咗呢棵聖誕樹,仲加埋閃燈效果,好正!佢話買咗7盒basic box嘅Lego,大約用咗5千塊Lego左右砌成,唔知佢會唔會考慮量產呢?

Read more ›
香港LEGO高手製作 《Macross F》VF-25可變三型態
by / on 21/10/2017 at 2:54 pm

香港LEGO高手製作 《Macross F》VF-25可變三型態

好勁!用LEGO砌《Macross F》嘅VF-25出嚟,無論邊個型態都唔容易,呢位高手「Lego 積木達人 Michael Design & Handmake」仲砌咗一隻可以變晒三個型態嘅作品出嚟!戰機型態最有型,GERWALK都幾好喎!

Read more ›
有片:萬聖節用紙皮DIY Lego Minifigure 睇到嘢唞到氣咩?
by / on 19/10/2017 at 9:00 am

有片:萬聖節用紙皮DIY Lego Minifigure 睇到嘢唞到氣咩?

就快到萬聖節,諗到乜嘢造型參加化妝舞會未?如果未,可以參考吓呢條片,教你用紙皮自製可動關節嘅Lego Minifigure,其實唔難,不過就絕對好煩,工序多多少啲心機都唔掂。而呢個Minifigure一啲都唔Mini,笠上身,一比一真人比例,好高大威猛,係就係好似漆黑中嘅螢火蟲咁出類拔萃嘞,但我發覺到兩個問題,一,笠完Lego頭就完全密封,裡面個人唔知點唞氣;二,無預留位置俾人睇嘢,等於盲嘅一樣,即係話只可以全場戙企,唔准郁。

Read more ›

最緊要細 日本網民用LEGO砌歷代PS
by / on 17/10/2017 at 5:15 pm

最緊要細 日本網民用LEGO砌歷代PS

見過唔少係好多高手用好多好多LEGO砌好大好大嘅嘢嚟破紀錄。不過呢位就唔係,反而係以細為先。佢啱啱完成咗PS系列主機……

Read more ›
自製LEGO求職公仔搵工 超正設計不計成本
by / on 22/09/2017 at 7:38 am

自製LEGO求職公仔搵工 超正設計不計成本

想搵份好工唔易,設計師Andy Morris就諗咗個方法 ─ 用LEGO玩具作為CV寄出去搵工,又靚又實用。正面有隻有少少似佢嘅LEGO公仔,仲有埋年齡、姓名同職業,背面就係佢俾準僱主嘅信,最重要係寫明「數量有限」。連包裝盒張紙仔都設計得特別有心思,僱主睇見應該會印象分大增,不過製作成本都幾貴。

Read more ›
【有片】LEGO版《Grand Theft Auto》 撞散晒啲人仔
by / on 08/09/2017 at 10:56 am

【有片】LEGO版《Grand Theft Auto》 撞散晒啲人仔

其實大家仲有冇得閒開隻《Grand Theft Auto V》嚟玩?喺遊戲世界周圍殺人放火都係減壓嘅方法吖。Nukazooka就拍咗一條LEGO版影片,見到架車橫衝直撞,撞散晒之人仔,之後又出埋直昇機,都幾有GTA嗰種亂嚟嘅感覺……

Read more ›
有片:75000塊積木砌出千歲鷹 史上最大Lego
by / on 07/09/2017 at 10:00 am

有片:75000塊積木砌出千歲鷹 史上最大Lego

Wow!號稱The biggest Lego model果然唔講得笑,由超過75000塊積木組成嘅超千歲鷹(75192),捧上手應該好重,擺出嚟肯定好型。我好想要,但唔太敢要,唔係買唔起,亦唔係砌唔起,而係「土地問題」,砌完都唔知擺邊度好。又係嗰句,惟有睇咗當買咗喇。

Read more ›