fbpx

Post Tagged with: "lego"

27件神級Lego製品   巨型變形俠醫Volvo車
by / on 30/07/2013 at 7:36 am

27件神級Lego製品 巨型變形俠醫Volvo車

好鍾意睇Lego製品,尤其是大大件好宏偉嗰種。外國網Mashable最近做咗個專題,集合咗27件超大型嘅Lego製成品,有啲GameoverHK介紹過,有啲我都真係第一次見,共通點係全點都好震憾好難砌,我最鐘意係大大隻嘅變形俠醫同埋同真車一樣大嘅Volvo Lego車,入嚟有得慢慢欣賞。

Read more ›

解剖卡通巨星    藍精靈 /瑪利奧 / Barbie剝皮見骨
by / on 27/07/2013 at 2:40 pm

解剖卡通巨星 藍精靈 /瑪利奧 / Barbie剝皮見骨

美國藝術家Freeny極度迷戀解剖學,最鐘意將大家鐘意嘅卡通人物切開一半,迫你睇埋佢嘅心肝脾肺腎,最新作品有藍精靈,呢隻又幾啱用喎,尤其是你表弟表妹日日扭你陪佢睇有糖妺配音嘅《藍精靈2》,比呢張相佢睇,分分鐘可以截停佢。入嚟仲有得回帶睇晒被解剖嘅瑪利奧、米奇、Hello Kitty、Lego、Barbie等等,粒粒卡通巨星,嚇細路一流。

Read more ›
聯乘遊戲Tee    龍珠變Lego黑武士變《壞蛋獎門人》
by / on 25/07/2013 at 7:34 am

聯乘遊戲Tee 龍珠變Lego黑武士變《壞蛋獎門人》

之前介紹過嘅法國插畫師Donnie好鐘意將遊戲內容放入設計內,係我好鐘意睇嘅插畫師之一。繼之前介紹過嘅孖寶乘捉鬼敢死隊後,今次再encore佢其他作品,包括外國好流行嘅《壞蛋獎門人》,不過就變咗孖寶兄弟同埋黑武士,仲有龍珠版lego、咸豐年代嘅小魔怪扮龍貓等等,鐘意嘅話可以上佢嘅官網將圖案印成T恤著上身,價錢$220左右,20隻色、6個碼任揀,連罕見嘅3XL加加加大碼都有,最重要係唔怕撞款嘛。

Read more ›
新片速報 200萬塊LEGO 砌1:1《哈比人》袋底洞
by / on 24/07/2013 at 2:14 pm

新片速報 200萬塊LEGO 砌1:1《哈比人》袋底洞

係,我鍾意佢個中文名「袋底洞」夠鬼馬,所以唔用Bag End呢個原名。呢間真實比例嘅哈比人巴金斯嘅屋企,係第一集《哈比人》同《魔戒》都有出現,而呢個製作團隊就用咗3,000個小時、足足200萬塊LEGO整好呢間屋,而且仲有主角同甘道夫等人!呢條影片,就係佢哋嗰3,000小時製作過程嘅濃縮版。如果你返工好忙,都可以買副「正常版」袋底洞砌吓,652塊啫。

Read more ›
懷舊 LEGO版灰機 入到遊戲帶
by / on 23/07/2013 at 2:57 pm

懷舊 LEGO版灰機 入到遊戲帶

香港自任天堂紅白機年代開始,已經有美版同日版入口,冇記錯的話,行貨好似係灰機,即係美版機嚟嘅。咁當時你買嘅係灰機定紅白機,好彩我係紅白機,如果唔係大個咗應該冇咁崇日。呢位外國嘅機迷weltall1028就懷舊喇,用LEGO自製咗部任天堂灰機出嚟,而且仲可以放餅遊戲帶入去,像真度都幾高。

Read more ›
新片速報    Lego拖鞋赤腳踩唔覺痛
by / on 21/07/2013 at 3:25 pm

新片速報 Lego拖鞋赤腳踩唔覺痛

有無試過唔覺意赤腳踩咗上嚿Lego度?嗰隻痛到入心入肺嘅感覺真係痛到想打人!不過呢對喺外國網ThinkGeek見倒嘅Lego拖鞋,我就唔介意踩多兩踩。有齊紅、藍兩色,雖然唔係經典嘅2×4 Lego,而且相當大嚿,但係睇落好舒服喎。港幣200蚊唔駛,不過未包運費,另外有短片示範,係,我都唔明點解一對拖鞋都有短片,不過短片入面示範者個Lego頭我反而好想買,開個價嚟得嘛?

Read more ›

Lego飯盒自由組合   多色任揀
by / on 16/07/2013 at 7:49 am

Lego飯盒自由組合 多色任揀

出街食晏又貴又迫又多味精,如果屋企有住家飯,帶飯真係唔錯嘅選擇,如果個飯盒好似呢個LEGO Lunch Box咁得意,我都唔介意帶多幾味餸。叫得做Lego,梗係有N咁多隻色比你任揀,最得意係有迷你Lego盒,等你可以大盒套細盒咁自由組合帶多幾味餸,貫徹Lego嘅創作理念,不過我估唔放得入微波爐,唯有帶飯團啦。

Read more ›
精品報價: 韋基利連寶貝鴨$498 LEGO新CHIMA系列玩真變形
by / on 15/07/2013 at 7:18 pm

精品報價: 韋基利連寶貝鴨$498 LEGO新CHIMA系列玩真變形

好多人飲恨嘅韋基利, 今個星期好似已經多咗啲貨返, 喺精品呢度仲見到有Walk in貨, 而且價位亦靚咗好多, $498連寶貝鴨SET, 比高位時平咗成嚿水, 我忽然覺得自己好幸福, 好彩頭水時買唔到啫!

Read more ›
新片速報 28吋高!《The Lord of the Rings》 LEGO薩魯曼Tower of Orthanc
by / on 03/07/2013 at 6:04 pm

新片速報 28吋高!《The Lord of the Rings》 LEGO薩魯曼Tower of Orthanc

鍾意LEGO又鍾意《魔戒》嘅,應該買都買到窮。最新推出嘅就係呢個Tower of Orthanc套裝!有28吋高,6層樓,仲有梗係白袍巫師薩魯曼、灰袍甘道夫等人仔。今次LEGO仲拍埋條片介紹,等你睇到個塔有幾高!呢套LEGO合共有2,359塊,賣到$199.99美元,You shall not pass……

Read more ›
新片速報 瘋狂實驗 自製LEGO義肢
by / on 02/07/2013 at 3:43 pm

新片速報 瘋狂實驗 自製LEGO義肢

呢位叫Christina Stephens嘅女仔,佢有一間research lab,某日有人講笑咁叫佢不如試吓整隻LEGO製嘅異肢啦?勇於嘗試嘅佢返屋企就真係走去試,最後仲拍埋成個製作過程!完成之後,佢企起身試行,到底結果係點,自己睇啦!

Read more ›
慘劇!史上最大LEGO直昇機爛!晒!
by / on 30/06/2013 at 12:14 pm

慘劇!史上最大LEGO直昇機爛!晒!

我生平最怕就係曳嘅小朋友,你發佢脾氣、鬧佢都無用,佢哋一係會嘴藐藐,一係就大喊,兩個反應都無好結果。講返事發經過,話說外國LEGO迷Ryan McNaught用咗6星期製作咗一架史上最大嘅LEGO直昇機 ─ 用咗10萬塊LEGO砌成嘅Erickson Air-Crane,仲放咗喺澳洲嘅Cairns Central Shopping Centre展出威威,點知噚日居然比幾個小朋友整!爛!晒!真係爛得好徹底。警方而家透過閉路電視追緝緊疑兇,但死者已矣,唉,Ryan McNaught你節哀順便吧。

Read more ›

日本玩家 LEGO高達 + 雷射大炮 + 太空坦克
by / on 27/06/2013 at 1:00 am

日本玩家 LEGO高達 + 雷射大炮 + 太空坦克

又係LEGO,又係自製,今次分享呢個日本玩家就用LOGO製作咗RX-78、雷射大炮同埋太空坦克,雖然唔算咩神作,但都叫自己一手一腳,佢話用咗5日先設計同砌好一隻高達,而且仲有活動能力,佢仲擺埋經典嘅無頭舉槍射自護動作!

Read more ›
【有片】LEGO新總壇 砌積木咁砌出嚟
by / on 16/06/2013 at 12:06 pm

【有片】LEGO新總壇 砌積木咁砌出嚟

LEGO嘅可塑性真係非常高! EVA、變型韋基利……連1:1星戰飛機都得, 其實仲有乜嘢唔得呢!? 剛傳出消息, 嚟緊丹麥會起一間LEGO HOUSE, 樓宇設計概代, 就係用一夠夠積木組成, 預計2014年動工, 2016年就落成, 真係砌積木咁快; 預計呢個樂高城大約有兩千多坪尺, 裏面有花園、有積木池、有最新LEGO銷售點, 周圍仲要有1:1人咁大嘅積木公仔做看更, 下面有片, 帶你搶先預覽全城, 以後大家潮聖, 有多個地方揀!

Read more ›
LEGO x iPhone    耳插機殼配件創意組裝
by / on 13/06/2013 at 8:16 am

LEGO x iPhone 耳插機殼配件創意組裝

經常報導iPhone殼,你唔悶我都悶,尤其大家嘅話題都圍繞緊Mac Pro同埋iOS 7嘅時候。但係點解今次仲要介紹呢?因為由台灣設計單位KB改造嘅一系列iPhone配件真係幾得,所有配件都係用LEGO組成,做耳插又得,做機殼又得,我最鐘意係用LEGO整成嘅電話座,得意搶眼又實用, 可惜暫時未有得賣住,想買嘅一齊去佢嘅facebook留言鼓勵吓佢啦。

Read more ›
精品報價: IRON MAN喼神MK V缺貨  超人LEGO情景搶先劇透
by / on 10/06/2013 at 3:57 pm

精品報價: IRON MAN喼神MK V缺貨 超人LEGO情景搶先劇透

  精品呢邊, 我真係開始懷疑佢係Iron Man個竇, 個個星期都有新嘢返! 上星期隻1:1等身高Mark 42已經引咗好多人去影影影, 今個星期仲返埋隻EGG ATTACK嘅IRON MAN MK V, 出面街已經唔多貨, 店長阿MAN都好老實同我講, 佢都唔多貨!不過就有得訂囉, 而且好有把炮話應該班到冇問題, 如果你喺出面搵唔到, 可以過嚟碰碰運。

Read more ›