Post Tagged with: "LED"

【新片速報】日本聖誕「LED電球」 廁所變舞台Twitter熱傳
by / on 12/12/2018 at 7:52 am

【新片速報】日本聖誕「LED電球」 廁所變舞台Twitter熱傳

聖誕節就到,有無諗過幫個廁所加啲氣氛?有日本網民喺amazon搜尋「LED電球」搵到呢盞燈泡,裝咗之後好似去咗Party咁,忍唔住令人想起身跳舞!之後佢仲試裝埋去浴室,效果一樣正。BTW,閃得咁勁,應該好難專心去廁所。入嚟有link,賣999円。

Read more ›

日本網民自製「LED眼鏡」 發光效果勁似「碇司令」
by / on 25/09/2018 at 9:03 am

日本網民自製「LED眼鏡」 發光效果勁似「碇司令」

可能連放3日假心情太爽?呢幾日日本Twitter好熱鬧好多自家創作,好似有網民就喺「ダイソ」買咗副眼鏡,然後自己加LED燈上去,整成會發光嘅LED眼鏡,之後仲扮碇司令‥‥‥入嚟有多啲相睇,可以跟住做喎!

Read more ›
你就係聖誕樹!日本LED裙著住閃
by / on 20/04/2017 at 2:17 pm

你就係聖誕樹!日本LED裙著住閃

據講話有約6000粒LED,呢條裙如果喺聖誕節著出街實在太過襯。日本Twitter最近就有人出片,見到呢條360度都有LED燈,而且似乎可以跟程式閃動嘅裙。

Read more ›
【新片速報】日本富士山超靚夜景 航拍機裝LED空中表演
by / on 09/05/2016 at 7:13 am

【新片速報】日本富士山超靚夜景 航拍機裝LED空中表演

航拍機可以有好多種玩法,最近日本富士山前就有呢個夜空表演,25架航拍機上裝咗LED燈,喺富士山前不停舞動,中間仲會變化成唔同顏色,堅靚。負責製作嘅公司叫「Sky Magic」,最近都有喺演奏會舞台做類似嘅表現,其實放呢啲仲好過放煙花,起碼環保啲。

Read more ›
精品報價: $950買12″ 豪仔 對眼仲要有LED燈
by / on 13/04/2014 at 3:26 pm

精品報價: $950買12″ 豪仔 對眼仲要有LED燈

    入到精品, 第一樣最惹火嘅一定係KIDLOGIC嘅豪仔12″ FIGURE! $950買12″已經覺得好狠抵玩, 最厲害對眼仲要有LED燈, 我頂吖! 唔買真係對唔住自己, 嚟緊仲有阿龍同殺意龍, 會唔會仲有女角呢……點都好! 出得咁真嘅豪仔真係唔多, 而且為要做到肌肉紋嘅質感, 膠料係特厚特重磅嗰隻; 留意佢嗰件道袍, 聽講為求真實感, 所以係專程飛過日本買件真道袍嚟跟參照架, 咁有誠意, 我吹多兩句唔使小呀!?

Read more ›
【有片】筆畫+貼紙電路 DIY LED飾燈
by / on 23/01/2014 at 4:09 pm

【有片】筆畫+貼紙電路 DIY LED飾燈

  每次落鴨寮街, 見到人哋整LED都好開心, 不過電路嘅嘢, 我唔識! 但睇見又哋DIY枱燈、魚缸燈, 真係幾眼紅; 想從簡單中學習, 機會嚟喇! 外國有間Chibitronics, 佢將呢啲LED燈組件完全模組化, 化身為Circuit Stickers, 所有LED燈、聲控開關、觸控開關都變成一張張貼紙, 至於走線位亦變成貼紙同填色筆, 用手畫出嚟就可以着燈, 其實佢呢啲配件, 都好似可以用嚟DIY模型LED燈喎, 真係心思思想買返份。

Read more ›

火柴人書籤LED電筒 勁玩柔軟體操
by / on 15/12/2013 at 7:15 pm

火柴人書籤LED電筒 勁玩柔軟體操

  火柴人! 可以話係卡通人物中「經典中嘅經典」! 有邊個唔係一開始學畫畫, 就係由佢畫起先? 日本Raymay公司最近玩經典回歸, 而且仲要係經再教育之後再推出市場, 佢個名叫ライトマン, 只係將佢兩隻眼變成LED燈, 再加個國家級柔軟體操運動員嘅骨架, 咁就變身成書籤讀書燈又得, 變手機、眼鏡架亦得, 價錢都有啲娜娜哋1,365円, 須知! 鴨寮街幾蚊一個LED電筒咋, 陰公! 哎! 錢真係易賺!

Read more ›
日本麵包燈      麵粉加LED超像真
by / on 09/12/2013 at 7:14 am

日本麵包燈 麵粉加LED超像真

識著燈嘅麵包我都係第一次見,好靚,仲好似特別美味。注意佢唔係扮麵包嘅膠燈,而係真真正正用麵粉再加層保護油造成。由喺日本京都市藝術大學畢業嘅靚女森田優希子製作,名為pampshade嘅麵包燈,麵包入面裝咗LED燈,要用電池發光,一個包裝精美嘅「麵包」賣3500円,買幾個放喺客廳廚房都好有型。

Read more ›
32 LED燈頭 iPhone 4-5s影相利器
by / on 08/12/2013 at 2:38 am

32 LED燈頭 iPhone 4-5s影相利器

  iPhone唔係我杯茶, 我唔鍾意俾人牽住鼻子走, 不過佢有兩樣嘢的確耍家, 一個係保安系統、另一個係影相拍片, 睇見呢件嘢就知講影相拍片啦! 日本上海問屋出咗部DN-10139, 睇名都知係泛濫式產品, 同生仔改名、叫1234567一樣! 不過實用性幾強, 行32粒LED燈, 有60LUX/m, 個人覺得, 近距籬影Food Shot係Fit嘅! 妖! 即係去街食飯、相機先食嗰隻呀!

Read more ›
最靚聖誕裝置   紐約鏡房Instagram大熱
by / on 25/11/2013 at 7:17 am

最靚聖誕裝置 紐約鏡房Instagram大熱

日日喺Facebook見朋友去商場影聖誕燈飾,差啲以為聖誕節已經到咗。如果出面有紐約呢個Infinity Mirrored Room 咁靚 ,唔駛要聖誕樹,我都想入去影返兩張放上fb呃like。由日本藝術家Yayoi Kusami設計,成間密室裝晒鏡,入面再裝上幾百盞彩色LED燈,置身其中就好似進入咗外太空,周圍有大量星星閃呀閃,女仔見到一定高八度嗌好靚呀!難怪好多人影完相都放上Instagram開心share,香港有無商場整返個,我真心想影。

Read more ›
YAMAHA超型棍 無線藍芽喇叭
by / on 22/11/2013 at 9:17 am

YAMAHA超型棍 無線藍芽喇叭

  其實我一直唔明, 點解「型」就一定要「棍」! OK! 今次YAMAHA就做咗一次完美演釋! 呢碌嘢叫Relit LSX-700, 佢係一支通過藍芽接駁手機、平板嘅無線喇叭, 設計亦係時下最常見嘅全方位設計(10W X 3、三單元), 不過最型棍之處, 就係佢喺喇叭頂部, 裝咗6粒LED燈, 再透過菱鏡效果, 做成機背一個光暈效果!

Read more ›

精品報價: Me2 Cosplay超專睇3D戲 買1/4 Figure送18″ LED觸感燈箱
by / on 11/11/2013 at 10:50 am

精品報價: Me2 Cosplay超專睇3D戲 買1/4 Figure送18″ LED觸感燈箱

  精品呢度, 一向都係Figure做重點, 第一樣留意當然係海賊王嘅鷹眼, 返得少, 又多人訂貨! 另外Good Smile嘅薩爾達都雖然冇Q版咁可愛, 但活動能力高, 擺遊戲經典Pose一流! 特價嘢有幾樣值得留意, 第一係Me2超! 唔止Cosplay咁簡單, 佢仲係戲院3D眼鏡, $98以後入戲院時唔使再用公筷, 乾淨啲, 人又型仔啲……夠薑散場戴到佢出街! 另外1/4嘅鐵血戰士、IRONMAN、超人做同梱優惠, 買Predator加$200送18″燈箱、買超人或IRONMAN仲直接送添, 大佬呀! 買$680嘢, 送個成$500嘅燈箱畀你, 絕對妹仔大過主人婆

Read more ›
新城市LED聖誕燈飾 90%慳電 仿15世紀佛羅倫斯
by / on 08/11/2013 at 4:15 pm

新城市LED聖誕燈飾 90%慳電 仿15世紀佛羅倫斯

  11月喇! 聖誕燈飾又開始登場, 以前多數去尖沙嘴睇/影燈飾, 不過近呢兩年個個話環保, 燈飾真係失色了, 不過今年沙田新城市呢個我幾鍾意, 用逾10萬粒LED整咗個仿15世紀佛羅倫斯文藝復興古典建築群, 據稱慳電率達90%兼0發熱, 最正係全部以紫色同粉紅色做主調, 感覺幾浪漫吓; 由於地方細細、LED極度集中關係, 所以夜拍效果估計會幾正!

Read more ›
荷蘭SPIRIT太陽能街燈 香港一定裝唔起!
by / on 15/10/2013 at 6:03 pm

荷蘭SPIRIT太陽能街燈 香港一定裝唔起!

荷蘭人一向好環保, 連街燈都特別環保過人, 呢支叫做SPIRIT – Solar Powered Lighting Column, 由一間叫Kaal公司開發, 你見到成支燈上下都包住太陽能板, 佢可以完全唔使接駁電源, 自給自足, 原因係佢裏面有個「電池水塘」, 而且仲有個光度感測器, 在感應環境光度之餘, 更會以此數據調節燈光光度, 燈亦係好慳電嘅 12-24 Volt LEDs, 成支燈有18米高!

Read more ›
1,600種顏色組合 藍芽變色齋膽
by / on 21/09/2013 at 10:49 am

1,600種顏色組合 藍芽變色齋膽

  一個燈膽, 究竟可以有乜嘢玩呢? 暖光、冷光、慳電、石英……講乜都好啦! 你都估佢唔到會加藍芽囉! 我起初真係以為佢曉聽歌, 原來唔係! 竟然係可以透過與手機App藍芽連動, 調校出1,600種顏色組合, 仲可以有9個預設顏色; 我知類似變色產品一早有, 但係只係做到普通燈膽Size、唔使外加任何無線模組, 成件事好簡單, 真係擰個燈膽咁簡單, 更開心係冇網購Link, 想買香港有得買! 9.5W/Hot Air Balloon($449)、7W/Sky Lantern($399), 唔好同我講話貴, 市面一般變色LED飾燈, 真係一千幾百猶如垃圾, 你話如果鴨仔街有……可能會仲平喎!

Read more ›