Tag: last of us

新片速報 官方公開《The Last of Us》另一個結局

新片速報 官方公開《The Last of Us》另一個結局

今年好Game太多,如果要揀暫時本年度最佳遊戲,你會揀《The Last of Us》定《GTA V》?《The Last of Us》個結局都算好感人,但劇本同創作總監Neil Druckmann就啱啱帶嚟另一個結局嘅製作,呢段片喺之前嘅PAX公開過,啱啱正式發佈俾大家睇,仲記唔記得原本嗰個?

Read more ›

新片速報 《The Last of Us》60秒故事全收錄

新片速報 《The Last of Us》60秒故事全收錄

如果你好似我哋某位同事咁,仲未打爆《The Last of Us》,冇時間但又想了解故事睇埋結局,呢條片就幫到你。外國嘅「JaysPlayground」YouTube頻道做咗條動畫,畫風有啲似《South Park》,就用60秒由開機嘅場面開始極速交代晒所有劇情。爆咗嘅都可以回味吓,原來成個遊戲故事都唔係發生咗好多嘢啫……

Read more ›

新片速報 超像真!fans剪輯《The Last of Us》真人電影預告

玩完《The Last of Us》之後,覺唔覺呢隻遊戲好適合拍真人電影?定一話其實根本呢隻遊戲就好似電影一樣。有外國fans就將好多套喪屍、末日片嘅片段剪埋一齊扮咗一條真人版電影Trailer,裏頭嘅Hugh Jackman真係有啲似男主角Joel,而且當中不乏熟口熟面嘅片段,有《World War Z》、《天煞》、《生化危機》、《I am Legend》等等,你認得幾多套?

Read more ›

全球突破340萬套《The Last of Us》PS3史上銷售最快

咩叫史上銷售最快呀?我睇到嘅時候都有相同疑問。原來即係話自6月14日遊戲推出以嚟,未夠3個星期就已經有340萬銷量。而且出咗未夠1個月已經成為2013年暫時最暢銷PS3作品!雖然呢隻遊戲都幾多Bugs幾好笑,但整體故事同平衡度都做得相當唔錯,Naughty Dog團隊都幾靠得住。話時話,咁嘅結局,仲會唔會有續集?

Read more ›

新片速報 西人教學 煮《The Last of Us》Clicker奄列

玩完《The Last of Us》之後,唔知玩家們有冇對菇類產生恐懼?呢位西人就冇喇,仲幻想自己喺遊戲入面嘅被感染末世之中,用Clicker嚟整嘢食。佢都算識食,佢用Clicker個頭(即係磨菇!?)嚟教大家整好嘢食,仲拍埋片,到最尾當佢準備開動嘅時候,突然……

Read more ›

新片速報《The Last of Us》爛口Ellie冇王管

其實小朋友真係唔應該咁爛口嘅,但如果生存喺充滿病毒感染者嘅世界,作為叔叔嘅你會唔會鬥呢個14歲女:「死女!咪咁爛口!」就算係鬧,鬧完一次佢唔聽咁點?有玩過《The Last of Us》嘅都知,Ellie嘅粗口確實係勁過男主角,而且活用得好好,唔信可以睇吓呢條外國機迷整嘅粗口大集會,如果換成中文都應該會幾好笑,搵邊個配音好?

Read more ›

Bugs影片大集合《The Last of Us》Ellie鬼上身 Clickers唔理人

其實無論係咪大作,都一樣會有Bugs,不過大作多啲人玩,咪多啲人發現多啲人擺上網。呢隻PS3嘅《The Last of Us》連續兩星期喺日本都係熱賣第1名,咁有日本網民就集合咗所有Bugs影片,等玩家們睇吓Ellie凌空浮起騎馬、Clickers咬唔到人、感染者四圍走但咬你唔到嘅情況。最後,遊戲Update咗之後已經冇咗之前講過嘅性熱線電話號碼,冇得捉蟲咯。

Read more ›

新片速報 Kali同你玩《The Last of Us》多人模式

  我連故事模式都未玩完,Kali已經爆咗兩次仲打緊《The Last of Us》多人模式,呢條就係佢同啲戰友玩兩個模式時嘅影片,聽埋佢哋講咩都好似幾緊張。最後Kali公開咗佢嘅PSN戶口名,叫大家add佢打通頂喎,考完試齊齊玩啦!  

Read more ›

《The Last of Us》Ellie太相似 Ellen Page表態唔欣賞

呢隻PS3《The Last of Us》真係唔差,Kali玩爆咗玩緊Multiplay,今晚會出片,仲有埋佢個Account俾大家add一齊玩,我呢又唔使做攻略就慢慢玩喇。有玩嘅機迷們,覺唔覺得女主角好似Ellen Page?其實呢隻遊戲喺上年E3登場時,女主角個樣仲似,似到係咁款,不過後尾Ellen Page成為咗另一隻遊戲《Beyond:Two Souls》嘅「演員」,所以佢哋就再改,改到比較似番配音嘅Ashley Johnson。咁見到第二隻遊戲個女角個樣咁似自己,Ellen Page點諗呢,有網民就留言問咗佢本人,佢本人都覆咗話唔太欣賞呢種做法,原文入嚟有得睇。

Read more ›

新片速報 《The Last of Us》fan made真人短片 男女主角登場

《The Last of Us》大把fans拍真人版,本地Bomba嗰條宣傳片係拍得好好,亦都有笑點,比起外國製作一啲唔輸蝕。如果一定要挑機,唯有挑佢哋冇番個性感女主角,好似呢條咁。由外國單位HitPointCompany製作,男女主角喺感染者世界求生……隻Clicker都有穿崩位,亮點反而係最後登場嘅Joel同Ellie,幾似喎又!

Read more ›

新片速報 6粒鐘《The Last of Us》詳盡全記錄

呢條片啱咩人睇呢?啱爆咗機希望回味又唔想開機打嘅人,啱冇PS3又想感受呢隻遊戲恐怖氣氛嘅人。呢條片集合咗所有播片位同快速嘅遊戲片段,睇完呢條外國機迷拍嘅片,真係好似打爆機咁,同朋友傾起都有話題。但係6粒鐘……當你每日搭車返工返學來回要半粒鐘,一個星期都睇得晒嘅……

Read more ›

《The Last of Us》Justin拍《Uncharted》真人版 滅蟲電話玩Phone Sex

Easter Egg發現!之前已經有人發現到遊戲入面有廠商Naughty Dog前作《Uncharted》嘅大富翁遊戲同公仔,之後又喺舊報紙見到:「Justin Bieber plays Nathan Drake in Uncharted 13.」即係《Uncharted》已經去到第13集,而Justin Bieber就會演主角Nathan Drake……再嚟最新就係呢幕,有兩個電話,寫住幫手滅蟲嘅,但有美國機迷竟然打去試,咦通喎!之後傳嚟一把女聲講淫語,講咩?入嚟睇。咦?滅咩蟲呢?

Read more ›

《The Last of Us》營造飄逸秀髮 Naughty Dog有辦法

可能大家之前都笑過盜墓者羅拉嗰條馬尾,成支棍咁,今時今日真係唔能夠接受。咁近排大熱嘅《The Last of Us》就喺呢方面落足功夫。可以點搞呢,原來係將多邊形切成一片片,再逐片貼落主角個頭度,雖然仲未做到好似播片咁,但全靠Naughty Dog嘅主角設計Michael Knowland,都好真實喇。

Read more ›

1周年送大禮活動 編輯割愛!《The Last of Us》製作人親筆簽名Tee/杯墊/遊戲/雨傘!

繼《One Piece》演唱會同《超人:鋼鐵英雄》優先場門票之後(仲送緊,歡迎睇番GameoverHK facebook),今日就有超珍貴、編輯錢無義割愛嘅《The Last of Us》製作人親筆簽名Tee(件Tee係之前去台灣遊戲展得到嘅,放心,未著過,冇味),而且仲連埋遊戲一隻 + 杯墊 + 雨傘1把!

Read more ›

新片速報 《The Last of Us》多人模式試玩Gameplay

E3完咗,遊戲傳媒嘅焦點又落番去啱啱出咗街嘅PS3《The Last of Us》度,呢隻Naughty Dogs大作口碑好好,Kali玩完都狂讚,我哋自家嘅1小時爆機試玩片就出咗喇,入嚟有得睇。而今日開通嘅多人模式呢,外國傳媒都火速試咗,入嚟有片睇,幾正!周末開機玩先,執背囊吖嗱!射爆你!

Read more ›