福龍出參考圖解構封面製作!讀者眼睛是雪亮的!撐!

一石激起千重浪,黃玉郎同劉雲傑撐惡法,網民LadyKyile即出「港漫抄考圖鑑」聲討,網民熱烈討論之際,邱福龍先表態承認有份,今日仲喺面書嚟多個Post兼附加相片,解構《鐵將縱橫》封面如何參考其他相片再重新構圖,並留言曰:「200期封面取材源頭2幅!1….大隻男模特兒照片,2….朋友在展覽會上映的中國古龍擺設!以後咁反而有趣!變了製作特輯!」此Post一出,網民八方和應,包括──Jacky Wong:「龍哥,其實你畫乜都睇,從來未介意過你參考物,加油。」、Steven Chui:「龍哥好嘢!每位創作人都需要資料搜集,再消化,加上經驗的累積和心機,作品才可誕生!」、Chan Man Keung:「跟相畫我可以接受,唔通要畫巴黎鐵塔真係要去巴黎。」 尤以Tsang Kwok Fung講得最中肯:「參考與抄襲,其實讀者一看便會明白,龍哥無需動氣。」無錯,何謂「二次創作」界線的確模糊,但讀者眼睛係雪亮嘅,邊啲係純「影印抄襲」邊啲係「參考創作」,睇咗幾十年公仔書難道唔識分別?放心喇福龍,大把人撐你呀。

Read more ›