Tag: labo

【有片】帽同槍都靚 神人自製LABO光線槍遊戲

【有片】帽同槍都靚 神人自製LABO光線槍遊戲

Nintendo Labo鼓勵玩家發揮創意自製遊戲嘛,不過呢位高手就再勁啲,自己跟舊版外觀製作埋把光線槍出嚟,而且亦都用紙皮自製埋頂帽,兩個道具都好靚。而頂帽上面就放個Joy-Con,因為Joy-Con底部有IR感應,所以可以感應到光線槍嘅射擊!

Read more ›

【有片】任記紙皮有用途 Switch Labo摺琴玩音Game《Deemo》

【有片】任記紙皮有用途 Switch Labo摺琴玩音Game《Deemo》

有冇買任記紙皮Labo?玩咗變個琴未?如果你係音Game迷,之前有買《Deemo》Switch版,咁嚟緊你就可以用個琴嚟玩呢隻音Game喇!遊戲廠出咗條片,就係示範咁樣玩俾你睇,不過佢話仲係測試緊,如果真係想玩,就要等ver 1.2 update喇。

Read more ›
【有片】音樂高手 Switch Labo彈出〈シオカラ節〉

【有片】音樂高手 Switch Labo彈出〈シオカラ節〉

任記紙皮Labo可以變部琴嘛,咁可以彈到啲咩歌呢?呢位日本高手就混埋音,製作咗《Splatoon》入面嘅〈シオカラ節〉出嚟……

Read more ›
【有片】林克開寶箱 日本機迷用Labo製作開門感應器

【有片】林克開寶箱 日本機迷用Labo製作開門感應器

  如果開鎖嗰吓有《薩爾達傳說》入面林克打開寶箱嘅音效,都幾爽!有日本機迷就用Switch加埋Labo紙皮嚟製作咗個裝置,利用Joy-Con下方嘅IR camera感應開鎖,一扭鎖匙就開寶箱喇!

Read more ›
【有片】任記紙皮天敵圖/片補完 懶貓冇興趣 睇見打喊露

【有片】任記紙皮天敵圖/片補完 懶貓冇興趣 睇見打喊露

噚日睇過日本好多貓都對任天堂Labo好有興趣兼破壞力好強,其實只係冰山一角,今日再補完一下。不過可能有啲貓奴睇完覺得自己屋企隻貓都好有興趣,但係又事與願違,好符合佢哋嘅個性,你以為我鍾意玩咩?我又唔玩喎。

Read more ›
【有片】任記紙皮最大天敵 日本機迷貓最愛玩Switch Labo

【有片】任記紙皮最大天敵 日本機迷貓最愛玩Switch Labo

邊個最鍾意玩任天堂Switch Labo?如果你屋企有養貓,一定係你屋企隻貓!本身都對紙皮有特殊喜好嘅貓貓,見到呢套Labo仲唔發癲?不過佢哋唔需要Switch主機都玩得好興奮……

Read more ›

【2018出GAME表】 3月至4月 [PS4 /XBox One/Switch /PC/PS Vita]

【2018出GAME表】 3月至4月 [PS4 /XBox One/Switch /PC/PS Vita]

嚟到3月至4月超多大作,大家隻《Monster Hunter World》可能都要放低吓嘞。3月29日發售,PS4/PS Vita《超級機械人大戰X》今次有《魔神英雄傳》,香港中年動畫迷好期待啦?另外3月8日PS4又有《人中北斗》,月尾又有《戰場女武神4》、《進擊之巨人2》、《Far Cry 5》同《二ノ国II》,去到4月20日仲有隻父子合作大屠殺《God of War》新作。至於任天堂Switch之前公佈嘅LABO,一張張紙皮摺成唔同配件,放入主機同手掣就會有唔同玩法, 嚟緊4月20日都會推出嘞,仲有《星之卡比》同埋《薩爾達無雙》都會陸續推出。最後係之前買落PS VR嘅,嚟緊3月6 日終於有隻射擊遊戲《Bravo Team》可以玩。好彩3月底有個復活節假,不過相信都唔夠玩。

Read more ›
新片速報 任記紙皮開箱 Nintendo Labo發售前睇清楚點玩

新片速報 任記紙皮開箱 Nintendo Labo發售前睇清楚點玩

4月20日發售,Nintendo Labo配合Switch玩,創意係高嘅,呢種玩法亦都幾令人期待仲有啲咩發展。啱啱官方出咗3條新片,由開箱到製作到試玩都有,買之前可以睇清楚吸唔吸引先。講真,睇完係會想買嘅,尤其個機械人玩法。

Read more ›
新片速報 任記玩紙皮 Switch新玩法多變化

新片速報 任記玩紙皮 Switch新玩法多變化

果然,噚晚官方話啱小朋友或童心未泯嘅大人玩……今朝公佈嘅Switch新玩法名為Nintendo Labo,又真係好似啱小朋友多啲,一張張紙皮摺成唔同配件,放入主機同手掣就會有唔同玩法,變琴呀、釣魚竿呀、電單車、油門、機械人背囊呀咁。唔明睇片啦,4月20日推出。不過講真,近排見到都真係幾多小朋友玩Switch,計啱條數嘅,而且一套變咁多樣嘢都係賣6,980円,抵玩。  

Read more ›