新片速報 日本岩手 暖笠笠炬燵列車復活

嘩!呢兩日真係好鬼凍!雖然唔及日本凍,但我都好想要張「炬燵」(Kotatsu)取吓暖!炬燵?咩嚟?即係你睇動畫同日劇成日見到日本人會幫張枱冚被,枱下面有個暖爐,就係炬燵喇。行駛岩手沿岸嘅三陸鉄道,由2005年開始每逢冬天都有炬燵列車行駛,車卡內全部都係咁設計,再沿途睇埋出面雪景真係好鬼溫暖!不過上年因為地震關係而取消咗……今年復活喇!由即日至3月31日,每逢周末同假日(1/1 – 1/6每日)都會有一班炬燵列車!2,100円來回雙程兩粒鐘,仲有豐富嘅便當賣,觀光爽呀!

Read more ›