Post Tagged with: "kitan"

日本超正貓扭蛋 單手攀爬樽裝飲品
by / on 02/09/2019 at 7:54 am

日本超正貓扭蛋 單手攀爬樽裝飲品

日本扭蛋品牌Kitan嘅出品一向高質,最近見到有呢款喵樽蓋裝飾,可以扣喺樽裝飲品度,模擬有隻貓爬緊喺樽上,其中又以單手攀爬嗰款特別型,睇佢個笑容幾自信?一式六款,今個月初推出,貓奴記住留意返。

Read more ›

日本超可愛「座る犬」扭蛋 排排坐好想儲齊一套
by / on 23/05/2019 at 7:05 am

日本超可愛「座る犬」扭蛋 排排坐好想儲齊一套

好可愛呀!又係呢款日本奇譚推出嘅「座る犬」扭蛋,今次已經嚟到第二彈,一班狗狗全部乖乖好似人一樣坐晒喺度,好適合儲齊一套,6月1日推出,鍾意嘅記住留意返。

Read more ›
【超想要】日本扭蛋「食券」掣 識著燈顯示「売切」
by / on 05/01/2019 at 2:42 pm

【超想要】日本扭蛋「食券」掣 識著燈顯示「売切」

一見到呢幾粒掣就想飛去日本食拉麵、天丼同埋牛肉飯!日本扭蛋公司奇譚將會推出呢粒掣,一式六款,每粒係不同嘅食物,包括咖喱飯、天婦羅、拉麵等等,最正係粒掣撳著識發紅光顯示售罄(売切),每粒掣再跟一張購買確認食券,睇完超想買。1月12日起去開日本記住搵吓。

Read more ›
【超想要】日本貓頭套聯乘Pokémon   最想要卡比獸
by / on 23/10/2018 at 7:00 am

【超想要】日本貓頭套聯乘Pokémon 最想要卡比獸

當貓奴仲煩惱緊買唔買萬聖節貓頭套嘅時候,日本扭蛋公司Kitan又有新款推出嘞!今次仲要係同Pokémon聯乘。嘩,係比卡超呀!鍾意比卡超嘅貓奴,好難唔買齊一套六件,因為入面仲有卡比獸呀。入嚟有得睇款,不過想買都要等到1月中,暫時都係用住萬聖節嗰款先啦。 

Read more ›
日本「呆坐喵星人」扭蛋 超治癒好想買
by / on 21/09/2018 at 7:41 am

日本「呆坐喵星人」扭蛋 超治癒好想買

坐喺度嘅貓真係超治癒!貓奴應該都有試過遇到,通常啲喵舔舔吓毛就會變咗坐喺度,加埋個樣呆呆哋真係好可愛。日本專出扭蛋嘅奇譚最新有呢個「座る猫」扭蛋,一共六個款式,今個月底發售,各位貓奴記住留意返嘞。

Read more ›
萬聖節貓頭套出場 黑貓配金色造型超搶眼
by / on 06/09/2018 at 7:55 am

萬聖節貓頭套出場 黑貓配金色造型超搶眼

要嚟嘅始終都係要嚟,講緊嘅係萬聖節同埋呢套喵星人頭套。無玩一排,當班喵星人以為可以鬆一口氣嘅時候,奇譚又宣佈推出呢套頭套,一式五件,有女巫、惡魔、南瓜、妖怪同蝙蝠造型,都要配合返本身隻貓嘅毛色嘅,例如金色呢套,黑貓就非常合適嘞!

Read more ›

喵星人又有新造型 變成一粒糖甜到漏
by / on 15/04/2018 at 11:17 am

喵星人又有新造型 變成一粒糖甜到漏

究竟喵星人仲可以轉幾多個造型?日本扭蛋公司奇譚又出新款,今次竟然係一粒糖!如果喵星人知道嘅話,應該會做出一個唔L係啩嘅表情‥‥‥之後會諗點解我對耳仔大咗咁多呢?BTW,呢款扭蛋總共有6個款式,4月底發售。

Read more ›
【狗狗都有】日本扭蛋出狗狗帽 戴起變一年級生超可愛
by / on 06/03/2018 at 7:24 am

【狗狗都有】日本扭蛋出狗狗帽 戴起變一年級生超可愛

唔係喵星人先有頭套有帽戴嘅,日本扭蛋公司奇譚都會造福狗群,最近就有呢個狗狗戴帽系列「かわいい かわいい 犬の一年生」,一式五款,戴起就好似個一年級學生咁,超傻超可愛,可以去郊外旅行嘞!而家已經推出咗,好想買返頂俾隻狗狗威吓呀。

Read more ›
日本扭蛋「復活節貓頭套」 喵星人變「復活蛋」!
by / on 02/03/2018 at 7:31 am

日本扭蛋「復活節貓頭套」 喵星人變「復活蛋」!

係呀,仲有一個月唔夠又到復活節,屋企嘅喵星人又要換裝嘞!今次日本扭蛋公司奇譚嚟到第18彈,一共推岀5個款式嘅貓頭套。除咗萌萌嘅兔耳款之外,連復活蛋都有!戴上貓頭之後變成一粒椭圆形嘅復活蛋,主人睇梗係覺得可愛啦,不過隻喵自己就未必想變粒蛋嘞。

Read more ›
喵星人又有新裝 春天花花造型超可愛
by / on 27/12/2017 at 7:27 am

喵星人又有新裝 春天花花造型超可愛

啱啱過完聖誕,貓奴係時候幫屋企隻喵計劃吓下一個造型嘞。日本扭蛋公司奇譚好體貼,已經準備好呢款花花頭套,有5隻色,最可愛肯定係蝴珊瑚色,另外藍色都好搶眼,黃色又夠晒春天,啱啱推出咗,貓奴記住留意吓嘞。

Read more ›
日本奇譚「紙箱貓」扭蛋      自動行走超可愛
by / on 14/11/2017 at 8:15 am

日本奇譚「紙箱貓」扭蛋 自動行走超可愛

日本扭蛋公司奇譚之前出過呢個自動行走嘅動物系列,第一次係企鵝,今次終於到紙箱貓,吸引力即時增強幾百倍!總共有6個款式,每隻喵都笠咗唔同嘅紙皮箱,只要放喺傾斜嘅位置佢就會自動向前走,唔駛用電,諗起都想玩。另外紙箱後面仲會露出條貓尾巴,可愛到暈!

Read more ›

日本「排隊喵」扭蛋 全部貓排排企超可愛
by / on 28/08/2017 at 7:39 am

日本「排隊喵」扭蛋 全部貓排排企超可愛

專出奇怪扭蛋嘅日本奇譚又有新嘢,今次係排隊喵星人,之前出過樹熊版,仲有高度分,今次到喵星人,有4種顏色,企最前嗰隻叉腰,最尾嗰隻就垂直雙手企到直一直,好似朝早開早會咁,識玩嘅一定係買多幾隻排個長龍出嚟,好可愛!預計12月發售。

Read more ›
【圖集】日本喵星人戴「兔耳」想殺人   受害喵照片大公開
by / on 16/08/2017 at 7:01 am

【圖集】日本喵星人戴「兔耳」想殺人 受害喵照片大公開

都話奇譚呢個扭蛋系列係喵星人嘅惡夢,有日本網民買咗「兔耳」系列,即係左邊嗰幅圖啦,黃色耳仔戴咗上去之後隻貓直情想殺人咁款!張相喺Twitter勁多人RT,網民個個都話隻喵嘅殺意好濃,好憤怒,之後有其他網民放其他受害喵嘅相,有啲扮羊咩,有啲扮兔仔,仲有之前嘅賊仔款,基本上全部都係好無奈或者好呆,入嚟有得回帶笑吓。

Read more ›
【又嚟】 日本喵星人頭套扭蛋   「水族館」主題扮魚仔
by / on 18/07/2017 at 7:10 am

【又嚟】 日本喵星人頭套扭蛋 「水族館」主題扮魚仔

呢款貓頭套扭蛋之前都出過唔少款式,有賊仔頭巾、水果主題,今次輪到水族館嘞。都係日本嘅奇譚扭蛋出品,一共有6個款,最無奈應該係魚仔嗰款,明明食魚嘅喵星人俾條魚騎住,睇得唔食得,難怪黑晒面嘞。今個月中推出,每扭一次300円,去開日本記住扭俾喵星人做手信嘞,雖然佢唔想要。

Read more ›
IG女皇渡邊直美出杯緣子 重量級攀爬夠突出
by / on 22/06/2017 at 7:54 am

IG女皇渡邊直美出杯緣子 重量級攀爬夠突出

日本搞笑女藝人渡邊直美喺日本勁受歡迎,IG粉絲更加去到680萬,好誇張,日本人鐘意佢夠真唔造作,除咗有自家服飾品牌,最近佢仲同奇譚合作出埋杯緣子擺設。重量級嘅身形爬喺杯邊,效果夠晒突出!姿勢包括倒吊、坐、爬同趴,各有特式,仲有一個隱藏款式,合共5款,今年8月推出。

Read more ›