Post Tagged with: "Kit man"

請實際課金!Kit Man義賣勁揪體Tee!
by / on 04/11/2019 at 9:30 pm

請實際課金!Kit Man義賣勁揪體Tee!

齋講無用,我哋亦唔需要冷氣軍師,想喺呢場逆權運動出一分力,不如少說話多做事,唔敢上前線者可以實際課金幫忙。Kit Man義賣勁揪體香港人HongKonger Tee,每件$97, 只提供大、中兩碼。收入所得全數捐畀山區學生或被捕義士,有剩無人要就轉贈星火同盟。大家收到嗎?香港人加油。

Read more ›

《蘋果日報》尊子漫畫小休 Kit Man + Martin社漫頂上
by / on 29/10/2019 at 9:00 am

《蘋果日報》尊子漫畫小休 Kit Man + Martin社漫頂上

有留意《蘋果日報》「名采」版嘅讀者,呢兩日應該發覺尊子漫畫唔見咗,原來尊子事忙請假唔畫住,取而代之嘅係Kit Man同Martin輪流供畫,供到11月26日為止。另,一向有畫開社漫嘅Kit Man,剛剛喺面書公開兩條Link,方便大家Download佢嘅原圖同字畫,以印製實物貼連儂牆之用。Very good,好人一世平安,請廣傳。

Read more ›
網圖分享:胡氏這一家+Kit Man 阿Sir捐坑渠搵棍
by / on 19/10/2019 at 9:30 am

網圖分享:胡氏這一家+Kit Man 阿Sir捐坑渠搵棍

上周疑似喬裝警察黑衫男俾人圍毆,連碌伸縮棍都俾人丟埋落坑渠,搞到要勞煩第二個警察幫手,揭開坑渠蓋搵窿捐,可惜最後碌棍都係搵唔番。呢一幕實在太Funny,Kit Man好抵死咁作畫並附設計對白──「er,阿sir執嘢唔洗你教!」而另一面書專頁「胡氏這一家-Toy Story胡迪」亦出圖,兼有留言曰:「膊頭無花嘅同我落屎坑執棍,白衫嘆冷氣,綠衫吸沼氣」,哈哈,真係笑死寶寶了。哼,喬裝得咁過癮吖拿,臥底吖拿,被獅鳥係自己攞來的,做法不完美,但可接受。

Read more ›
Kit Man x 高達研究所 出勁揪體模型水貼
by / on 09/05/2019 at 9:30 pm

Kit Man x 高達研究所 出勁揪體模型水貼

咁都得?就係得!「勁揪體」聯乘「高達研究所GundamLab」,精選接近50個中文字,推出用「勁揪體」字體印製而成嘅L.O.B.水貼,原創字體有大中小三種Size,方便各大中小模型發燒友貼字喺自己嘅高達模型上面。成件事係好有型嘅,Kit Man越來越多瓣數了,Good呀。

Read more ›
很想要吧 Kit Man勁揪體飛機欖
by / on 23/03/2019 at 3:42 pm

很想要吧 Kit Man勁揪體飛機欖

真心Mode,我覺得呢幾款為香港國際七人欖球賽而推出嘅限量版飛機欖好正,菠蘿包、平安包、紅白藍袋、醒獅、雞蛋仔、麻雀等等圖案,全部都有滿滿的香港元素。咁最正咯喎,就梗係Kit Man設計嘅勁揪體飛機欖喇,拎上手肯定型到震。想據為己有?都係參加遊戲兼留言咁喇。

Read more ›
勁揪體 x Nike出ig+WhatsApp Sticker 歡迎下載
by / on 03/02/2019 at 9:00 am

勁揪體 x Nike出ig+WhatsApp Sticker 歡迎下載

渣馬就嚟開跑,Nike聯乘Kit Man製作ig同WhatsApp sticker,同各大中小跑手打打氣。勁揪體就梗係有型有款喇,啲配圖都睇得出唔係Hea做,口號就振奮人心之餘兼好好笑──自私跑、放兔、唔使急最緊要快、仲有無貨、大把貨、我得咗喇等等等等,Dowmload番三兩個傍身無壞。

Read more ›

維園見!撐「阿塗x勁揪體——虢礫緙嘞廣東話@年宵」!
by / on 24/01/2019 at 9:00 am

維園見!撐「阿塗x勁揪體——虢礫緙嘞廣東話@年宵」!

望張宣傳海報,「阿塗x勁揪體——虢礫緙嘞廣東話@年宵」是甚麼來的?我登時滿腦問號,究竟「虢礫緙嘞」係乜?望真埋字頂注音,終於估到,原來係「戟瀝卡勒」。咁有幾虢礫緙嘞呢?真係去到維園先知。另,從佢哋改編《財神到》嘅歌詞嚟睇,估計到時Kit Man會即席寫獨一無二勁揪體揮春,而阿塗呢,則「造咗隻新貨等你認頭」,咁大家識做喇。

Read more ›
Kit Man現身Mikiki 即席寫勁揪體揮春
by / on 18/01/2019 at 9:00 pm

Kit Man現身Mikiki 即席寫勁揪體揮春

豬年將至,好多商場都辦舉新年市集,務求搞到個場紅噹噹添吓氣氛,Mikiki都唔例外。商場請嚟Kit Man坐鎮,佢會喺1月19日同1月27日現身市集,幫大家即席寫勁揪體揮春。手寫,保證張張獨一無二,我都打算排隊攞番張,唔知有無得要求寫乜嘅呢?希望可以喇。

Read more ›
Kit Man勁揪體金屬襟章 一套五個$300年宵有售
by / on 11/01/2019 at 9:30 am

Kit Man勁揪體金屬襟章 一套五個$300年宵有售

後悔之前無喺《勁揪體蚊型展》買勁揪體金屬襟章?唔緊要,Kit Man話嚟緊喺維園年宵市場86號檔有售,一套包「香港勁揪」、「HONGKONGER香港人」、「丟那媽」、「頂硬上」同「我撐廣東話」五個,賣$300,補購係時候。

Read more ›
Kit Man出勁揪利是封 $80有交易
by / on 01/01/2019 at 2:11 pm

Kit Man出勁揪利是封 $80有交易

有種勁揪叫堅持,我心底好佩服Kit Man嗰份堅持。勁揪體好嘢,一套20個勁揪利是封都係好嘢,唔花巧齋Sell字,銀銅二色分別印上「堅持」、「勁揪」、「搏盡」、「無悔」等字,係咪型先?另有寫住「合家勁揪」嘅利是封,金色,都係一套20個。呢兩套利是封都係賣$80,早預購減十皮。如果我收到的話,應該會好開心,咁當然,裡面要有餡喇,又當然,餡越大開心越加倍喇。

Read more ›
Kit Man x Nike = Just do it香港勁揪Tee
by / on 04/12/2018 at 9:07 pm

Kit Man x Nike = Just do it香港勁揪Tee

Kit Man呢期好紅呀,既辦展覽,又同Nike合作,最新有呢件Nike「Just do it」聯乘香港勁揪Tee,白Tee一件,但勝在個Logo都幾搶眼,斷估離九里遠都睇得到。想擁有,可以去「勁揪體蚊型展」買特定版又或者即接上Nike.com.hk訂購。

Read more ›

Kit Man x 香港釀造 推出勁揪啤
by / on 29/11/2018 at 9:30 am

Kit Man x 香港釀造 推出勁揪啤

有無打算撐Kit Man個「勁揪體蚊型展」?展覽仲有好多周邊嘢,包括勁揪體聯乘香港釀造(HK Brewcraft)推出嘅勁揪啤。味道如何?Kit Man面書留言曰:「味道一嚟就爆果熱情,但回甘味辛,正如人生入面任何堅持都會充滿熱情但箇中亦有一定嘅辛酸。」Fine,飲罐啤酒啫,使唔使咁多人生啟發?Anyway,個啤酒罐用色同設計都好正,我好想買番罐放飾櫃,當精品儲。

Read more ›
Kit Man勁揪體面世開蚊型展 原稿+精品大晒冷
by / on 22/10/2018 at 9:00 pm

Kit Man勁揪體面世開蚊型展 原稿+精品大晒冷

燈燈燈凳,歷時4年,Kit Man苦盡甘來,6000個勁揪體字詞終於正式面世,點唔能夠搞番個蚊型展賀一賀佢?望資料,展覽其實一啲都唔蚊型,有為數幾百個字嘅「原稿展區」,真係相都有排你影呀;又有可以互動嘅「文字瀑布」投影,玩得又睇得;咁當然唔少得精品區啦,有乜買先?一系列勁揪體產品包括海報、Totebag、HONGKONGER刺繡襟章、小學雞偽粗口刺繡扣針、勁揪別注啤酒、揀圖案手刮Tee等等,一句到尾,撳定錢喇老友。Kit Man,勁揪!加油!撐你呀!

Read more ›
鼓勵廣東話 Kit Man送「日常毛巾」
by / on 09/10/2018 at 8:30 pm

鼓勵廣東話 Kit Man送「日常毛巾」

鍾唔鍾意Kit Man勁揪體?我Like,仲好Like,所以都好想得到呢條「為咗記錄呢啲廢得嚟好L重要嘅生活部份而設計」嘅「日常毛巾」。毛巾有兩行問話符號作留白,大家可以用廣東話幫手填埋佢,玩法係填香港人Including我你他常用嘅廣東話,填前五個字後四個字,邊個填得好,即送呢條28x99cm嘅毛巾。想要?動腦筋喇。

Read more ›
Kit Man出利是封 另類祝福語型到一個點
by / on 07/12/2016 at 10:00 pm

Kit Man出利是封 另類祝福語型到一個點

雖然只得打稿未有實物,但如果你一向都Buy阿Kit Man兄手字同「主張」,咁就有必要幫襯佢買利是封,一袋四款各20個,黃底黑字好Sharp醒,分別印上「年年有種」、「歲歲不屈」、「霸氣洋洋」同「志氣勃勃」等字眼,試想像吓收利是嗰陣見到呢四句另類祝福語,真係多麼的出類拔萃,多麼的型到一個點。價錢?唔同購買方法有唔同價錢,自己PM佢,都係嗰句,請支持本地創作,報告完畢。

Read more ›