Post Tagged with: "kit kat"

【新片速報】Pokemon聯乘Kit Kat?超像真fanmade廣告片
by / on 10/03/2019 at 5:35 pm

【新片速報】Pokemon聯乘Kit Kat?超像真fanmade廣告片

Kit Kat終於同Pokemon合作,仲有新CM?呢段廣告片有齊最新公佈第八代Pokemon嘅全新角色Grookey、Scorbunny、Sobble,用嚟代表3款新口味Oran Berry、Cheri Berry同埋Lum Berry,係咪好想知究竟係咩味?可惜嘅係佢只係fanmade作品,唔係真正嘅官方聯乘,製作單位係YouTuber 「Channy and Kimberly」,佢哋之前都整過薩爾達廣告同埋Nikes聯乘Splatoon 2,像真度好高,入嚟有回帶。

Read more ›

日本Kit Kat超霸氣限定版 集合35款不同朱古力
by / on 28/11/2018 at 7:44 am

日本Kit Kat超霸氣限定版 集合35款不同朱古力

以日本手信嚟講,Kit Kat朱古力應該都長期高踞榜首位置。最近為咗慶祝品牌45周年,官方推出咗呢個特別裝,集合咗35款味道,貪新鮮鍾意試唔同味嘅啱晒,不過要小心唔覺意會食多咗。35款味道包括「世界總選舉第一位」嘅士多啤梨Tiramisu味、人氣之選同地區限定嘅款式,賣6264円,唔算平,不過買個咁霸氣嘅包裝都值。

Read more ›
日本Kit Kat應援朱古力 協助西日本豪雨災區
by / on 01/08/2018 at 7:08 am

日本Kit Kat應援朱古力 協助西日本豪雨災區

Kit Kat之前都出過特別版朱古力籌款,最近因為西日本豪雨同埋大阪府北部地震,佢哋公佈推出呢款應援朱古力。味道係紅葉饅頭味,即係日本廣島縣最具代表性嘅手信,味道有啲似蜂蜜蛋糕,之前只限廣島發售,嚟緊10月9日開始將會全國性發售,去開日本記住買盒做手信支持吓。

Read more ›
日本Kit Kat「壽司朱古力」 海膽軍艦大阪機場限定
by / on 19/04/2018 at 7:56 am

日本Kit Kat「壽司朱古力」 海膽軍艦大阪機場限定

上年愚人節Kit Kat公佈出壽司版,反應勁好最終銀座朱古力店開業時整咗500套送俾顧客,最近佢哋趁大阪國際機場新店開張,又推出壽司特別版,今次一盒有三款壽司,分別係吞拿魚(紅桑子)、海膽(蜜瓜加芝士)同埋雞蛋(香蕉)壽司,全部嘅白飯都係用脆香米再加白朱古力醬整成,之後仲會灑啲wasabi粉,好像真。香港人最鍾意嘅海膽軍艦仲有塊紫菜包住,限量推出570套,4月18日至5月6日,每日首30位消費滿3千円就可以免費得到,去開機場搭早機嘅可以碰吓運氣呀。

Read more ›
【手信】日本Kit Kat「地震應援」版   熊本熊搞笑樣必買
by / on 31/03/2018 at 1:18 pm

【手信】日本Kit Kat「地震應援」版 熊本熊搞笑樣必買

日本嘅Kit Kat經常有新口味,好啱買嚟做手信,嚟緊4月2日推出嘅呢個熊本熊新版本,大家去旅行好值得買。首先佢係為咗熊本市2016年地震復興計劃而推出嘅,每賣出一袋會捐出10円,另外佢嘅口味係「いきなり団子味」,即係熊本市嘅特產麻糬,外皮由糯米包成,入面係黃色蕃薯同埋紅豆餡,睇落都覺得好好味呀。今次有4個版本嘅包裝,熊本熊分別賣萌、偷笑、舔脷、開心,可以乘機買多幾款嘞。

Read more ›
日本推出誕生石Kit Kat 一個月出一款
by / on 02/11/2017 at 9:38 pm

日本推出誕生石Kit Kat 一個月出一款

Kit Kat狂出特別版,最新就有呢款誕生石Kit Kat,今個月11月推出第1彈,之後每月會推出1種,合共12個月12種。3條1,485円,當然嗰粒石都係食得嘅。

Read more ›

日本推出Kit Kat壽司 銀座店超限量推出
by / on 31/01/2017 at 1:10 pm

日本推出Kit Kat壽司 銀座店超限量推出

上年愚人節Kit Kat玩過Kit Kat壽司圖,估唔到嚟到o依家,真係出喎!放心,上面嘅係紅莓、北海道蜜瓜、芝士味Kit Kat,下面啲飯其實係用白朱古力製造嘅,至於軍艦壽司啲紫菜,就真係紫菜。由2月2日下午1點半開始,呢套「寿司キットカット」就會喺銀座新店推出(唔係地下街嗰間),限量500套!

Read more ›
【必買手信】日本2月推出「日本酒 Kit Kat」 含0.8%酒精
by / on 29/01/2016 at 10:19 pm

【必買手信】日本2月推出「日本酒 Kit Kat」 含0.8%酒精

Kit Kat越出越多味,不過大部份香港都有得賣啦,呢款我諗都好快有,所以諗住買嚟做手信嘅就去之前行轉阿信屋先穩陣。日本2月1日推出,就係呢款「キットカット 日本酒」,喺朱古力、威化入面有日本清酒粉末,真係酒嚟,所以係含0.8%酒精嘅,雖然好少……另外,同時都會推出樽裝,包裝嚟啫,一「支」有9包。

Read more ›
自製朱古力Kit Kat 特式甜品只此一家
by / on 11/08/2015 at 7:14 am

自製朱古力Kit Kat 特式甜品只此一家

以前去親日本都會買Kit Kat朱古力,貪佢每個地區都有限定嘅獨特口味。今年係Kit Kat嘅80週年,悉尼嘅Westfield Shopping Mall同當地好出名嘅甜品大廚Anna Polyviou合作,開咗間期間限定嘅pop-up studio,客人可以自選獨一無二嘅Kit Kat口味,先選白、黑或牛奶朱古力,再喺上面加3款自己鐘意嘅配料,睇佢嘅白朱古力配玫瑰花瓣款式,齋睇都好似藝術品咁靚。另外店內嘅Kit Kat甜品都好吸引,推介有大廚自創嘅「CARAMELIZE ANNA」,朱古力配蜂巢、爆谷,加埋好靚嘅設計,賣美金$4,去開悉尼記住試!

Read more ›
日本快餐店推出「Kit Kat」三文治 220円期間限定
by / on 21/03/2015 at 11:33 am

日本快餐店推出「Kit Kat」三文治 220円期間限定

其實我真係好鍾意食「Kit Kat」、「Timeout」呢啲朱古力,反而越貴越苦嗰啲高級品就真係麻麻。如果你同我一樣鍾意食「Kit Kat」,咁呢排如果有機會去日本就要試吓呢個「Kit Kat」三文治喇。即日起喺「First Kitchen」連鎖快餐店期間限定供應,用麵包夾住朱古力,再加Cream,冇雞蛋6隻亦都冇糖呢兩茶匙,不過有加啲橙皮,220円。另外店內亦都會有呢款「KitKat for Cafe(キットカット フォーカフェ)」朱古力賣,50円。

Read more ›
Kit Kat朱古力變車票    日本「三陸鐵道」災後宣傳
by / on 17/06/2014 at 7:15 am

Kit Kat朱古力變車票 日本「三陸鐵道」災後宣傳

朱古力可以當車票用?都係日本人先諗到咁好玩嘅宣傳方法。Kit Kat最近推出咗一盒三枚嘅特別版朱古力,只要拎住個包裝紙,就可以免費搭一程日本岩手縣「三陸鐵道」嘅列車,其中兩架列車仲有櫻花圖案,好靚靚。今次宣傳背後有段古,事緣2011年嘅311東日本大地震導致日本岩手縣嘅三陸鐵道被迫停駛,經過3年工程,最近呢條鐵道終於全面恢復運作,為咗振興當地旅遊業,佢哋就諗到呢個特別嘅宣傳手法。所以話,日本人嘅精神真係好值得我哋學習,日本加油呀!

Read more ›

期間限定 日本餐廳推出Kit Kat Pizza
by / on 31/03/2014 at 4:48 pm

期間限定 日本餐廳推出Kit Kat Pizza

之前報道過日本推出咗烤布丁味Kit Kat,仲教你焗一焗,焗到表面少少焦黃先叫識食。而配合呢隻產品推出,日本Nestle Cafe、「ナポリの窯」、Strawberry Cones仲會期間限定推出加入Kit Kat嘅Pizza同甜品!雖然唔知味道點,雖然我鍾意食Time out多啲,但呢個Pizza我睇見都想食。

Read more ›
官方Kit Kat出LEGO   砌得玩得變怪獸
by / on 26/03/2014 at 7:15 am

官方Kit Kat出LEGO 砌得玩得變怪獸

呢包Kit Kat好好玩!表面睇佢係一包由LEGO砌成嘅原味Kit Kat,但其實佢係一個變形金剛,拆散佢扭兩扭就可以變成一隻怪獸,仲可以加多間屋加多棵樹等佢寫意啲。可惜玩得砌得但係唔食得,而呢盒LEGO並唔係fan made作品,而係真有其事由官方嘅市場部同事設計出嚟,暫時未有得賣,但官方已經表明有計劃量產,可唔可以報定名先?我好想買。

Read more ›
新片速報 日本烤布丁味Kit Kat 焗一焗先食
by / on 12/03/2014 at 3:45 pm

新片速報 日本烤布丁味Kit Kat 焗一焗先食

日本Kit Kat開咗專門店之後,越嚟越多新口味,嚟緊3月24日就有呢個新商品「「キットカット ミニ 焼いておいしい プリン味」,烤布丁勁之餘,佢仲教你食前要焗一焗,焗到表面溶溶地先正!500円,睇埋片,很想吃吧。

Read more ›
今日開店 池袋全球首間Kit Kat專門店
by / on 17/01/2014 at 5:17 pm

今日開店 池袋全球首間Kit Kat專門店

噚日報道咗日本會有全球首間Kit Kat朱古力專門店,今日(17日)就開業喇。日本傳媒梗係派人去直擊吓新店情況,店名叫「Kit Kat Chocolatory」,將會同洋菓子店「ル パティシエ タカギ」嘅高木康政合作,由佢監修新出品。開業首推3種口味,「Sublime Bitter」、櫻花綠茶味同埋加入唐辛子嘅「Special Chili」,入嚟睇相。

Read more ›