fbpx

Tag: killer is dead

【有片】極速開機 PS3《Killer is Dead》遊戲到手 40分鐘Gameplay

【有片】極速開機 PS3《Killer is Dead》遊戲到手 40分鐘Gameplay

呢隻宣傳浪接浪,囡囡又多又性感嘅《Killer is Dead》終於出咗,有玩過都係角川Games同Grasshopper加須田剛一製作嘅《Lollipop Chainsaw》都知,畫面唔可以叫靚,但風格獨特,動作唔算爽快,但都叫玩得吓,而且好多地方都有惡搞味,加埋女角們嘅性感演出,都算今個月動作遊戲嘅必然之選。其實之前試玩會都玩過,但今次開機玩咗3個任務(其實頭兩個好短,睇片多)睇過劇情之後,設定係幾好,印象好咗好多(雖然冇跳掣嘅動作遊戲我認真麻麻……),極速拍咗呢條40分鐘遊戲片,仲諗緊買唔買嘅可以參考吓,整體動作流暢但唔夠實在,玩落感覺有啲似冇得跳嘅雷電,但質素差啲,「O」掣反彈檔格、閃避同樣重要。最後溫馨提示,行貨遊戲可以揀日文或英文語音,字幕方面,如果你部PS3係set咗中文,咁就強制性出日文字幕,要出番去Set番做英文界面先會顯示英文字幕,遊戲入面只可以選擇語音,我就揀咗英文字幕,日文配音,正好多!如果要睇中文,就要等多一個月,9月1日推出。

Read more ›

新片速報 《Killer is Dead》第6段PV 主角身世大揭秘

新片速報 《Killer is Dead》第6段PV 主角身世大揭秘

PS3/Xbox360嘅《Killer is Dead》下星期8月1日就出,9月1日就出中文版,我就唔等喇,玩咗先。呢隻由角川Games同Grasshopper、須田剛一製作嘅動作遊戲,畫面風格唔係人人接受到。剛發佈嘅第6條PV中,就見到處刑人男主角嘅身世,食太陽蛋喎。

Read more ›
新片速報《Killer is Dead》KIDTV最終回 三女寫真大放送

新片速報《Killer is Dead》KIDTV最終回 三女寫真大放送

上星期試玩過《Killer is Dead》,好唔好玩,老實講試玩咗一段短時間,好一般,主要賣點係人設、彩色風格有別於一般動作遊戲,而且夠血腥之餘,仲有大量囡囡原素,好似關與關之間嘅睇女強化原素,仲有透視眼鏡呢個道具,可以俾你透視女角嘅外衣……咁佢嘅宣傳都捉到呢個重點,啱啱出咗第7條KIDTV宣傳片,13分鐘繼續有Jessica、渚同水谷望愛Cosplay遊戲中角色,亦有須田剛一出場介紹遊戲。另外,官方仲公開咗成20張佢哋嘅寫真……睇到呢度,係咪覺得我之前所講嘅都係廢話?遊戲8月1日出日文行貨,9月1日出繁體中文版。

Read more ›
現場影片 + 實機試玩 《Killer is Dead》Cosplay三女角 逼爆試玩會

現場影片 + 實機試玩 《Killer is Dead》Cosplay三女角 逼爆試玩會

官方噚日(19日)喺旺角搞咗個《Killer is Dead》試玩活動,請咗《星夢傳奇》爆咗出嚟嘅鄭俊弘做殺手男主角,仲有喺書展出咗寫真嘅楊愛瑾(Miki)做Betty,但好密實。我對自己好誠實,就係對佢哋興趣不大。反而!之後嘅許珮榆(Diva)、蕭美卡(Mika)、黃子菲(Ava)佢哋三個就真係令人大開眼界,心曠神怡。如果有留意開隻遊戲嘅報導都知,除咗動作戰鬥外,睇女模式都好重要,所以為咗試真啲呢隻遊戲,我啟動咗呢個模式,拍咗條片,不過比較可惜係我冇透視眼鏡。最後提一提,日文版行貨會喺8月1日推出,而中文版就遲一個月,9月1日,咦星期日嚟喎,第二日開學,等唔等?

Read more ›
本地直擊《Killer is Dead》殺手派對 Miki Mika Diva玩Cosplay

本地直擊《Killer is Dead》殺手派對 Miki Mika Diva玩Cosplay

今日喺旺角舉行嘅《Killer is Dead》傳媒試玩會,請嚟《星夢傳奇》紅咗嘅鄭俊弘做殺手,仲抽水喺台上唱〈歲月如歌〉!喂不如唱〈天天見青天〉啦?至於即將出寫真嘅楊愛瑾Miki就Cos遊戲入面嘅Betty,唓好密實。唔緊要,仲有Mika同Diva呢兩位新Model,佢哋就疏爽好多。我哋嘅同事已經趕緊去現場,今晚準備睇片啦!等埋呀!  

Read more ›
新片速報 《Killer is Dead》實機試玩玩上床

新片速報 《Killer is Dead》實機試玩玩上床

果然,呢隻8月1日推出嘅《Killer is Dead》,除咗動作戰鬥部份之外,睇女同溝女模式都好重要。嚟到實機試玩第2集,扮Vivienne Squall嘅Jessica Nigri又玩溝女模式,戴咗神奇透視眼鏡真係睇清楚人性嘅真面目!另外亦有戰鬥部份嘅試玩影片,但我嘅視線又係成日停喺右下角,點解呢?最後提提,聽日會有官方試玩活動,聽講官方請咗好多囡囡扮遊戲角色,大家估唔估到有邊個?今年有份出寫真o架!聽日留意我哋現場報導啦!

Read more ›

新片速報 《Killer is Dead》主題曲、演唱者現身

新片速報 《Killer is Dead》主題曲、演唱者現身

8月1日角川Games x Grasshopper、須田剛一推出嘅PS3/Xbox360《Killer is Dead》都算係暑假大作,鍾意動作遊戲又鍾意有少少甜味嘅機迷應該好受落。遊戲嘅宣傳片KID TV嚟到第6回,繼續都係三位靚女水谷望愛、渚同Jessica著住遊戲角色嘅服裝同製作人傾計,今次有製作團隊嘅新英幸同負責音樂嘅山岡晃,仲有唱主題曲嘅Jesse現身。遊戲8月1日推出,中文版就會喺月尾緊隨,等唔等?

Read more ›
新片速報《Killer is Dead》Jessica親身試玩睇女模式

新片速報《Killer is Dead》Jessica親身試玩睇女模式

8月1日推出《Killer is Dead》,中文版就遲1個月左右推出,等唔等?遊戲入面除咗主角又劈又射打怪外,仲有一個睇女模式玩,就係用主角副透視眼鏡去睇穿女角們嘅衫褲……嗚呀!呢條官方試玩片就搵嚟扮Vivienne Squall嘅Jessica Nigri試玩呢個模式,原來睇女都有學問,睇得唔好會被人煎你一把……我嘅視線好集中,淨係睇遊戲畫面,係咪好威?

Read more ›
新片速報 《Killer is Dead》可愛3人組玩水槍 唉濕晒

新片速報 《Killer is Dead》可愛3人組玩水槍 唉濕晒

老老實實,有靚女睇都係咁話,呢隻8月1日推出嘅PS3/Xbox360動作遊戲《Killer is Dead》,雖然掛住須田剛一牌頭,但我越睇遊戲畫面越唔對路。係,係好有佢哋嘅風格,但攻擊起上嚟好似唔太實在,玩過《Lollipop Chainsaw》就會知,咩叫色字頭上一把刀……點都好啦,人類總會犯同樣錯誤,尤其男人,8月頭都會買嚟玩嘅。講番呢條片,3個靚女扮遊戲內Scarlett嘅水谷望愛、扮Vivienne Squall嘅Jessica Nigri同扮Mika Takekawa嘅渚,佢哋拍嘅KID TV第5回,距離遊戲推出日期唔夠1個月,睇嚟佢哋都摶得幾盡,仲有兩張圖喺度玩水槍!聽日星期五喇,唉濕晒,唉唔驚。

Read more ›
秋葉原見囡囡《Killer is Dead》完成發佈會

秋葉原見囡囡《Killer is Dead》完成發佈會

6月23日,喺8月1日推出嘅PS3/Xbox360動作遊戲《Killer is Dead》就喺日本秋葉原舉行咗個完成披露活動。遊戲製作人須田剛一、扮遊戲內Scarlett嘅水谷望愛、扮Vivienne Squall嘅Jessica Nigri同扮Mika Takekawa嘅渚都有到場!其實呢段news嘅內容一啲都唔吸引,淨係得3個靚女嘅谷胸超性感又超可愛嘅現場相,唔入嚟睇都冇損失……

Read more ›
新片速報《Killer is Dead》可愛3人組再登場 KID TV第4回

新片速報《Killer is Dead》可愛3人組再登場 KID TV第4回

E3淨番最後一日,都已經冇乜新料喇,不過唔緊要,官方新片即時登場,搶先就係之前已經有3集(入嚟有回帶)嘅《Killer is Dead》真人影片。遊戲喺8月1日推出PS3/Xbox 360版本,由角川Games X Grasshopper加須田剛一開發嘅動作遊戲《Killer is Dead》,搵嚟水谷望愛扮護士女角Scarlett,Jessica Nigri超Deep V扮Vivienne Squall,同埋「渚」扮嘅Mika Takekawa。點解Jessica Nigri呢個造型成熟咁多?頭先個海盜得好多噃!

Read more ›

新片速報 《Killer is Dead》第4彈PV打老虎

新片速報 《Killer is Dead》第4彈PV打老虎

8月1日發售嘅PS3/Xbox360《Killer is Dead》,由須田剛一、角川Games X Grasshopper開發,爽快動作加埋性感女主角,繼《Lollipop Chainsaw》後又係銷量保證。今次呢條新PV就集合咗大量戰鬥場面,最後一個背部嘅虎形紋身竟然可以變隻老虎出嚟,厲害!但我其實想睇番KID TV嗰3個真人女角多啲。

Read more ›
新片速報 《Killer is Dead》昅女有分加

新片速報 《Killer is Dead》昅女有分加

呢隻須田剛一、角川Games X Grasshopper開發嘅遊戲《Killer is Dead》,之前出咗幾集3個靚女Cosplay嘅片(入嚟有回帶),遊戲入面特典係男主角副透視眼鏡,都知佢擺明用美色引誘你。今次官方發佈兩條新片,一條係遊戲入面嘅戰鬥影片;另一條就係遊戲入面男主角用眼神非禮女角嘅片段,望唔同部位都有分加,最後上晒腦,實在有蠱惑。遊戲會喺8月1日推出PS3/Xbox 360版。

Read more ›
新片速報 8月1日推出《Killer is Dead》真人影片第3回 美女與夜獸

新片速報 8月1日推出《Killer is Dead》真人影片第3回 美女與夜獸

啱啱噚日確認咗PS3/Xbox360版遊戲會喺8月1日推出,今日就嚟到KID TV第3回。呢隻角川Games X Grasshopper開發嘅動作遊戲《Killer is Dead》,由須田剛一帶隊,食過棒棒糖翻尋味再搵真人靚女做代言!呢系列真人宣傳片分別有水谷望愛扮護士女角Scarlett,Jessica Nigri超Deep V扮Vivienne Squall,同埋「渚」扮嘅Mika Takekawa。今次公佈情報唔多,就係話初回會有3大特典,就係「東歐之美女」、「夜獸任務」同「透視眼鏡」道具,不過放假睇吓女都幾開心。

Read more ›
8月1日推出《Killer is Dead》四種完結技公開

8月1日推出《Killer is Dead》四種完結技公開

角川games同Grasshopper須田剛一開發嘅PS3/Xbox360動作遊戲《Killer is Dead》,見到佢又出絕招,又搵嚟真人性感Cosplay宣傳,冇喇,我好膚淺,又必買喇。之前都已經講話8月出,不過未有確實日期,o依家官方就宣佈咗係8月1日出,正!月頭呢隻,月尾玩《JoJo》。另外,今次仲有幾張新圖發佈,介紹唔同技能發動嘅「Final Judgment」完結技,用唔同完結技會有唔同寶物添喎。

Read more ›