fbpx

Tag: Kickstarter

全蛋形「面罩」過濾病毒     Kickstarter集資達標

全蛋形「面罩」過濾病毒 Kickstarter集資達標

對付肺炎除咗戴口罩,最近網上仲熱烈討論緊呢款充滿未來感嘅Blanc面罩,好似蛋形嘅設計,全塊臉都遮晒,所有空氣都會經過兩重嘅可替換性HEPA filters過濾,聲稱擁有同N95相同嘅功能,仲有過百款可以換得嘅面板,唔知未來可唔可以加埋藍芽、AR等功能?而家喺Kickstarter集緊資,已經達埋標,Cyber Monday有接近半價,$85美金有得買,有無興趣?

Read more ›

江記《離騷幻覺》搞眾籌 請課金支持本地創作

江記《離騷幻覺》搞眾籌 請課金支持本地創作

由作者兼導演江記扯頭纜嘅動畫《離騷幻覺》(Dragon’s Delusion),剛喺Kickstarter搞眾籌,5月13日截止。暫時出咗條先導影片《離騷幻覺‧汨羅篇》,講跳汨羅江自盡嘅屈原,齋先導影片都有七分幾鐘,好有誠意;聽日仲有條《離騷幻覺‧刺秦篇》,講滅六國嘅秦始皇帝。《離騷幻覺》Total有八個篇章,簡介有云:「This is not just an animation. This is an untold secret of our soul.」,Soul呀喂,無理解錯主題應該係講可以穿越時空嘅靈魂。講到口水乾都係呢句──支持本地創作,請實際課金。另,江記親自拍片用英文介紹眾籌計劃,雖然斷估都係照稿讀,但啲英文聽得人好舒服,叻。

Read more ›
【文青必買】梵高Q版figure 左耳拆得甩附送名畫

【文青必買】梵高Q版figure 左耳拆得甩附送名畫

估唔到畫家梵高都有figure出,而且仲要係Q版。更特別嘅係模仿返佢嘅特徵,左耳竟然可以拆落嚟。梵高figure除咗連埋支畫筆,身後仲有佢著名嘅畫作「The Starry Night」同「The Sunflowerss」任換。呢隻figure喺Kickstarterk有得買,由Today Is Art Day製作,開價美金$21,文青必買。

Read more ›
【新片速報】零私隱喵星人玻璃吊床 Kickstarter集資貓奴要買

【新片速報】零私隱喵星人玻璃吊床 Kickstarter集資貓奴要買

一般嘅吊床對呢隻喵星人嚟講實在太普通嘞,要瞓,就要瞓呢個玻璃罩咁有型嘅貓屋!外國有個奴性好重貓奴,用咗個玻璃碗改裝咗張貓吊床,瞓喺上面嘅喵星人好寫意,個樣仲好招積,但佢唔知道,自己嘅一舉一動連埋身上嘅肉球其實都透晒出嚟,乜都俾人睇晒,完全無私隱。最恐怖嘅地方係呢個玻璃罩吊床喺Kickstarter集緊資,港幣$300有得買,仲有9日,有興趣嘅快啲上去撳嘞!

Read more ›
【有片】手機賞花必用   顯微鏡式貼紙Kickstarter熱賣

【有片】手機賞花必用 顯微鏡式貼紙Kickstarter熱賣

手機影相已經做到好多功能,但係想影超近鏡嘢都係對焦唔倒。呢個叫BLIPS嘅鏡頭貼針對呢個問題而推出,而家喺Kickstarter集緊資。佢可以將物件放大8-15倍,就算近到花瓣上嘅水珠都影到,唔覺意捉到隻蚊都可以當部手機係顯微境咁用。U型貼幾薄身,貼喺鏡頭上面就用得,唔用時可以貼機背或者咭片上放入銀包備用。8月出貨嗰批已經訂晒,而家想訂開價$20美金,預計9月到貨。

Read more ›
【有片】真人版不知火舞啱睇 Kickstarter集資《Embers》

【有片】真人版不知火舞啱睇 Kickstarter集資《Embers》

經典格鬥Game《餓狼傳說Fatal Fury》相信你都玩過,家陣Kickstarter有套電影《Embers》集資緊,而電影藍本就正正係《Fatal Fury》,導演係華人Jason,佢想拍呢套戲係耐,到搵到合適Cosplayer出演片中角色,終於正式開拍,套戲亦已經去到埋尾階段,爭後期製作,有心撐場可以入網站科水。芸芸角色中,以Jeff Hopkins扮演嘅Terry Bogard同Cherry Tse扮演嘅不知火舞最神似,前者個樣似、個格似,後者身材似、條溝似,啱睇。

Read more ›

【有片】終極屈機「鬧鐘」 雙腳著地企3秒先會停

【有片】終極屈機「鬧鐘」 雙腳著地企3秒先會停

朝早起身你平均會撳停幾多下鬧鐘?一個唔覺意錯手撳熄咗個鬧鐘,嗰日仲要詐病,人生就係咁。為咗2016年有個新開始,呢個由設計師Wilson Tam設計嘅Ruggie另類鬧鐘可能啱用,佢嘅設計好屈機,要撳停佢必須要雙腳著地企喺塊墊上3秒,咁搞法點都會醒‥‥‥啩?而家喺Kickstarter集緊資,開價美金$59嘅名額已經滿咗,美金$82暫時仲有少量名額,有無死士想挑戰?

Read more ›
【超迷你街機】OLED全彩玩《Space Invaders》   真係打得集資中

【超迷你街機】OLED全彩玩《Space Invaders》 真係打得集資中

70、80後細個實有去過機舖打街機啦,呢部迷你版嘅街機Tiny Arcade,應該可以勾起好多人嘅童年回憶。首先尺寸真係超迷你,細過部iPhone6s,但個芒係OLED全彩色,有埋speaker、joystick同兩粒掣,可以玩到《Space Invaders》、《Outrun》、前排好興嘅《Flappy Birdz》等,仲有microSD咭位可以之後下載啲免費遊戲裝入去玩,最重要係買得起!不過最好加多副放大鏡或老花眼鏡。而家喺Kickstarter集緊資,有4個款揀,透明嗰款幾靚,買嚟當擺設都型。

Read more ›
【新版怪獸公司】小朋友創作簡單「怪物」 100位藝術家出手重畫

【新版怪獸公司】小朋友創作簡單「怪物」 100位藝術家出手重畫

畫公仔唔靚唔緊要,最重要受歡迎有人賞識,到時就有人幫手重畫甚至製作動畫,你睇勁受歡迎嘅《一拳超人》就知。外國最近都有個企劃鼓勵小朋友唔好怕醜盡情創作,名為「Monster Project」,超過100個藝術家聯同鍾意畫畫嘅小朋友一齊合作,小朋友以「Monster怪物」為題創作,藝術家就根據小朋友嘅簡單圖畫畫成唔同風格嘅作品,藉呢個計劃鼓勵小朋友盡情創作,之後仲準備出書。而家個計劃喺Kickstarter實行緊,啲作品好正,小朋友想像出嚟嘅怪物無框框,特別得意。不如集齊埋拍套新嘅《怪獸公司》啦!

Read more ›
【貓專用音樂 – 有試聽】40分鐘越聽越放鬆   首隻科學驗證貓CD

【貓專用音樂 – 有試聽】40分鐘越聽越放鬆 首隻科學驗證貓CD

作為貓奴,有無試過播音樂甚至自己唱歌比喵星人聽?可惜人類聽嘅音樂同貓嘅頻率唔同,例如貓鐘意聽雀仔叫、喵媽咪嘅咕嚕咕嚕聲,所以呢位有20年演奏經驗嘅音樂人David Teie就製作咗呢隻專比貓聽嘅CD,聲稱係第一隻有科學實證可以充實貓咪生命嘅音樂,仲可以令佢哋放鬆啲。入面將貓最鐘意嘅聲音結合音樂,再以貓咪咕嚕嘅頻率混合而成,仲搵咗唔少明星貓做測試,而家喺Kickstarter集緊資,40分鐘完整版下載價美金$15,入面仲有demo試聽,測試過,屋企隻喵星人的確有反應,明顯溝通到,不過就好似無平靜到,貓奴快啲搵屋企隻喵星人試吓啦。

Read more ›
有片 喵星人荷包蛋倒模 用法簡單早餐好幸福

有片 喵星人荷包蛋倒模 用法簡單早餐好幸福

起得切身食早餐固然幸福,如果份早餐有人煮埋,上面仲有隻咁可愛嘅喵星人荷包蛋,我諗大家都唔介意早少少起身空肚食早餐。最正係做法超簡單,將個倒模放上煎pan,之後將兩隻蛋黃分別唧入對眼度,蛋白就由得佢流落底,成為白色嘅貓面部份。呢個倒模而家喺Kickstarter集緊資,有大細兩個呎吋,入門價$37美金。

Read more ›

有片:Nebia Shower慳七成水 Tim Cook都Buy

有片:Nebia Shower慳七成水 Tim Cook都Buy

係人都知用花灑沖涼慳水啲,如果用埋Nebia Shower花灑頭沖涼,可以額外慳水多接近七成添。呢個Kickstarter集資$100,000研發嘅新產品,連apple話事人Tim Cook同Google ceo Eric Schmidt都撐。有乜咁巴閉?據稱Nebia Shower花灑頭可以製造過百萬水滴,覆蓋面係普通花灑頭10倍,一般花灑頭每分鐘用2.5加侖水,Nebia Shower花灑頭就只係用0.75侖水。睇過片,Nebia Shower花灑頭呈圓形狀,中間通空,噴出嚟嘅水應該好猛烈吓,有啲似霧。有機會真係好想試吓,唔知會唔會舒服啲呢?

Read more ›
有片:《Kung Fury》功夫特警 惡戰機械人、希特拉

有片:《Kung Fury》功夫特警 惡戰機械人、希特拉

《Kung Fury》係Kickstarter網上集資影片,兩年前開始募捐,總共籌集到63萬美金開拍,由David Sandberg編導,全長30分鐘。呢半粒鐘,我夠膽話每一秒都咁過癮,既有少少似特撮片,又好重八十年代美國警匪片味,內容仲非常有科幻感添,最抵死係講主角Kung Fury俾雷劈之後,疑似打通任督二脈,變成功夫特警儆惡懲奸,仲穿越時空回到過去追殺希特拉,故事主軸居然係中國功夫,都咪話唔搞嘢。唔只呀,當中仲穿插咗人身恐龍頭嘅三角龍警官、戇居居駭客男、雷射迅猛龍、維京雙姝、雷神等角色,連埋電話識開槍殺人、一拳打到飛出外太空撞人造衛星等情節炒埋一碟,當真Cult爆,我最Like就係片首出場嗰隻遊戲機機械人,又insert Coin又Fuck You又舉起兩隻中指咁,招積,得戚,我鍾意。

Read more ›
靚仔版Macbook Port位救星 細細件/一開四

靚仔版Macbook Port位救星 細細件/一開四

其實人生真係好無奈! 新Macbook為咗偷輕偷薄, 所以全機只預留一個USB Type-C Port; 但現實係唔夠用喎! 所以好多人都要買個分線器, 幫佢接駁上唔同嘅邊配件, 但問題又嚟喇! 用新Macbook, 出街用時例必要帶多個仔……咁究竟係真心輕咗細咗, 定真心戇Q咗? 呢個問題, 我都唔識答!

Read more ›
有片    新MacBooks救星     萬用分插配尿袋

有片 新MacBooks救星 萬用分插配尿袋

4月份買咗部新MacBooks,N咁多個好處,但得一個USB-C頭真係玩死人。係Kickstarter集緊資嘅Hub+就係針對呢個市場,因為開發嗰位都係受害者。呢個Hub+插咗之後可以延伸成2個USB-C頭、1個SDXC Card reader、1個display頭加3個USB-A/叉電頭,而且佢本身仲係一個尿袋,可以叉埋手機甚至反叉返部MacBooks,推出之後反應好好。以後袋個尿袋出街可以做埋MacBooks分插,最重要係個樣同MacBooks襯返,睇落幾吸引。要訂起步價美金$69,今年6月到貨。

Read more ›