Post Tagged with: "KFC"

【有片】電競炸雞?KFC出遊戲主機4K120FPS + 翻熱功能
by / on 16/06/2020 at 9:23 pm

【有片】電競炸雞?KFC出遊戲主機4K120FPS + 翻熱功能

有一定機齡嘅,都知咩叫SFC啦?但KFC……係,肯德基,上校,炸雞,唔知係咪趁近日新一代遊戲主機好有話題,於是出咗呢條片,4K,120FPS,而且仲有一格可以順便用打機時嘅熱力翻熱炸雞……2020年11月12日,到底會有咩事發生?

Read more ›

有片:夠膽著出街?KFC x Crocs推出炸雞鞋!
by / on 18/02/2020 at 9:00 pm

有片:夠膽著出街?KFC x Crocs推出炸雞鞋!

成日覺得聯乘呢招始終有一定吸引力,只要兩個品牌唔好太風馬牛不相及就可以了;Fine,就算真係九唔搭八,如果成品係靚的話,照計Fans一樣收貨。Crocs同KFC,兩個都係熟識品牌,但相信無人會諗到佢哋可以搭得上,But coming soon,兩個品牌真係聯乘出鞋,鞋面係質到滿滿嘅炸雞圖案,鞋跟慌死你唔知聯乘緊邊個印住大大隻「Kentucky Fried Chicken」字樣,鞋底紅白間跟番炸雞店主題色,仲附送兩件3D炸雞畀你勾喺鞋面做裝飾添,問你服未?喺宣傳短片裡面,本來仲有另一對鬆糕鞋款添呀,造型成個炸雞桶咁,好彩只純屬玩嘢性質,官方網站寫明「Platform style not available for purchase」。Now,我諗緊有無人真係夠膽著呢對咁有創意嘅鞋出街。

Read more ›
惡魔級美食 日本網民分享「KFC炸雞焗飯」
by / on 08/12/2019 at 11:43 am

惡魔級美食 日本網民分享「KFC炸雞焗飯」

係幸福嘅香味呀!講緊嘅係日本有網民自製嘅呢款「KFC炸雞焗飯」,用電飯煲就煮到,加兩件炸雞喺飯入面,再加啲雞湯同埋豉油,煮熟飯後將兩件雞去骨再拆鬆啲肉,加少少鹽同胡椒粉攪勻就食得。睇落唔難,仲好似幾好味!

Read more ›
乜料?司徒劍「橋」幫KFC畫《避風堂傳》?
by / on 02/10/2019 at 9:15 pm

乜料?司徒劍「橋」幫KFC畫《避風堂傳》?

剛瀏覽「KFC」面書專頁,驚見一張疑似司徒劍僑幫KFC畫嘅《避風堂傳》宣傳圖,介紹其出品避風塘脆辣雞,圖寫「創刊零號」,加埋構圖,真係十足十港漫封面;觀其畫風同人物面相,又真係好似出於司徒劍僑手筆。咁點解我話係「疑似」呢?因為宣傳圖寫住「司徒劍橋編繪」,「橋」?「僑」先啱喎,究竟係堅料定玩嘢?媽我好亂。如果係真,希望KFC將之印成Poster或宣傳單張,我會去攞番一張留念。

Read more ›
KFC炸雞大叔變小鮮肉 戀愛模擬遊戲好過份
by / on 28/09/2019 at 1:51 pm

KFC炸雞大叔變小鮮肉 戀愛模擬遊戲好過份

戀愛模擬遊戲見得多,今次男主角竟然係肯德基炸雞嘅代言大叔,不過變咗做小鮮肉版,仲不時托眼鏡。呢款遊戲喺Steam而家有得免費下載玩,主角係蒸飪學校嘅女學生,上堂有得學炸雞,期間導師又爆衫又派心心,只可以講,KFC嘅宣傳真係走得好前。入嚟有Link下載試玩。BTW,遊戲全名好長,叫「I Love You, Colonel Sanders! A Finger Lickin’ Good Dating Simulator」。

Read more ›
日本品牌愚人節回顧 星之卡比變方形KFC出骨頭
by / on 02/04/2019 at 7:22 am

日本品牌愚人節回顧 星之卡比變方形KFC出骨頭

4月1日愚人節過咗,除咗PS同DMC5出圖出片搞吓氣氛之外,其實LEGO都有出咗個大家夢寐以求嘅APP;KFC亦有骨頭套餐,連星之卡比都話出方形版。不過講到最有誠意應該係SEKIO精工表,佢哋同仙貝燒餅合作出錶面,仲有不同味道選擇,入嚟有回帶。

Read more ›

日本KFC炸雞放題 1780円任食70分鐘有「鬆餅」
by / on 15/03/2019 at 7:36 am

日本KFC炸雞放題 1780円任食70分鐘有「鬆餅」

作為KFC炸雞fans,可能都知日本有自助餐,不過通常係期間限定,而且只限一兩間店。最近有日本網民去咗名古屋間KFC挑機,除咗有無限炸雞,仲有好邪惡嘅「鬆餅」都係無限供應,入嚟有地址。午餐限時70分鐘任食,成人每位1780円;晚餐90分鐘2380円,去開可以留意吓。不過去親日本,其實我會揀Family Mart或者Lawson便利店炸雞多啲,你呢?

Read more ›
日本KFC推出「3隻手指套」 留返兩隻手指篤芒
by / on 30/07/2018 at 7:09 am

日本KFC推出「3隻手指套」 留返兩隻手指篤芒

記得以前去KFC食炸雞會有透明手套跟埋,而家似乎無咗?不過最近日本KFC公佈推出呢款好特別嘅專用手套「ゆびキレイ」,研發多年,特別之處係只會套住3隻手指(手指公、食指同中指),留返隻無名指同尾指俾你可以繼續篤芒用手機,超細心!由於只係試行階段,唔會跟餐附送,想要就要問店員拎嘞。BTW,由而家至同8月底,逢星期五都會有KFC任食炸雞套餐,去開日本可以挑戰吓!

Read more ›
有片:明寸尼馬 詐死碌碌碌碌入KFC叫雞
by / on 04/07/2018 at 8:00 pm

有片:明寸尼馬 詐死碌碌碌碌入KFC叫雞

未掂到未剷到未撞到固然先扮跌,真係掂到剷到跌到,就更加嗌到坼天咁誇張,巴西國腳尼馬出名有球技有演技,但演技就略嫌浮誇。先前世界盃分組賽喺球場碌碌碌一幕,已經俾網民以唔同方式惡搞N次。不過論最搞笑者,應非呢條KFC廣告片莫屬,片中球員明諷刺尼馬,中招後由草地碌出球場,碌到板仔跳起避開佢,碌到上天橋,碌到有小朋友陪佢一齊碌,又好搞笑地碌馬路時會睇住紅綠燈嚟碌,最後當然係碌入KFC叫雞,呢啲咪真正嘅抽水抽乾太平洋囉。

Read more ›
【揭秘】日本人聖誕點解食KFC?年年排隊圖集
by / on 23/12/2017 at 8:48 pm

【揭秘】日本人聖誕點解食KFC?年年排隊圖集

日本KFC,每逢到聖誕前都會推出特別餐單,而且每到平安夜、聖誕夜,都會見到有網民出人龍相,到底點解聖誕要食KFC呢?有外國傳媒就做咗個專題,佢哋首先話外國人聖誕多數係喺屋企成家人整嘢食而唔係食快餐外賣啦,不過喺日本,聖誕節唔係公眾假期,所以買外賣都唔出奇啦。另一個理由,就係話日本喺1970年已經有第一間KFC,而喺早年,日本有幼稚園叫KFC外賣,而且詢問送外賣嘅可唔可以扮埋聖誕老人呀?於是聖誕老人就送炸雞去喇,咁之後……

Read more ›
KFC推出「斷絕上網帳篷」 專心食炸雞天價賣8萬蚊
by / on 21/11/2017 at 7:04 am

KFC推出「斷絕上網帳篷」 專心食炸雞天價賣8萬蚊

一萬蚊美金夠買幾多件KFC炸雞?所以呢個官方出嘅KFC帳篷Internet Escape Pod相信都係gimmick嘢,應該無乜人買。個帳篷聲稱可以坐到4個人,最正係肯德基爺爺爬喺帳蓬頂伸長晒啲手手腳腳包圍住你,門柄都係炸雞嚟嘅。而且因為用咗特別物料,入咗去就會隔絕網絡,上唔到網就可以專心食炸雞嘞。又因為美國Black Friday之後就到網站瘋狂減價嘅Cyber Monday,所以上唔到網即係慳到錢啦。BTW,唔講唔知,原來肯德基爺爺係著Loafers鞋架。

Read more ›

沖涼有雞味 KFC出家鄉雞入浴劑
by / on 01/11/2017 at 9:42 pm

沖涼有雞味 KFC出家鄉雞入浴劑

日本KFC耐不耐就會出啲勁嘢,之前出過Keyboard、Mouse、電話殼,啱啱仲有「チキンの香り?入浴剤」!家鄉雞味入浴劑!正喎!浸完一定好肚餓。不過呢啲產品都有個共通點,就係好難得到。由今日至15日,每日100名,合共得1500名可以浸到。

Read more ›
【有片】KFC上校打摔角 《WWE 2K18》隱藏角色竟然係佢
by / on 13/10/2017 at 6:55 pm

【有片】KFC上校打摔角 《WWE 2K18》隱藏角色竟然係佢

真係好正喎!就算對摔角遊戲冇興趣,但見到佢都覺得成件事好有趣。講緊係啱啱出嘅2K Sports《WWE 2K18》,今次其中一個合作對象竟然係KFC!咁所以隱藏角色就會係Colonel Sanderses!即係教你做雞嗰位上校呀!而且仲一次過出咗幾條片,有遊戲片段,亦有真人版,真人版中由摔角手Kurt Angle演上校,另一位Heath Slater做雞。

Read more ›
日本女裝褲神似KFC炸雞 潮流嘅嘢無人明
by / on 27/09/2017 at 7:02 am

日本女裝褲神似KFC炸雞 潮流嘅嘢無人明

潮流嘅嘢有時真係好難明,有日本網民最近喺樂天網站見到呢條褲,佢話即時聯想起KFC嘅雞。之後網民不停放圖,有人話應該要配煲呔,有人話其實似紅蘿蔔。不過睇完依然好想買嘅,入嚟有Link,賣9200円,送俾鍾意食KFC嘅女仔朋友都唔錯。

Read more ›
食KFC拆骨大法 日本網民分享食雞圖Twitter熱傳
by / on 20/09/2017 at 7:27 am

食KFC拆骨大法 日本網民分享食雞圖Twitter熱傳

印象中喺KFC無睇過呢張新手指南,都有可能因為近年通常都係嗌外賣居多。講返正題,最近有日本網民放咗幅KFC教食雞嘅圖文指南上Twitter,原來食唔同嘅部位都有唔同嘅貼士,最估唔到係食腰部位置時,原來可以伸手拎走啲大腿骨出嚟先,好多網民都係第一次見,仲有人出圖表達佢嘅心情‥‥‥‥

Read more ›