Tag: KEYBOARD

神奇keyboard套 保暖滅音冬天必備

天寒地凍,就算喺屋企上網我都長期披住張被,如果有埋呢個keyboard套就無敵嘞!雖然個款就醜樣咗少少,但最正係你收咗對手入去之後,仲可以喺透明位置睇倒自己打緊咩,而且佢仲有一樣好強勁嘅功能,就係「滅音」嘞!有咗佢,可以暖笠笠靜英英咁打字,係咪好無聊呢?計返港紙300蚊唔駛,買嚟幫個keyboard保暖都抵啦!

Read more ›

SONY X 迪士尼出聖誕Keyboard應節

公司聖誕節抽獎諗爆頭唔知買乜好?我都係。唔知邊個發明聖誕節要交換禮物,睇完呢個Keyboard我懷疑Sony有份。兜咁大個圈都係想講呢款聖誕特別版Keyboard,由Sony同迪士尼合作,紅色款有心型圖案好warm,藍色款就用雪花做主題,個人認為藍色款靚啲,仲有醒目鹿仔做主題。呢個無線Keyboard支援VAIO E、L 以及 Top 等系列電腦,賣台幣1000蚊唔算貴,香港暫時未公佈幾時有。不過個Keyboard咁花碌碌,提住我聖誕就快到,有理由相信放喺辦公枱面個人會好心散。

Read more ›

Keyboard加個零食盤 懶人冬天必備

有無發覺每次坐近部電腦就會好肚餓?呢個keyboard真係體貼用家需要,專登整個碟位比大家放零食。唯一漏洞係應該整多個抹手位,因為我一定會放好多薯片喺中間個盤,一食完就會繼續打字,咁我個keyboard就會好快油淋淋,然後成枱都係蛇蟲鼠蟻,然後點?咪再買多個keyboard囉,唔,果然無奸不商,無商不奸。

Read more ›

防水Keyboard 任勞任怨入水能打

而家啲人好興喺keyboard上面加塊膠膜,防塵防污糟,不過可惜呢層膜唔防水,一個唔覺意倒瀉罐可樂就頭痕。如果你出名輪盡,可以諗吓呢個Logitech防水Keyboard K310,後面有排水孔,喺11吋水深都運作正常,keyboard上面嘅啲字laser燙完再加多層UV面,等你得閒同佢沖涼擦背都唔會整甩啲字。不過只限手洗,唔支援洗碗機/洗衣機O架。吓,唔好笑咩?

Read more ›

玩嘢KEYBOARD手提袋

  返回、換檔、ctrl、輸入、刪除,A Z E R TY 和Q W E R T Y等鍵盤按鈕會唔會令你緊張莫名?Jeremy Scott for Longchamp 最新2012秋季「KEYBOARD」手提袋,決定要反轉你呢個諗法,以富於趣味性嘅按鈕令你愛不釋手。

Read more ›