Tag: KEYBOARD

鍵盤戰士有嘢食 Keyboard窩夫配滑鼠麵包好飽肚

鍵盤戰士都要食嘢嘅,呢款Kickstarter集緊資嘅Keyboard窩夫倒模啱晒!今個月到貨,每個窿都可以放唔同嘅嘢食,放粒藍莓又得,放啲蜜糖又得,不過都唔夠隻Mouse滑鼠吸引,一包五嚿有齊唔同味,唔駛自己煮,打開就食得,最啱一邊單手食一邊打keyboard。

Read more ›

有片:Emoji Keyboard一鍵一公仔 超過1000個選擇

之前本網站都介紹過Tom Scott開設嘅社交平台「Emojli」,家陣呢位人兄又有新搞作。新搞作名為……套用番佢嘅講法係「a full-size, real-life emoji keyboard」。Emoji Keyboard用14個普通Keyboard連接一個Laptop合併而成,有超過1000個Emoji公仔選用,設定係一個Emoji公仔一個鍵,只要按鍵,屏幕就直接顯示該鍵所屬嘅Emoji公仔,非常搞鬼。選擇方面,有喜怒哀樂表情、動植物、食物、裝飾字體、一般符號、國旗、聖誕老人等等等等,對於用真實鍵盤打Emoji,唔知大家又點睇呢?

Read more ›

Keyboard戴頂帽 自己換字粒《EVANGELION》鍵盤暴走

返工一日到黑對住個電腦同Keyboard,諗啲嘢裝飾吓個keyboard,做嘢都醒神啲。網上見倒呢個keyboard字粒keycap賣,全鋁製,可以代替原有嘅keyboard字粒,啲款全部都好靚,復仇者嘅A字Logo同神盾局標誌都勁型、《EVANGELION》又使徒又暴走,勁想要!仲有比卡超、精靈球,連《biohazard》LOGO都有,不過價錢唔平,成美金$30一粒,越諗越想買。

Read more ›

【有片】德國KFC新產品 藍牙Keyboard盤墊 食住雞打字

KFC呢期感覺真係好IT, 雞肶手機殼/USB手指/Mouse、炸雞字粒大Keyboard、早幾個月爆炸哥已經話好想要……o依家又多一樣, 佢叫 KFC Tray Typer, 冇錯! 就係成日放喺個食物 Tray上面張廢紙, 依家變咗做藍牙Keyboard。呢個「Tray Typer」係德國KFC嘅推廣活動,可能山打士上校都明白, 啲炸雞咁油, 呢個時候揸部機上手, 即係找自己麻煩啫! 所以德國KFC竟然諗到出藍牙Keyboard盤墊,厚度只有0.4mm、而且行叉電設計, 撳on就可以同電話、平板Bluetooth連接, 有咗佢之後, 大家就可以繼續做鍵盤戰士喇,當然,要實行呢個計劃,首先大家都要自律,唔好諗住拎塊墊返屋企先……

Read more ›

有片 終於推出!奇妙的Emoji鍵盤 全程用公仔無文字

日常生活如果無得用emoji,打WhatsApp仲有咩意義?你都係咁諗?咁呢個keyboard好啱你!全個keyboard上面嘅字都變晒emoji,而家喺kicstarter集緊資,反應唔錯。嚴格嚟講,佢係一塊keybaord軟膠套,上面每粒掣都印咗唔同嘅emoji公仔,舖咗佢再下載埋個installer,就可以用keyboard直接打emoji,左手邊嘅Caps lock掣就係轉換模式,只限Macbook Pro、Macbook Air同埋Apple嘅無線Keyboard用得。不過無得用文字,全程用公仔,係咪仲難表達?

Read more ›

autosave電動手 回到過去8088年代

講到人世間嘅慘事, 都莫如打咗成晚嘅稿, 但竟然唔記得save, 而且仲咁啱畀你撞正死機……妖! 世間邊有咁多個咁啱, 又咁多個如果吖!? 不過我真係試過幾次, 嗰種痛法, 係直接叫你棄權, 唔交就唔交、你想炒就炒啦! 日本嗰邊, 可能都有條友同我撞到一樣情況, 所以佢diy咗呢個自動做save動作嘅機械手, 係! 設計好簡單, 一個四方盒放喺keyboard側邊, 當機身電眼見你對手一離開鍵盤, 佢就會馬上彈隻機械手出嚟, 幫你撳ctrl+s, 感覺好似有點土炮, 但又好窩心……

Read more ›

新片速報 一掣Keyboard 鍵盤戰士輕鬆「#」人

自從社交網絡個網絡越嚟越鍾意#嚟#去@黎@黎之後,你可能成日都會搵個「#」掣喺邊……如果你真係咁急需要成日用個「#」掣,咁呢個拍資緊嘅產品就好啱你喇。呢個「HashKey」就係得一個掣,「#」掣,只要插去USB,你就可以好輕易好方便好快捷好輕鬆咁隨時狂撳「#」掣。做一個專業嘅鍵盤戰士!但其實,我諗起聞西。

Read more ›

有片 Keyboard窩夫做早餐 打工仔好開胃

星期一食早餐,有乜好得過煮咗過Keyboard佢,食完再翻瞓?講笑啫,我指翻瞓方面,但係食keyboard就真有其事。設計師Chris Dimino整咗個keyboard窩夫工具,有啲似香港嘅格仔餅,不過就完全參照keyboard造型,每個窿窿上面仲可以放蜜糖、牛油、朱古力醬,總之就可以容納多啲肥死人嘅材料。而家喺kickstarter集緊資,係啦,食飽啲啦,食完好專心做嘢喇,今日星期一喳。

Read more ›

鍵盤戰士變張家輝 打字定打沙包?

藝術啲嘢都幾難明,例如好地地一個Keyboard,歐洲設計公司Bless就將每粒keyboard掣拆開變成一個個沙包,仲要放喺唔同角落,想打字就要打沙包,仲要逐個打,比平時花多10倍運動量,時間方面就無講,我諗肯定超過10倍。呢個叫Punching Bag嘅電腦配件而家喺伊斯坦堡展覽緊,用咗佢,鍵盤戰士都變張家輝。 

Read more ›

Keyboard杯墊平衡心理 唔怕倒瀉水

平日喺書枱前用keyboard打稿,最怕就係杯嘢飲唔覺意倒瀉落個keybaord度,無論點抹都救唔返,即倒即報銷。所以呢個keyboard杯墊用起上嚟令人感覺特別爽。無論杯嘢幾凍都好,甚至唔小心倒瀉都好,都唔駛再心驚膽跳。佢有一式四款任揀,四款keyboard駁埋一齊就係一個完整嘅長形keyboard,有齊黑白兩色任揀,有隔熱功能,台灣書網博客來有得買,開價台幣$299。

Read more ›

新片速報 自製LEGO鍵盤 曬命示範打字

LEGO fans製作嘅產品一向高質,今次輪到到呢位叫Jason Allemanna嘅fans出手,整咗一個LEGO Keyboard出嚟,勁在真係用得!佢仲專登拍咗條片即場打字曬曬命,又講解埋點樣製作。根據佢講,最難都係要搵用得嘅LEGO砌落Keyboard入面,另外個Keyboard佢係喺街邊執返嚟嘅,話見有人掉咗唔要,挑起佢條筋想改造返個keyboard令佢用得返,呢啲咪環保囉。 

Read more ›

砌圖Keyboard字母任排 打機/設計/整蛊三玩法

有無發覺keyboard某幾個掣捽到甩色,有幾個英文字母就光潔如新?呢款Puzzle keyboard比你自由編排字母位置,好少用嘅可以索性拎走,亦可以擴大縮細,咁多變化難怪攞埋設計獎。鍾意打PC遊戲,或者成日做設計嘅最實用。如果我自用的話,改頭換面盞搵自己笨,送比人就唔同講法,梗係將佢最常用嘅字母按鍵例如ENTER制同埋F5掣拔走,費佢雙手,哈哈。

Read more ›

最貴keyboard 懷舊打字機全真皮開價6千

你有無見過打字機?當大家研究緊邊款keyboard iPad套好用,邊個藍芽keyboard夠細夠輕嘅時候,呢個懷舊打字機設計嘅keyboard顯得特別可愛。每粒字盤都仿照舊式打字機用上圓形設計,字粒後面嘅面板仲係全真皮製造,由Rickard “Datemancer” Nagy人手製造嘅Executive Keyboard,仲有木製面版配銀鍵盤版本,當然,價錢都貴到嚇死人,開價美金$750,即係港紙約$5500,嘩!

Read more ›

單手操控打機keypad 曉變身超hi-tech

有玩開電腦遊戲嘅你,有無試過嫌個keyboard太大?外國專做遊戲配件嘅Razer最新推出名為Orbweaver嘅打機Keypad,細細隻比你單手控制倒,可以騰空另外一隻手專心用mouse。個keypad可以設定20個自選程式控制,手指公嘅擺放位置可以有8個方向調校,仲曉發光夜晚熄晒燈作戰都得,售價美金$129。下面有片睇,雖然條片好浮誇,個keypad成個變形金剛咁款,但係hard core機迷睇到一定好興奮。

Read more ›

2mm!最薄iPhone鍵盤 磁石貼背超方便

呢個專為iPhone5設計嘅控制器真心推介,兩塊分別2毫米厚嘅磁石貼,可以貼落iPhone背面,當打機手掣用或者藍芽3.0 keyboard用。而且每粒掣都可以按落去,唔係純粹touch screen咁無質感,官方仲舖咗示範片上YouTube。呢個iPhone5Mod使用時間有40小時,防水防塵,開價港幣約$400,唯一隱憂係未見過佢打字或打機實況,外國網站Tech Crunch訂咗,希望唔係伏。

Read more ›