Post Tagged with: "Kaiju One"

Kaiju One x 梁瑋豪 華英雄Figure今年春推出
by / on 07/01/2020 at 10:30 am

Kaiju One x 梁瑋豪 華英雄Figure今年春推出

Kaiju One聯乘梁瑋豪續有新作出,今次係……燈燈燈凳,受盡港漫迷愛戴嘅天煞孤星華英雄呀喂。有關方面剛釋出Figure最後造型監修圖,暫時所見有兩個版本,一,摺起衫袖挺起胸膛Look;二,著短袖衫出無量神掌Look。唔知你鍾意邊個?我鍾意出無量神掌嗰個,有動感啲嘛。補番句,不日推出,一定會推出,預計2020年春推出,大家再畀少少耐性喇。

Read more ›

高手塗裝 獨一無二老祖宗Figure現身
by / on 05/11/2019 at 9:00 pm

高手塗裝 獨一無二老祖宗Figure現身

唔講大話,Kaiju One推出嘅《龍虎門》懷舊風搪膠系列公仔,我暫時只買咗石黑龍,老宗祖唔係我杯茶,因為太通體雪白,整體唔夠色水,望落唔夠Sharp醒。今日,面書專頁公開咗一隻經「@monster__mind」塗裝嘅老祖宗Figure,Wow,經過上色,老祖宗表情登時惡毒咗,把劍感覺登時墜手咗,衫褲鞋即時立體感強咗,如果一推出就係呢個Version,我實忍唔住買。

Read more ›
《龍虎門》搪膠公仔第二彈 王風雷+王小龍+蚩尤+金羅漢開賣
by / on 29/10/2019 at 6:46 pm

《龍虎門》搪膠公仔第二彈 王風雷+王小龍+蚩尤+金羅漢開賣

如無意外,今個禮拜會去撐《Toys Collector Market玩具收藏家販售展》,因為我本身買咗由Kaiju One推出嘅《龍虎門》懷舊風搪膠公仔第一彈嘅石黑龍,想買埋第二彈。今次第二彈一次過出四隻,王小龍同王風雷就周五開賣,金羅漢同蚩尤就要周六或周日先Maybe有貨,收到未?而王小虎呢?Kaiju One保證話2020年年頭會推出,唔會三皇缺一。

Read more ›
Kaiju One x 梁瑋豪 加推石黑龍金鐘罩版Figure
by / on 23/10/2019 at 4:45 pm

Kaiju One x 梁瑋豪 加推石黑龍金鐘罩版Figure

有無買Kaiju One聯乘梁瑋豪推出嘅石黑龍Figure?我有,現放喺屋企飾櫃中,觀之甚好。又話說,Kaiju One剛剛出Post,話此石黑龍Figure會有金鐘罩版本特急現身,仲叫大家留意公布云云。仲買唔買?儲開儲全套,唔太貴的話,我應該會入手。

Read more ›
Kaiju One x 梁瑋豪華英雄Figure 不日推出
by / on 09/10/2019 at 8:30 pm

Kaiju One x 梁瑋豪華英雄Figure 不日推出

「你命犯天煞孤星,無伴終老,孤獨一生……」無錯,終於輪到《中華英雄》主角華英雄出場喇,Kaiju One繼續同梁瑋豪合作,不日推出華英雄Figure,大家係咪好期待?我係,我很想要。

Read more ›
Kaiju One《龍虎門》搪膠公仔 第三彈王風雷+金羅漢+王小龍
by / on 16/08/2019 at 2:32 pm

Kaiju One《龍虎門》搪膠公仔 第三彈王風雷+金羅漢+王小龍

剛過去嘅動漫節2019,我買咗Kaiju One推出嘅石黑龍搪膠公仔,返屋企拎上手玩,感覺係幾高質嘅。因為好賣,所以食髓知味,嚟緊第二彈決定量產王風雷、金羅漢同王小龍呢三個角色,而蚩尤呢,就有幾多訂單就製作幾多個。話時話,第三彈可唔可以考慮推出女角色?馬小靈?玉兒?石小慧?南宮靈芝?鬼將軍?如果真係咁好彩推出鬼將軍的話,我想要舊著《龍虎門》嗰個真係成隻鬼咁樣嘅醜樣鬼將軍呀。

Read more ›

Kaiju One搪膠石黑龍+火雲邪神+老祖宗 各售$580
by / on 19/07/2019 at 8:41 pm

Kaiju One搪膠石黑龍+火雲邪神+老祖宗 各售$580

終於有詳細資料,Kaiju One推出嘅三個《龍虎門》搪膠角色──石黑龍、火雲邪神同老祖宗,全部都賣$580,動漫節2019有售。面書專頁好搞笑咁話:「絕對充滿老中青三代嘅矛盾及世代之爭,亦完全反映現今香港社會嘅狀況,後生仔vs富二代vs呀爺式家長」,哈哈,言重了,玩玩具嘛,玩玩具就係想逃避現實嘛,千其唔好講到「反映現今香港社會嘅狀況」咁嚴重。老實,未真正摸過上手,賣五舊幾水我唔識評平定貴,但《龍虎門》始終陪住我哋大,加上又係本地創作,希望大家支持吓。而於我,就當買番個七八十年代屋村仔睇公仔書嘅美好回憶,都抵。

Read more ›
網圖分享:高質極惡達摩Z賀圖
by / on 16/07/2019 at 10:35 pm

網圖分享:高質極惡達摩Z賀圖

Fai Cheng聯乘Kaiju One推出嘅極惡達摩Z人偶,其惡形惡相造型好正呀呵?賀圖都一樣咁正架。唔信,大家可以睇睇。順祝呢隻Figure可以大賣,加油。

Read more ›
Fai Cheng x Kaiju One極惡達摩Z人偶 不日推出
by / on 28/05/2019 at 8:45 pm

Fai Cheng x Kaiju One極惡達摩Z人偶 不日推出

好堅挺的角色設定形容──襌定的智慧、強勁的身驅、堅硬的鋼鐵、武技的精神、伏魔的武器──講緊嘅係Fai Cheng聯乘Kaiju One即將推出嘅達摩Z人偶,造型惡形惡相,齋戙企已經霸氣縱橫,我好Like呀喂。為宣傳,Fai Cheng面相有插畫一張,達Save as wallpaper質素,而廖光祖亦贈賀圖,一樣正到嘭嘭聲。強烈建議,他朝出貨,可唔可以隨人偶附送埋呢兩張插畫?Poster形式當然Good,細細張Postcard都唔介意架,呵呵。

Read more ›
Kaiju One哪吒Figure 5月發售
by / on 17/04/2019 at 8:30 pm

Kaiju One哪吒Figure 5月發售

我認得個惡形惡相,對科幻型風火輪尤其印象深刻,再加埋Fai Cheng幅靚靚插圖,所以如無估計錯誤,Kaiju One呢隻三太子哪吒Figure,應該源自Fai Cheng動畫《哪吒的憤怒》,有配件可以合體,可以換手出中指,估計5月推出,唔知賣幾多錢呢?我有啲興趣入手。

Read more ›
福龍撐場 Kaiju One x 梁瑋豪石黑龍Figure有辦睇
by / on 13/04/2019 at 3:56 pm

福龍撐場 Kaiju One x 梁瑋豪石黑龍Figure有辦睇

Kaiju One聯乘梁瑋豪推出嘅龍虎門系列002石黑龍Figure,家陣喺「Toys Collector Market玩具收藏家販售展」有辦睇,柔道小魔童Fans萬勿錯過。同場加映,邱福龍百忙抽空撐場,對火雲邪神Figure愛不釋手。睇相同睇實物始終係兩碼子事,有興趣入手的話,不妨去MK走番轉,望望真身。

Read more ›

梁瑋豪 x Kaiju One推出阿花公仔 「人間廢業」夠核突我鍾意
by / on 08/10/2018 at 10:15 pm

梁瑋豪 x Kaiju One推出阿花公仔 「人間廢業」夠核突我鍾意

呢鋪真係要撐一撐梁瑋豪,君不見坊間出親Figure,九成九都係Sell靚Sell萌,梁瑋豪卻反其道而行之,聯乘Kaiju One推Kaiju One「人間廢業」阿花公仔,夠創意!邊個係阿花?梗係如花喇,孖辮、鬚根、厚唇加五短身材著學校,真係核突到一個點……But,我鍾意!隨公仔附送書包同一隻撩鼻屎手,神髓出晒嚟喇喂。每個$500,有買趁手。留意番,第一彈係呢個阿花,第二彈仲有痴漢,一樣咁猥瑣,正呀喂。

Read more ›