Post Tagged with: "jr"

唯一女高中生乘客畢業 日本北海道JR車站3月停開
by / on 03/01/2016 at 4:04 pm

唯一女高中生乘客畢業 日本北海道JR車站3月停開

難以想像嘅唔係呢個車站因為一個女高中生而關閉,而係一個車站竟然只係服務一個女高中生咁耐。話說呢個JR北海道石北本線「上白滝駅」,站號A44,每日只有往返兩班列車會停站,而每日都會喺呢個站上落車嘅,一般就只有1名女高中生。亦都因為呢位女高中生畢業,車站將會喺今年3月26日開始關閉……理由係使用量減少,由1去到0。(更新,之後傳媒更正咗,應該係「旧白滝」車站先啱)

Read more ›

【日本JR】「女性專用車廂」以外的選擇 網民:「腋臭專用車廂」
by / on 18/10/2015 at 1:00 pm

【日本JR】「女性專用車廂」以外的選擇 網民:「腋臭專用車廂」

去日本搭JR有「女性專用車廂」,等女士可以安心坐車唔怕痴漢,我最怕係「弱冷車廂」,冷氣微弱好熱。日本2ch最近有人開咗個post,討論大家仲想要乜嘢車廂,啲答案好奇趣。例如「肥佬專用車廂」、「腋臭專用車廂」、「扶手可以比矮人扶嘅車廂」、「處男專用車廂(因為成日見到情侶表現親密好嬲)」、「幼女或大叔專用車廂(困獸鬥wwwww)」、「單身專用車廂(可以識男仔女仔啩)」。如果係香港嘅港鐵,你最想要乜嘢車廂?「大媽專用車廂」、「演奏樂器專用車廂」、「大便專用車廂」?

Read more ›
有片  日本JR列車意外 公公為救孫仔衝出路軌撞斃
by / on 10/08/2015 at 7:10 am

有片 日本JR列車意外 公公為救孫仔衝出路軌撞斃

  呢單日本新聞好傷感,喺網上好多人談論。8月8月日上午10時5分,日本福井縣坂井町一架行駛中嘅JR列車,因為剎車不及,撞倒6歲學生同佢66歲嘅公公,二人當場死亡。列車司機話當時見到路軌上出現一個小童,於是緊急剎車,但已經太遲。至於點解會撞倒公公,估計係因為對方見情況危急,於是衝出去以身體覆蓋孫仔。事後好多網友話好感動,亦有人建議遇到呢啲危急情況,應該將孫仔撞出路軌,有網友附圖一個外國婆婆一腳踢走路軌上嘅小童避過意外(入嚟有gif,不過明顯係假圖)。無論如何,親人嘅愛真係好偉大,衷心希望二人安息。

Read more ›
電車迷必入 日本「山手線」「中央線」電子顯示板手表
by / on 25/07/2015 at 10:13 am

電車迷必入 日本「山手線」「中央線」電子顯示板手表

如果你同我一樣,次次去完日本一陣就會好掛住,無論係Family Mart嘅炸雞扒、JR閂門嘅音樂都好懷念嘅,咁見到呢隻表都應該會覺得好正。就係山手線嘅「電光掲示板型腕時計」。除咗山手線之外,仲有「中央線」等選擇,13,800円,仲有個月台座枱鐘!

Read more ›
【日本人都食】JR車廂食沙律 高中女生被網民恥笑
by / on 07/06/2015 at 11:22 am

【日本人都食】JR車廂食沙律 高中女生被網民恥笑

香港地喺港鐵食嘢好易引發罵戰YouTube見,以為日本咁有紀律一定唔會發生?最近有日本網友影到有個女高中生喺JR車廂內食沙律!件事即刻引起熱烈討論。有人話佢白痴,有人話應該喺月台食完先上車,不過就有人突破盲腸,問如果真係勁肚餓嘅話,點解食沙律唔係食麵包?BTW,有日本網民話喺車廂見過人食杯麵,我都諗起有人喺港鐵食KFC呢單嘢,有圖有真相。

Read more ›
東京地鐵現雪人 萬聖節未到先興奮
by / on 27/10/2014 at 3:19 pm

東京地鐵現雪人 萬聖節未到先興奮

近年日本都好興慶祝萬聖節,啱啱周末喺大阪都見到有好多人參加完化妝派對。所以,我諗呢位都係。有人噚日(26日)喺東京地鐵站就影到呢位雪人,而且佢相當入戲,入到地廂就坐喺地下……你睇隔籬個囡囡幾驚?

Read more ›

求改名 東日本JR新站 2020年山手線第30個站出現
by / on 04/06/2014 at 2:12 pm

求改名 東日本JR新站 2020年山手線第30個站出現

之前都報咗,不過啱啱官方發佈而且公開募集新站名。自從1971年西日暮里駅之後,就一直都冇再加新站。不過嚟緊2020年,配合東京奧運就有新站加入山手線!呢個站距離品川駅0.9km、田町駅1.3km,高兩層,有設計圖睇。

Read more ›
品川與田町之間 JR山手線第30個站即將現身
by / on 31/05/2014 at 10:00 am

品川與田町之間 JR山手線第30個站即將現身

去過東京嘅,一定搭過山手線,我記得第1次去日本,覺得佢最好就係唔怕搭錯車,總之最後都去到你想去嘅站,不過可能耐啲,人生啊人生啊……山手線近半世紀都冇加過新站,都係得29個站,不過啱啱就有消息話2020年會有一個新站加入,而呢個新站就會喺品川同田町中間,因為呢兩個站係山手線中距離最長嘅,有2.2km。而喺新站附近,當然會有大規模嘅發展項目……入嚟都有片睇,係列車由品川去田町間嘅行駛影像。

Read more ›
日本JR出斜櫈 心地善良撮合情侶
by / on 05/03/2014 at 2:51 pm

日本JR出斜櫈 心地善良撮合情侶

香港啲美食廣場o依家興整啲斜櫈,務求令到你坐得唔舒服快啲走唔好阻住晒,真係衰到冇人有。日本一樣有斜櫈,但心地就好得多!呢個將會喺JR「四国」「予土線」、「土讃線」車站出現嘅叫「らぶらぶベンチ」,兩邊斜向中心,等兩個人可以更加親密,絕對可以為乘客帶嚟幸福呀!當然,你需要自己執生,見到有囡囡坐一邊就飛身埋去,見到大叔坐一邊……你都可以飛身埋去嘅。

Read more ›
日本JR碰著她 情人節限定手挽撮合情侶
by / on 11/02/2014 at 7:43 pm

日本JR碰著她 情人節限定手挽撮合情侶

喺日本,情人節都好多產品、朱古力湧出嚟,好有氣氛。咁JR東日本就諗住搞吓新嘢,直至2月14日喺JR京葉線嘅列車上面準備咗一對扶手手挽,係一個藍色一個粉紅色嘅心心呀!呢對手挽唔會話俾你聽喺邊架列車同邊條線,遇到就係緣份喇!當你一個人搭JR埋怨冇位坐時,一手穿過手挽先發現唔對路,再望一望隔籬嗰個,呢個時候傳嚟一陣觸電嘅感覺……唉,世事邊有咁順利吖。

Read more ›
再一次感動 日本乘客再出手 齊心推JR救人
by / on 26/11/2013 at 5:49 pm

再一次感動 日本乘客再出手 齊心推JR救人

之前7月都試過一次,有個女人跌咗落列車同月台中間,之後乘客們就合力推側架列車救番事主出嚟!見到呢啲齊心救人新聞,個人就熱血同感動起嚟。今日(26日)下午時段又有一單,仲係我哋熟識嘅JR山手線,發生喺涉谷站,乘客們再一次合力救人,相片喺日本Twitter瘋傳。好彩,事主最後都係冇事!之後日本網站又有人放咗《馬沙之反擊》推殞石條片上去慶祝……

Read more ›

東京山手線婚禮 兜一個圈冇回頭
by / on 17/10/2013 at 5:55 pm

東京山手線婚禮 兜一個圈冇回頭

早喺6月,我哋都報道過日本JR為慶祝50周年,俾人申請喺山手線列車上面舉行婚禮,而啱啱喺10月14日,呢對新人喺平時每日有360萬人次乘搭山手線6號列車上面兜咗一個圈,禮成。講多少少,10月14日係日本「鐵道之日」,記念1872年10月14日第一部列車行駛,希望呢對新人兜兜轉轉唔好落車啦,真係大吉利是。搭緊港鐵放工嘅你,有冇諗過香港搞會點?

Read more ›
巨型相機高過你   周街幫人影大頭海報
by / on 11/10/2013 at 7:09 am

巨型相機高過你 周街幫人影大頭海報

鐘意影相嘅你哋,如果見倒一部高過你嘅相機,會唔會發狂衝埋去影相留念?外國藝術家JR租咗架貨車進行名為「Inside Out」嘅活動,幫路過嘅途人影大頭相,再印製出超巨型海報,再同其他人像相拼合埋,放喺公眾地方展示。暫時JR已經印製咗超過10萬張人像海報,犀利!之前佢路經紐約,閒閒哋都吸引咗13,000人參加呢個活功。最近佢去埋倫敦Somerset House,不過聽日就完就要駛走搬竇,諗起佢要將啲海報收起,下一站又再舖出嚟就鄧佢辛苦。

Read more ›
新片速報 《Iron Man》Robert Downey, Jr代言廣告出爐!
by / on 12/08/2013 at 4:19 pm

新片速報 《Iron Man》Robert Downey, Jr代言廣告出爐!

今次Robert Downey, Jr唔係以Iron Man身份出場,而係HTC搵咗佢代言品牌兩年,第一段廣告片啱啱發佈!以「Change」為主題,傳聞HTC駛咗1,200萬美元做Robert Downey代言費用,雖然分兩年支付,但都唔係小數目,不過唔識串佢個名都應該知佢係Iron Man,所以宣傳效果絕對不容置疑。8月15日,廣告會喺台灣、美、英、澳等地播出,第一段未入戲肉,睇啲製作圖片,之後會精彩好多喎!BTW,官方仲話,之前網上瘋傳嗰個喺台灣搭捷運嗰個疑似Robert Downey,並唔係本尊,不過唔排除遲啲會請佢嚟咁話。

Read more ›
鬆弛熊JR山手線車廂    熊仔扮站長
by / on 26/07/2013 at 7:28 am

鬆弛熊JR山手線車廂 熊仔扮站長

今年係日本JR山手線50週年,之前JR特別設計咗一架復古山手線車廂,每日只此一班,車頭仲貼埋50週年標記,要撞見佢一啲都唔易。由8月2日開始,呢架紀念車仲會換上鬆弛熊嘅設計,每個車窗都有熊仔偷望你,勁得意。最吸引係乘勢推出埋鬆弛熊扮站長嘅精品,有手機飾物、鎖匙扣同埋Tote Bag,質素高,去開日本點都要掃少少,收倒嘅女仔實尖叫。 

Read more ›