fbpx

Tag: Joseph’s machines

【新片速報】超強骨牌效應影片 食早餐啟動大量機關

【新片速報】超強骨牌效應影片 食早餐啟動大量機關

呢類型嘅骨牌效應示範片之前都睇唔少,不過今次呢個真心勁,拍片示範嘅係外國嘅Joseph’s Machines頻道,專門設計呢類型裝置。今次由佢食早餐拎起隻杯飲嘢開始,直至佢最後食埋蛋糕,期間有超多機關,每個設計都勁精妙,中間仲有埋小朋友參與,超正!段片喺Twitter已經超過150萬瀏覽,入嚟有得睇。

Read more ›

有片:低能土砲發明 座檯扇變唧醬汁機

有片:低能土砲發明 座檯扇變唧醬汁機

悶悶哋,我會Click入YouTube頻道「Joseph’s Machines」。今次嘅偉大發明「Sauce Squirter」,姑且譯做唧醬汁機,方法係將芥蘭醬樽同茄汁樽綁實座檯扇扇葉,底下放四隻熱狗,咁一撻風扇咯喎,樽裡面嘅醬汁受離心力影響,紛紛唧向熱狗,阿Joseph都醒呀,事先整咗個紙皮框框,醬汁無話唧到一屋都係。記得睇埋尾Making of,有打爛玻璃花樽、醬汁唧入眼等鏡頭,仲好笑!

Read more ›
有片:驚世發明!掛牆鐘變自動牙刷!

有片:驚世發明!掛牆鐘變自動牙刷!

YouTube頻道叫「Joseph’s Machines」,驚世發明叫Tooth Brusher,以為有乜機械嘢咁巴閉喇,原來純粹得啖笑。而事實上呢個鬍鬚仔又真係幾搞笑,居然無聊到將大一大個又硬又重、定時定候有隻雀仔捐出嚟報時嘅古老掛牆鐘綁吓頭頂,再用鐵鏈將大鐘鎖住條頸,藉以自製一支自動牙刷。點自動法?原理係利用鐘擺嘅左搖右擺帶動牙刷,幫自己刷牙,兼校定時間,兩分鐘後雀仔會彈出嚟畀鎖匙佢開鎖。雖然明知大鐘失靈雀仔失蹤無得開鎖呢Part做假,搞到要無奈地刷牙刷足一粒鐘,雖然呢個驚世發明真係勁無聊,不過可能笑點低,我真係笑得出。

Read more ›