【有片】最巨型喵星人現居紐約 重28磅長4呎鍾意「責」醒人

呢隻肥貓實在太得意嘞。佢叫Samson,品種係緬因貓,而家重28磅,長4呎,要抱起佢都要有好強嘅腕力。佢嘅主人Jonathan Zurbel澄清呢隻喵星人唔係肥,無超重,佢只係生得比較大隻啫。佢每朝主人未起身就會走入房,然後跳上主人個肚腩度瞓覺,比咁重嘅佢責住,應該好難唔醒嘞。另外佢仲好可能係世界上最大嘅貓,因為之前健力士紀錄最大隻嘅喵星人身長4.04呎,可惜喺2013年已經過咗身,所以呢隻28磅4呎長嘅喵星人,可能已經足以稱霸地球。

Read more ›