Tag: Joker

超靚得獎紋身    蝙蝠俠/羅賓大大幅

超靚得獎紋身 蝙蝠俠/羅賓大大幅

唔講以為又係另一款新出嘅Marvel漫畫Leggings,其實佢係一幅紋身,由英國好出名嘅紋身師Ian Hopkins用咗40小時繪畫,入面係好old-school嘅漫畫,仲見倒蝙蝠俠、羅賓、Joker、Penguin、Riddler等漫畫角色。呢幅紋身仲幫佢贏到英國舉行嘅紋身比賽Titanic Ink Convention嘅Best Large Color大獎,即係又夠大幅顏色又最靚,的確啲色係好出,不過被紋者應該都好痛。

Read more ›

向小丑Joker致敬 扭蛋重現5大經典場景

蝙蝠俠電影《The Dark Knight》入面,最吸引嘅角色係小丑Joker,可惜演出嘅Heath Ledger英年早逝,日本玩具商奇譚クラブ最新宣佈5月份會推出一式五款嘅The Joker扭蛋,以電影入面Heath Ledger飾演嘅Joker為藍本,5個造型都係電影入面嘅經典場面,例如喺警車入面伸頭出外奸笑、西裝褸入面塞滿手榴彈、被蝙蝠俠倒吊等情景,有興趣可以問定相熟玩具舖,或者上日本網訂啦。

Read more ›

玩具的沉悶生活 Joker中產聽音樂 白兵頭痕開信

好多人鐘意幫玩具影靚相,睇之前網上瘋傳咸濕胡迪相就知。外國攝影師Santlov儲埋一大堆玩具,閒時最鐘意幫佢哋擺pose影相,不過今次主題係動漫紅人的沉悶生活,你會見倒Joker好悠閒咁聽音樂、白兵對住一大堆信頭都痕、戰損Iron Man玩自拍,仲有胡迪影醉酒巴斯光年,其餘上鏡嘅玩具仲有籃球巨星Jorden、魔戒代表咕嚕同埋奧巴馬。睇完你會覺得,外國人真係好有閒情逸志。

Read more ›

撕開小丑面具 Joker爛肉睇見心寒

蝙蝠俠電影《The Dark Knight》入面,最吸引嘅角色係小丑Joker,而且演出嘅Heath Ledger真係演得神似,可惜英年早逝。講返正題,芬蘭藝術家=K4ll0最新設計咗一輯Joker插畫,睇到我好心寒,因為撕開小丑面具入面嘅肉全部活生生呈現出嚟,當然仲有佢個經典大嘴,噢,Why so serious?

Read more ›

亂乘插畫 Iron Man x 小飛俠 / Loki x 小丑Joker

好鐘意加拿大插畫師marco d’alfonso嘅作品,將英雄人物動漫角色Q版化之餘,每幅作品都有劇情,而且最鐘意惡搞。題材不受限制,最叻將不同動漫人物crossover亂咁乘,例如Iron Man x 小飛俠、奸人Loki x 小丑Joker,仲有變形俠醫BB發爛渣、Boba Fett去迪士尼扭甩米奇老鼠個頭‥‥‥好過癮!

Read more ›

Joker頭麥當勞身 邪惡coser入型入格

佢究竟係慈祥嘅麥當勞叔叔,定還是邪惡嘅Joker?呢個coser好入戲,其實齋睇塊面,真係成個Joker咁款,不過纖瘦身形又好襯當勞叔叔。好喇,我唔再夾硬拉長呢段新聞,因為對唔住,我真係搵唔倒出處,我只係知呢張相由攝影師DTJAAAAM操刀,而望住佢我又有啲肚餓。

Read more ›

小丑金句砌上身 Typography人像超型

呢排Iron Man好紅,不過我無忘記我偶像小丑Joker,外國網友BRamer88用小丑經典金句砌成小丑人像,即係設計師成日講嘅Typography,雖然好多字我睇得唔係太清楚,有啲字又唔識點解,但係小丑真係好型,呢個設計都好型。

Read more ›

Batman x Converse自訂鞋 貓女、Joker任揀

其實我已經好耐無著Converse,但如果係特別版又唔同講法。最近Converse同Batman合作,推出特別版Arkham City系列,比你自己設計對Converse波鞋。今次總共有6個角色比你揀,除咗最受歡迎嘅Batman、Catwoman、Joker,仲有冷門啲嘅Riddler、Robin同埋Penguin。貪心啲仲可以揀鞋嘅兩邊係唔同角色。另外,可以自選鞋舌位、內籠等等嘅顏色,價錢75蚊美金,大槪需要2-3星期訂購,用嚟做聖誕禮物可能勉強趕得切喎!

Read more ›