【新片速報】英國蜘蛛俠爬上巴黎鐵塔 落地被捕審問6小時

呢位英國蜘蛛俠James Kingston好鐘意玩命周圍爬高塔,經常被警方拘捕,但都繼續爬繼續拍。早兩日佢又1同攝影師朋友成功爬上巴黎鐵塔,仲拍埋片放咗上YouTube,好堅!為咗防避保安,佢今次選擇喺凌晨1點爬上去,之後行吓無聊吓等天光,睇片見佢喺高處望落去睇日出,風景好靚,但咁樣玩命實在太危險,特別係影片4:05開始,影佢喺鐵塔幼邊上行嚟行去,睇片都覺得個心離一離。最終朝早9點佢哋落返地會合好等咗佢哋好耐嘅保安,再被押返警局。經過6小時拘留,最終佢哋無被起訴,不過就要應承警方未來3年都唔會再爬上巴黎鐵塔,好古怪,咁3年後係咪可以再爬?

Read more ›