悍戰太平洋 Jaeger原來咁大隻!!!

呢個時間, 爆炸哥應該睇緊Pacific Rim……我未睇, 唯有睇公仔! 我真心唔知佢原來咁大隻, 突擊自由高度唔及佢小腿, 初號機只到佢Spring pocket, 柯柏文係到佢腳眼, 唯一可以同佢可掍吓嘅係百獸王, 都係到佢心口, 原來阿導演Guillermo del Toro設計Jaeger出嚟, 唔單止要向鐵人28號致敬, 而且仲要設計出史上最大機械人! 想當年重高達出現維港, 好似巨人踩落小河一樣, 你話如果GIPSY DANGER喺維港打怪, 我覺得一吓已經打爛成個九龍半島囉……又或者, 當年Z Gundam跟本完全比例錯誤, 冇理由嘅, Z Gundam係神級之作, 冇理由會錯嘅!最後,近排導演都出咗個感謝名單,裏頭有庵野秀明、河森正治、安彥良和、大友克洋,睇完套戲,我諗會知點解。

Read more ›