fbpx

Tag: iPod

【正式停產】你有冇買過?再見iPod nano/iPod Shuffle聽歌年代

【正式停產】你有冇買過?再見iPod nano/iPod Shuffle聽歌年代

12年前喇,2005年開始推出嘅iPod nano/iPod Shuffle,當年幾多潮人帶住喺身聽歌?o依家你同我都用電話聽啦?不過見到佢哋個樣,都令人好懷念嗰個年代。蘋果啱啱正式宣佈停產iPod nano、iPod shuffle,前者出咗7代,後者都有4代。話時話,你屋企仲有冇?

Read more ›

日本超強改裝 Dreamcast記憶卡變iPod

日本超強改裝 Dreamcast記憶卡變iPod

其實以改裝嚟講,呢個已經相對簡單,但效果超好喎!記唔記得呢部SEGA主機Dreamcast喺1998年有呢張記憶卡Visual Memory Unit?其實當年好有創意,Save卡又可以變成手提機拎出街玩小遊戲,之後個save又可以用番落主遊戲度……之後1999年PS部PocketStation都係咁玩。好喇,呢位日本機迷就將部陳年VMU改裝成為用嚟聽歌,佢講解話係用iPod nano(6世代)嚟整,當然都可以充到電同埋用到個Screen!我都想跟住做,可惜我屋企兩樣都冇。

Read more ›
手機耳筒冬日情懷 玩耳罩大合體

手機耳筒冬日情懷 玩耳罩大合體

乜嘢叫做凍到耳仔都甩!? 呢幾日喺Outdoor走兩轉嘅人, 應該會有幾深嘅體會; 不過……天氣凍係咪唔使食飯? 唔使講電話? 唔使聽歌!? 唔係吖嘛! 所以日本就有咗呢款in-Ear耳筒推出, 佢玩冬日耳罩款式, 有冷面、絨面、毛毛、夾綿款式, 串到可以同你襯衫着, 最正係對應埋i系手機講電話、聽歌, 可惜我係Android Fans吖! 希望快啲有安卓版本; 開價3,791円。

Read more ›
尿袋+手掣 對應iOS 7 iPhone+iPod

尿袋+手掣 對應iOS 7 iPhone+iPod

手機打機係方面, 不過遇到一啲Action Game, 都係有手掣好玩啲, Logitech剛發佈新推出PowerShell Controller + Battery docks畀iPhone同iPod, 機身尺寸係 200 x 63 x 21mm、120g, 一經Lightning插口駁上, 佢就馬上變成一個打機手掣, 而且仲對應最新iOS 7系統, 點解唔用藍芽!? 因為佢仲有外置電池功能, 不過只有 1,500mAh, 加埋機身內置電池, 希望勉強夠你一日打啦! 嚟緊12月歐美進行Pre-order, 機價99.99美金。

Read more ›
狼來了系列:蘋果出iWatch?可屈曲玻璃戴上手

狼來了系列:蘋果出iWatch?可屈曲玻璃戴上手

蘋果出iWatch傳咗好耐,十足狼來了,講都無人信。不過今次經《紐約時報》報導,像真度又加分。網上一直有大量概念圖,而最似層層,就係會用上日漸成熟嘅可屈曲玻璃物料。雖然今時今日,好多人已經放棄戴錶,改為用手機睇時間,但當Google都著力開發將科技戴上身嘅Google眼鏡,不難想像,未來大家都想將自己變做機械人,所有高科技都駁晒上身,萬一hang機或者有病毒入侵,到時係咪排隊去睇急症?入嚟仲有多款網上精選嘅iWatch概念圖,老實,有啲真係送比我都唔戴。

Read more ›
充電的浪漫 一次過插5個「i」

充電的浪漫 一次過插5個「i」

如果你屋企又有iPhone又有iPod又有iPad,又有老婆又係有iPhone同iPod同iPad,咁呢個Griffin Technology出品嘅「PowerDock 5」就啱晒你,因為佢有五個充電位,而且有埋個架俾你放好晒你啲蘋果產品,賣99.99美元,話貴唔貴。又如果你公司咁高科技人人一部iPad,或者你屋企係大族已經有10部iPad,又可以買呢個「MultiDock」,成個文件架咁,放晒啲iPad入去充電之餘仲可以入資料,呢個貴,699.99美元。

Read more ›

點解要裱起部iPhone5?

點解要裱起部iPhone5?

好哋哋一部iPhone點解要裱起佢?呢個世界梗有啲嘢你係諗唔明,但又總係有人會去買。呢個美國製造嘅CHISEL iPhone5木架,純粹等你叉電或者駁電腦入iTune時部機可以放得靚仔啲。個人比較欣賞係佢專登整咗個位置放條iPhone線,等條線唔駛hea喺枱面打晒圈。不過要拎部機出嚟時都幾麻煩。價錢美金$39,啱晒講求生活品味又有大把錢唔知點駛嘅型人。

Read more ›