fbpx

Tag: IPHONE6

【貓奴必買】白貓舉中指iPhone6殼 拎住傾電話型爆

【貓奴必買】白貓舉中指iPhone6殼 拎住傾電話型爆

很想要吧!呢個喵星人iPhone 6殼堅正,隻白貓個樣串串貢,仲學人舉中指,拎住佢喺街傾電話真係型到爆,仲可以用佢對準你想爆粗嘅人。佢個包裝盒都好過份,放個電話喺恤衫嘅前袋,拉低少少就會見到隻衰貓向你舉中指,好啱用嚟整蠱人。呢款機殼適用於iPhone 5/5s/6/6+,賣美金$30,暫時網上仲有貨,100% Silicone,揸上手應該好穩陣,係大嚿少少唧。呢隻白貓仲有好多產品、T恤、帽、襪,貓奴小心駛大咗。

Read more ›

【超正】蛋黃哥滑溜電話殼 摸住body傾電話

【超正】蛋黃哥滑溜電話殼 摸住body傾電話

最近全城談論蛋黃哥,朗豪坊日日迫爆人,影完相仲可以去買埋精品,而且貨量都幾齊,可惜唔見呢個iPhone 6殼(4.7吋)吖。呢個殼唔係最新,不過啱啱喺日本網見到,最重要係仲有貨!白色嘅米粒上面攤咗個hea到爆嘅蛋黃哥,而且蛋黃又光又亮,好有質感,同佢個pat pat一樣。另外,講電話時仲可以揸住蛋黃哥個body,嗚呀!淨係咁都值得買啦。價錢3400円,有無朋友住日本可以幫幫手?

Read more ›
蘋果第一代底板炒味濃    拍賣價達300萬

蘋果第一代底板炒味濃 拍賣價達300萬

iPhone 6炒價越跌越低,大家都係留返嚟自用好過。外國拍賣行Bonhams嚟緊將會拍賣嘅呢件蘋果產品就唔同,呢塊蘋果第一代電腦嘅底板,今個月22號會拍賣,估計價位可以去到美金40萬,即係港幣300萬左右!足足係佢原價(美金$666.66)嘅600倍!原因之一係佢係世上僅存15件仲可以行得郁得嘅收藏品之一,據講係Steve Wozniak喺蘋果教主Steve Jobs嘅屋企搵倒嘅,炒家飛過去入手啦。

Read more ›
廣告顯真相?德國iPhone6彎曲大型廣告

廣告顯真相?德國iPhone6彎曲大型廣告

iPhone6出咗之後,網絡出現好多坐彎iPhone嘅意外,咁正常嚟講,官方梗係想避開呢個話題,但係又唔小心喎。喺德國柏林一個街頭大型廣告,竟然喺中間有個轉彎位,搞到個廣告要彎曲咗,於是又俾人笑喇。唔只,喺一個活動當中,個背景板都一樣係曲咗嘅,到底係大意定一話係溫馨提示?

Read more ›
APPLE土耳其新店   全透明設計型到震

APPLE土耳其新店 全透明設計型到震

鐘意APPLE嘅都係貪佢嘅簡約設計美學,無可否認,由機身以至廣告以至店舖設計,APPLE都係品味之選。最近APPLE喺土耳其嘅伊斯坦堡又有新店落成,全店由頂至牆身全透明玻璃設計,靚到震。由Foster + Partners設計,店舖內全部都係統一嘅長方形木枱,樓梯沿用懸浮式設計,好正。不過最重要都係部iPhone 6,求吓你比返啲驚喜我,我都想重投iPhone懷抱。

Read more ›