fbpx

Tag: iPhone5

星戰木製手機殼   黑武士R2D2小心爆殼

星戰木製手機殼 黑武士R2D2小心爆殼

一向對木製品情有獨鐘,木製嘅電話殼更加係必買,今次日本Runatown推出咗一式兩款《Star Wars》木製電話殼,有深色木紋嘅黑武士款同埋淺色紋嘅R2D2款,暫時只得iPhone5同埋5s兩款型號,開價4179円,唯一缺點係木殼好易爛,小心跌機,芒未爆殼先爆。

Read more ›

iPhone5變懷舊NES手掣    機迷聖誕禮物

iPhone5變懷舊NES手掣 機迷聖誕禮物

Logitech專為iPhone同iPod出嘅手掣外殼最近好多人想買,嫌iPhone芒細打機頭暈嘅機迷,可以粗粗哋買個NES手掣殼頂住先。專為iPhone5/5s而設,像真度高,睇落手感唔錯,最正係每粒掣都可以撳落去,當然部機唔會有反應,旨在過吓手癮。網上有得買,港幣220蚊左右,買嚟做聖誕禮物啱啱好吖。

Read more ›
日本蛋多士 iPhone 5殼   左右兩邊冧女一流

日本蛋多士 iPhone 5殼 左右兩邊冧女一流

日本出嘅電話殼手工真係特別靚,好似呢款蛋多士iPhone 5專用電話殼,官方將佢同真嘅食物拼埋一齊,基本上係搵唔倒分別,塊多士夠厚,蛋黃令立立,睇見都覺得肚餓,最有心思係佢出埋左右兩款,等你可以同另一半拼埋一齊變成一塊完整多士,冧女一流,開價3800円,日本製。

Read more ›
串爆iPhone5用家係喪屍   Nokia新廣告擺明挑機

串爆iPhone5用家係喪屍 Nokia新廣告擺明挑機

擺明挑機嘅廣告,之前有PlayStation串爆Xbox ONE「分享遊戲」功能嘅影片,熱爆YouTube;最新有Nokia挑iPhone機,新廣告片將iPhone用家變晒白面紅眼嘅喪屍,目的係宣傳佢嘅新電話Lumia 925無須開閃光燈都可以拍攝倒最佳影像,順手串埋iPhone5之前影相出現紫邊嘅問題,之但係條片放上YouTube後好多人dislike,無計啦,你而家挑戰巨人,仲順手踩埋一班iPhone用家,話人係喪屍喎,以卵擊石,真係要好大膽量。

Read more ›
日本蘋果產品加價   抵抗日圓狂跌

日本蘋果產品加價 抵抗日圓狂跌

日圓狂跌,對於準備去日本購物嘅大家嚟講當然係好事,對於水貨佬嚟講更加係搵錢良機。不過你精我都唔笨,日本蘋果公司發言人Takashi Takabayashi最近向財經網Bloomberg表示,因應匯率問題,日本本土發售嘅蘋果產品即日起調整售價,iPad Mini(16GB Wifi)由28,800円加到32,800円;16GB Wifi 嘅iPad都漲價7千円,調整至49,800円,希望其他衫呀、食物呀唔好漲價,我買咗機票月底去日本呀!

Read more ›
高科技iPhone5殼   自訂屏幕隨時轉款

高科技iPhone5殼 自訂屏幕隨時轉款

終於有人推出呢個iPhone殼,可以自訂圖案隨時改款。號稱iPhone 5 第二屏幕嘅iPhone殼popSLATE,實用度好高,用嘅係e-ink屏幕,即係類似Amazon部Kindle嘅ebook屏幕,可以將屏幕上嘅相片轉去背面屏幕顯示,亦可以用背面嚟顯示地圖、食譜以至筆記等等,個性化之餘又唔怕悶。用電方面,由電話直接取電,耗電量低,而且可以長著。而家喺indiegogo集資中,開價美金$119,好彩我唔係用iPhone,否則又要駛錢。

Read more ›

新片速報  S4 / iPhone5墜地測試   散晒!

新片速報 S4 / iPhone5墜地測試 散晒!

雖然唔係我啲錢,但睇倒都好肉赤,大拿拿一部新款S4,就咁掉落地爆咗,好嘥。今次係外國科技網TechSmartt做測試,比較S4及iPhone5嘅防跌度,號稱史上最跌得(其實我想玩食字”Duck”)嘅iPhone5繼續蟬聯寶座,S4呢?喺褲袋位置都仲頂得住,不過一去到七呎左右嘅高度即時見底 ─ 爆芒!好喇,睇完祝大家好運,小心用你新買嗰部S4啦。

Read more ›
防狼iPhone殼    遇敵即時吹雞

防狼iPhone殼 遇敵即時吹雞

夜媽媽返屋企遇到危險,再開著部電話打999已經太遲,呢個iPhone殼內置哨子,可以即時發出聲響求救或者嚇退敵人,韓國製,賣港幣$240左右,同一般防狼器作用差不多,不過電話殼隨時污糟多菌過廁所,放入口真係要好危急先做得出。

Read more ›
有片  賀年iPhone5 自轉360度影全家福

有片 賀年iPhone5 自轉360度影全家福

就嚟到新年,去親戚屋企拜年時,除咗迫埋一齊影全家福,如果裝咗呢個app,就可以大家圍住張枱企定定喺原位都影倒全家福。唔駛任何轉盤,裝咗呢個Cycloramic app就可以令部iPhone5透過內置震動功能,自動360度旋轉拍攝全景相或片,不過暫時只支援iPhone5自轉功能,因為iPhone4轉動時會窒窒哋。賣HK$8唔算貴,如果你已經有iPhone5的話。

Read more ›
新年換新殼 星戰iPhone機殼夠detail

新年換新殼 星戰iPhone機殼夠detail

噚日有讀者話iPhone最吸引其實係配件,我都應同。例如呢套Star Wars嘅iPhone Case,有齊iPhone4/4S/5三款model,Amazon開價港幣$240起,講真,真係幾靚仔,尤其係Chewbacca嗰款,subtle得嚟仲有埋毛毛質感detail,點解無Andriod份?

Read more ›
2mm!最薄iPhone鍵盤  磁石貼背超方便

2mm!最薄iPhone鍵盤 磁石貼背超方便

呢個專為iPhone5設計嘅控制器真心推介,兩塊分別2毫米厚嘅磁石貼,可以貼落iPhone背面,當打機手掣用或者藍芽3.0 keyboard用。而且每粒掣都可以按落去,唔係純粹touch screen咁無質感,官方仲舖咗示範片上YouTube。呢個iPhone5Mod使用時間有40小時,防水防塵,開價港幣約$400,唯一隱憂係未見過佢打字或打機實況,外國網站Tech Crunch訂咗,希望唔係伏。

Read more ›

Nokia越級跳戰 新廣告明串iPhone5

Nokia越級跳戰 新廣告明串iPhone5

咩叫輸人唔輸陣?Nokia雖然沉寂多時,不過最近出咗條Youtube廣告片越級挑戰明串iPhone5,好大膽。片首一班黑白色tone嘅上班族,喪屍咁款排隊買iPhone5,突然部機淋咗黃色油,之後一班七彩色嘅人仔出場,好開心咁跳跳扎,擺明硬推Nokia部新機Lumia920豐富色彩,暗踩iPhone得黑白兩色。當然,Youtube留言比蘋果迷洗版狂鬧,甚至話Nokia一早玩完,不過計我話有人講吓都好過無聲無色出機吖,Nokia我撐你!

Read more ›
敗家測試片 iPhone5大戰Galasy S3

敗家測試片 iPhone5大戰Galasy S3

iPhone5同Galasy S3最近變咗死敵,邊部好用啲?不如睇吓以下段片嘅測試。唔係鬥性能、鬥上網速度,而係鬥耐用度。有網站搵咗3個最易令你部手機gameover嘅危機做測試,分別係:(1)由高處掉地;(2)跌落水;(3)比屋企雜物例如遙控器、罐頭(!)、酒樽(!!)擲中,跌落水個測試仲搵大熱嘅PSY MV嚟做試驗,好有heart。結果?iPhone5三局全勝!睇完除咗講句:「敗家!」之外,都要講:「好啦好啦,你羸嘞,求吓你買iPhone5啦。」

Read more ›
瘋狂!80萬天價iPhone5水晶殼開售

瘋狂!80萬天價iPhone5水晶殼開售

高處未算高,噚日報導有日本網賣Steve Jobs閃石iPhone5殼,索價18,000円,轉頭外國有網站Natural Sapphire Company賣水晶鑲石殼,18k白金製,鑲有2,830粒藍寶石,上面個蘋果logo都有38粒紅寶石,嗰塊綠色葉分分鐘都億億聲。開價10萬蚊美金!係,你無睇錯,10萬仲要係美金,港紙我都嫌貴,呢個價錢,夠買143部iPhone5 (HK$5588部),買嘅相信唔係傻嘅,都係傻嘅暴發戶,痴線架咩!

Read more ›
iPhone5買殼攻略 日本3D殼  Steve Jobs萬八円閃住撐

iPhone5買殼攻略 日本3D殼 Steve Jobs萬八円閃住撐

iPhone5下星期五開賣,雖然好多人大彈設計麻麻,但相信更多人已經做好準備換新機!頭先上網已經見倒大量iPhone5套,最爆都係日本出嘅Steve Jobs閃爆殼,賣成萬八円,不過我估教主未必想拉長塊面同iPhone5共存,放過佢啦。同場仲有3D熊人套同埋第一浸有得賣嘅iPhone5套大集合預覽!

Read more ›