Tag: iPhone 6s

有片:冰火N重天!先浸液態氮後浸滾水!iPhone無損壞!

睇個勢同iPhone有仇喎,不過今次唔玩擲落街亦唔開槍射,就直接浸入超凍液態氮同攝氏100度滾水,來一個兩極冰火浴,先冰後火,冰完又火,火完再冰,冰完再火,如此冷熱交替,結果係……哈,好嘢喎,部iPhone 6s居然無穿無爛,諗住至少Mon面都會裂開喇,點知絲毫無損,一切運作正常,不得不說句:「厲害!」

Read more ›

有片:繼續嫌錢腥!熔岩燒iPhone 6s!

拍片者話感覺到啲周遭石頭有成攝氏200度高溫喎,又Sorry話收音唔好因為現場太大風喎,片名仲叫《Don’t Drop Your iPhone 6S in Hot Lava!》添,但偏偏就係佢自己掟部玫瑰金iPhone 6s入岩漿。估唔到iPhone 6s又幾捱得,掟入熔岩隔十幾秒先冒煙,幾乎俾熔岩完全覆蓋先著火焚燒,打開機殼,裡面啲電子零件起晒泡,不過仲維持到整體機形,無話燒到爛溶溶,都算厲害咯。

Read more ›

有片:瞄準!發射!iPhone一箭兩洞!

正正正!又有慢鏡短片睇!又係射Apple產品,不過今次唔用槍,用箭!片中箭手越射準繩度越高,第一箭僅僅擦邊劃花個Mon;第二箭一箭穿心,係對穿嗰隻,如果唔係有箭尾戟住,肯定成支箭前入後出;第三箭刁鑽啲,想射電話邊,都勉強中!而經過三箭之後,呢部iPhone 6s正式宣佈收皮。無聊問,其實搵《The Walking Dead》箭佬Daryl揸十字弓拍呢條片,會唔會有型啲?

Read more ›

有片:真心服!日本傳媒開iPhone插股罅!菊花紋認證!

仲記得iPhone提供指紋認證開機系統無耐,就有網友嘗試玩腳趾紋甚至乳頭認證,當中有成功有失敗,成一時佳話。今日,iPhone 6s面世,有日本傳媒決定玩得再重口味啲──菊花紋認證,仲拍埋片畀大家參考參考添。係,你無睇錯,我都無寫錯,真係正常情況下都睇唔到嘅菊花紋!自古成功在嘗試,該日本傳媒都唔係第一次就成功o架,因為iPhone 6s話晒都有番咁上下大部,色強插得入窄窄一條股罅,都對唔準菊花紋解鎖;為此,佢決定喺菊花口搽木工膠,待木工膠乾透直接倒模菊花紋,以後就只有用手指頭笠住舊乾膠模先可以解鎖,非常安全!如此刁鑽玩法都諗得出,我除咗講位已出之外,都無乜嘢再好講嘞。

Read more ›