fbpx

Tag: iphone 5s

高科技發光電話殼   通知來電/未接訊息

高科技發光電話殼 通知來電/未接訊息

電話殼我無用好耐,不過呢個iPhone 5s專用嘅Lunecase機殼似乎幾高科技。佢將日常電話嘅Notification例如來電、SMS訊息,透過殼背嘅亮燈標記顯示,就算反轉部電話擺放,都可以隨時知道有來電或者未讀訊息。勁在唔需要用電都可以發光,因為佢係用通訊過程嘅電磁力發電,唯一唔好嘅地方係當你傾緊電話時,個機殼會顯示電話符號,如果你想扮接電話避開身邊人,就會即時穿崩。而家喺Kickstarter集資中,大約港幣$320就可以投返個。

Read more ›

JEWEL PHONE 將土豪金iPhone 5s變首飾

JEWEL PHONE 將土豪金iPhone 5s變首飾

對於iPhone 5s嘅土豪金彈起, 原本已經覺得非常俗氣, 不過呢個世界沒有最差, 只有更差! 日本有間配飾廠仲諗到個更白痴玩法, 就係喺金屬Bumper上, 再加入假鑽石戒指元素, 咁樣就變成JEWEL PHONE, 驟眼睇, 感覺好似幾貴氣, 佢仲話可以穿入手指, 令部手機同你對玉手合二一, 話冇咁易跌機咁話

Read more ›
新片速報     香檳金iPhone 5s遇上攪拌機   幾秒鐘爛晒

新片速報 香檳金iPhone 5s遇上攪拌機 幾秒鐘爛晒

Blendtec呢間攪拌機公司,每次有新手機出都會拍片,影底整個過程宣傳自己部攪拌機有幾勁,最近佢就攪iPhone 5s同埋5c,部5s仲要係好渴市嘅香檳金版本!睇見呢部人人搶住要(嚟炒)嘅金色5s慢動作被攪爛,其實幾爽皮。至於5c佢都好揼本,一次過攪爛4隻新色,但係點解4部機加埋嘅灰,同金色5s一部機嘅灰差唔多?唔通5s重料啲?

Read more ›
手機都有DIY! 網上教學自砌$1500搞掂

手機都有DIY! 網上教學自砌$1500搞掂

今個星期你有無換iPhone 5s或者Xperia Z1?不停出機人有我有,多多錢都唔夠駛。不過去到咁極端自己造一部電話出嚟又唔係人人都得。網上有神人自砌手機,完成品睇落嚟幾靚,手機基本功能例如發短訊、打電話甚至儲存老友電話號碼都做倒,不過就無得玩facebook、whatsapp。如果你有心,又有啲機械工程知識,可以上呢個網學整一部。網主好有心,有埋連結教你去邊度買底版同埋元件,大概$1500港幣買倒,但係手尾長有排搞。整完記住share比我哋睇。

Read more ›
新片速報   iPhone 5S極襟跌  iPhone 5C爆芒

新片速報 iPhone 5S極襟跌 iPhone 5C爆芒

究竟iPhone 5S同埋iPhone 5C邊部襟跌啲?外國網站Android Authority做咗個測試,將兩部機由手口位置掉落地,仲連掉三次,睇得人好痛快。結果係5S好襟跌,只係外部有少少損傷,至於5C嘛,損傷非常慘重,芒都爆埋,證明5S比5C襟跌。其實我想睇佢用部香檳金5S測試多啲。

Read more ›
很想要嗎?蘋果未來產品iDesk 概念圖

很想要嗎?蘋果未來產品iDesk 概念圖

老實,Apple近年嘅產品真係無驚喜,令一眾死忠蘋果迷好心酸。好多時粉絲嘅概念作仲有新意。好似呢張由外國網站MacLife諗出嚟嘅iDesk,將部iPad放大變成枱面,簡單將所有iOS裝置放上枱就可以同步,亦唔駛用mouse或者keyboard。如果我張工作枱有咁高科技,平時應該好怕錯手掂錯其他掣開錯app,同埋張枱應該幾貴。不過科技嘅嘢好難講,幾年後,分分鐘每個辦公室張枱就係iDesk咁嘅款,不過到時肯定會有埋S Desk、HTC Desk或者Xperia Desk。

Read more ›

iPhone 5S包裝盒曝光     Home掣有指紋掃描功能?

iPhone 5S包裝盒曝光 Home掣有指紋掃描功能?

iPhone 5S你期唔期待?仲有兩日就到蘋果記招,緊唔緊張?興唔興奮?老實講我無乜,不過都會睇吓咁解。網上傳得最多係iPhone 5S會有金色版本同埋指紋掃描功能,啱啱內地網又有疑似5S盒流出,亮點係Home掣多咗個銀色圈,估計就係呢個位做到指紋掃描功能。咁同之前Fox News報導,話新機會有個銀環圍住Home鍵嘅講法又不謀而合,但係其實有指紋掃描,有無令你增加購買意慾?

Read more ›
MacRumors爆 9.20出新iPhone  T-Mobile嗰日唔俾員工放假

MacRumors爆 9.20出新iPhone T-Mobile嗰日唔俾員工放假

  大家一直傳, iPhone 5s或iPhone 5c會喺9月10號發佈, 剛剛Apple料漏嘢權威–MacRumors又爆料, 佢哋話收到風T-Mobile員工9月20號要限制休假, 即係點? 即係有大生意, 又或者有重要手機要發佈囉! 暫時漏風「出邊部」最新行情, 唔係5s亦唔係5c, 而係兩部同步上市, 估計首輪賣機地區, 會係美國、澳洲、加拿大、法國、德國、日本、新加坡、英國同香港呀咁!

Read more ›
iPhone 5C現身日本秋葉源!? 1,480円「平」到震

iPhone 5C現身日本秋葉源!? 1,480円「平」到震

到底9月10號, Apple係出iPhone 5S後繼版, 定係iPhone 5C廉價版呢!? 謎題已經解開喇! 因為喺日本秋葉源竟然有人賣iPhone 5C!!! 不過係Dummy機! 用料非常堅, 攞過上手嘅都話有點iPhone 5手感, 爆開嚟睇, 裏面當然係乜都冇, 空殼一個啦!

Read more ›
iPhone 5S機背圖流出 雙LED閃燈搭載

iPhone 5S機背圖流出 雙LED閃燈搭載

啱啱嚟自外國「MacRumors」網站嘅相。首先,係傳聞屬於iPhone 5S嘅背部外殼,睇到嘅係傳聞中採用嘅雙LED閃燈,你見到得一個位有LED,係,嗰個長形嘅燈位裏頭就有兩盞LED。之後就係拆開後嘅機件圖,網站話主要嘅chip寫住「1243」,即係代表生產日期係2012年第43個星期,10月尾左右,所以未知呢部係好舊嘅試版吖,還是會用番iPhone 5嘅chip。最後就係最實際,佢哋話睇到電池嘅容量係5.92 Whr,比iPhone 5嘅5.45 Whr更高……到底係咪一如傳言咁喺9月推出?唯有開定花生啦。

Read more ›