Tag: iPad mini

iPad Mini變50代電視座 DIY揼木逐忽砌

iPad Mini賣點係又薄又輕,不過嫌個設計悶悶哋,可以好似呢個叫Jeffrey Stephenson嘅用家咁,幫部機改造成50年代風格嘅電視座。全程DIY自己揼木逐忽砌,電視下面仲有個喇叭位,佢好識嘆,裝咗個出名靚聲嘅Jawbone Jambox藍牙喇叭,仲喺網站分享埋成個製作過程。唯一美中不足係iPad無得用遙控器,吓吓要行埋部電視度調校都幾煩,不過咁先似50年代產物嘛,係咪?

Read more ›

日本拉麵電話座 三款拉麵超迫真

一蘭拉麵到而家都係要排幾粒鐘先食倒,可想而知香港人幾咁鍾意食拉麵(同埋一窩鋒追潮流)。日本最近出咗三款拉麵電話座,有中華拉麵、博多拉麵同埋札幌味噌拉麵任揀,手功同你喺拉麵館門口見倒嘅模型一樣真到嚇死人,而且連iPad Mini都打直放得落,開價9334円一款,8月底推出,下次帶埋佢去一蘭拉麵威啦。

Read more ›

日本蘋果產品加價 抵抗日圓狂跌

日圓狂跌,對於準備去日本購物嘅大家嚟講當然係好事,對於水貨佬嚟講更加係搵錢良機。不過你精我都唔笨,日本蘋果公司發言人Takashi Takabayashi最近向財經網Bloomberg表示,因應匯率問題,日本本土發售嘅蘋果產品即日起調整售價,iPad Mini(16GB Wifi)由28,800円加到32,800円;16GB Wifi 嘅iPad都漲價7千円,調整至49,800円,希望其他衫呀、食物呀唔好漲價,我買咗機票月底去日本呀!

Read more ›

有片 日本神人iPad Mini手指頭畫人像

一隻手指,一部iPad Mini,可以畫出超細緻嘅人像畫。呢個日本神人セイコウ 山岡仲拍埋片將畫畫過程放上網公諸同好,睇完真係驚嘆神乎其技,尤其當你睇倒用一隻手指可以做倒光暗對比分明嘅嘴唇同埋眼珠,心機、天份缺一不可。 呢位神人之前仲用過iPod Touch、iPhone畫畫,芒細細都難佢唔倒,連Steve Jobs都畫過,像真程度拍得住相片,佩服。

Read more ›

iPad mini / $2,588 十一月二號香港到貨

頂你個肺!今次又要破財喇!我係講你哋班Mac友!蘋果喺噚晚美國加洲SAN JOSE,一口氣發佈多樣新機,當中預先爆響口嘅iPad mini終於現真身!而且推出無耐嘅新iPad都有所升級……啱啱剛出機嘅人點算呀!?係我就合埋眼,唔會睇落去囉!另外提提,香港係首輪有機派之地,大陸未知,唔怕死嘅就去炒啦!不過相對今次我覺得幾有炒嘅潛力;iPad mini會喺10月26號香港接受預訂,Wi-Fi版會喺11月2號率先推出,至於Wi-Fi+手機版,就要11月下旬推出!  

Read more ›

蘋果又發佈「iPad Mini」23號揭盅?

咩叫威?即係簡單出張邀請咭,你哋都要報導,然後又估估吓心掛掛。蘋果啱啱出咗封傳媒邀請咭,請各大傳媒出席23號嘅發佈會。今次唔再玩倒影5,改為大晒色彩繽紛,仲加句「We’ve got a little more to show you.」坊間估計將會公佈iPad Mini。不過今次蘋果打晒底,講到明得「little more」比你睇,到時唔好鬧人無新意呀。

Read more ›

ukrainianiphone.com 漏出iPad mini全相

  漏風,好似係成為新機發佈策略,仲記得以前有話告,又話拉人封艇,依家屁都唔放個!今次iPad mini漏嘢相當全面,資料來源係ukrainianiphone.com,由機背、芒、面冚,真係要乜有乜,就暫時睇,佢都係用nano-SIM配Lightning新接頭,而且有3G天線位,機背殼物料,同iPhone 5據稱是一樣的,唔知會唔會一樣好易花呢?至於個芒唔知係咪Retina,不過漏嘢網度過,有成7.85″!

Read more ›