Post Tagged with: "Instagram"

【相集】人氣IG攝影師 專影落雨後風景倒影
by / on 25/09/2017 at 7:39 am

【相集】人氣IG攝影師 專影落雨後風景倒影

唔一定要玻利維亞嘅天空之鏡先有好靚嘅倒影,外國攝影師@guigurui就喺自己嘅IG分享世界各地嘅風景倒影。每次落雨後見到水氹佢都會好開心,然後走埋去有咁近得咁近影相,用嘅係手機Google Nexus 5,出嚟嘅效果好正,鍾意嘅記住follow埋佢IG。

Read more ›

【有片】超可愛豹貓網上爆紅 外表霸氣內裡賣萌
by / on 23/08/2016 at 7:15 am

【有片】超可愛豹貓網上爆紅 外表霸氣內裡賣萌

呢隻豹貓(Bengal)連個名都有型過人,同雷神一樣叫Thor。最近有朋友將佢嘅相放上Reddit後爆紅。一身豹紋嘅佢好靚仔,淡綠色嘅眼仔好迷人。雖然一身豹紋好有霸氣,但佢嘅真身原來係隻好鍾意賣萌嘅貓仔,經常反肚碌嚟碌去,超可愛。不過可愛還可愛,其實豹貓,亦即係孟加拉貓本身有一定危險性,喺香港想養亦要相關部門審批先得,所以都係睇吓欣賞吓好嘞。

Read more ›
【靚到似立體畫】超人氣食物藝術家 比卡超/龍貓/賤熊靚到唔捨得食
by / on 02/07/2016 at 11:50 am

【靚到似立體畫】超人氣食物藝術家 比卡超/龍貓/賤熊靚到唔捨得食

睇返資料,我哋3年前都介紹過呢位馬南西亞靚媽媽Samantha Lee,估唔到3年後,佢依然繼續整不同嘅靚菜式,而且越嚟越紅,而家IG已經有73萬followers。雖然無見好耐,但佢整嘅菜式依然好靚,靚到好似一幅幅立體畫咁。而且食材都繼續好健康,入嚟精選咗佢最近嘅作品,有比卡超、龍貓、賤熊、蝙蝠俠、Minions,全部都好正。

Read more ›
神乎其技!日本網民Paper Cut雕超複雜圖案!
by / on 24/06/2016 at 11:15 pm

神乎其技!日本網民Paper Cut雕超複雜圖案!

細個邊有錢買玩具?所以一本《龍虎門》可以玩到好盡,點盡法?睇完,用美術刀雕封面,依龍虎三皇嘅肌肉紋理、五官頭髮、花衫褲腳線條雕呀雕,開開心心又一日,當時雕功都唔錯架。不過點勁都好,都一定勁唔過呢位日本網民「mr_riu」,同樣係雕紙,佢只憑一把美術刀同一把間呎,就可以雕出複雜到齋望都覺得暈嘅幾何圖案同動漫角色,堪稱Paper Cut藝術。手辦眼見功夫啫!其實唔難,我知你實係咁講,咁我都費事同你講,自己睇佢Instagram啲相喇。算你有咁嘅技術,都未必有佢嘅眼水同心機呀。

Read more ›
網圖分享:零違和!迪士尼角色突入現實/畫世界!
by / on 28/04/2016 at 10:30 pm

網圖分享:零違和!迪士尼角色突入現實/畫世界!

值得留意吓「johnram27」嘅Instagram,佢身份係「Disney story artist and theme park designer」,擅長將迪士尼角色融入日本舊相片同舊畫作,出來嘅效果真真不俗,調色唔突兀,擺位亦唔破壞本身相片或畫作結構,一辣開咗個頭,就自自然會一幅幅咁睇埋落去,值得畀隻手指公。

Read more ›
【甜到漏】IG超人氣巴黎甜品師    靚鞋襯甜品
by / on 14/03/2016 at 7:13 am

【甜到漏】IG超人氣巴黎甜品師 靚鞋襯甜品

鍾意食甜品嘅入呢個IG前要小心,因為佢會令你好肚餓。今次介紹嘅呢位Tal Spiegel係一位巴黎甜品師傅,亦係一個設計師兼鞋痴。知道佢呢3個嚐好之後,就會明白點解佢會開呢個IG。入面每張相都係一幅甜品,每件甜品唔止靚,仲同佢對鞋襯到絕,相信佢屋企嘅鞋同佢鍾意嘅甜品一樣,數之不盡。就算唔鍾意食甜品嘅,當去欣賞吓巴黎嘅超靚甜品都係一件賞心樂事。

Read more ›

【成名唔容易】平凡男人每日一Look 25個瘋狂造型圖集
by / on 18/01/2016 at 7:12 am

【成名唔容易】平凡男人每日一Look 25個瘋狂造型圖集

男士想喺網上成名唔容易,尤其是個樣生得平凡少少,就要諗啲古怪嘢出嚟引網民注意。其中Instagram嘅bobbugs就做得好成功,佢由2015年1月2日開始,每日都會上載一張個人證件相,不過每次塊面都會舖滿不同物料:金粉、鐵線、膠紙、仙人掌、薯條、美金、羽毛‥‥‥諗起要清潔還原都驚。而家佢嘅IG有4萬6千個fans,我哋精選咗25個最瘋狂嘅造型比大家欣賞吓,有咩想佢扮不妨去佢IG留吓言。

Read more ›
用Stop Motion動畫教煮嘢食   外國IG頻道超人氣
by / on 17/01/2016 at 2:23 pm

用Stop Motion動畫教煮嘢食 外國IG頻道超人氣

Stop Motion動畫之前都睇唔少,不過IG用戶rachelryle就諗倒用佢嚟做煮食教學動畫,全程用人手繪製,效果好正好特別,推介。而家佢已經有62萬粉絲,除咗教煮食,佢仲會教大家點樣佈置屋企,全部動畫都好高質,雖然唔係真食物,但睇完都好想試!

Read more ›
《星戰》角色除下面罩後     新奸角Kylo Ren變阿燥
by / on 06/01/2016 at 7:13 am

《星戰》角色除下面罩後 新奸角Kylo Ren變阿燥

真心推介外國插畫家Alex Solis嘅作品,數數手指,已經第6次介紹佢嘅作品。今次延續之前出過嘅「Icons Unmasked」系列,每張圖都係幻想主角除低面罩後嘅真身。今次加咗好多新角色,當中包括呢期hit爆嘅《星戰》角色, 例如星戰新奸角Kylo Ren除面罩後,入面係《玩轉腦朋友》嘅阿燥(Anger)、星戰Jar Jar Binks入面係高飛狗,仲有白兵、C3PO等等角色,明嘅自然會明。BTW,佢近期似乎好鍾意玩呢個「Icons Unmasked」系列,IG出新圖出得好密。之前都玩過超級英雄變老同漲爆悟空,入嚟有回帶。

Read more ›
【點洗呀大佬?】閃粉鬍鬚男殺到 聖誕狂野造型好難跟
by / on 24/11/2015 at 7:10 am

【點洗呀大佬?】閃粉鬍鬚男殺到 聖誕狂野造型好難跟

聖誕節就到,之前報導過Instagram好多女士玩閃粉髮型,喺分界位灑滿閃粉,仲可以乘機遮吓啲頭皮,幾正。咁男士方面都有選擇嘅,外國網見到好多男士聖誕閃粉造型,唔係玩頭髮而係玩鬍鬚!舖滿晒閃粉,想玩激啲仲可以連條脷都染金埋,搶眼就夠搶眼嘞,但要洗返乾淨都幾麻煩。不過大前題都係首先你要有咁多鬍鬚。

Read more ›
【自廢IG】18歲索女放棄58萬followers    重獲新生唔呃Like
by / on 05/11/2015 at 7:14 am

【自廢IG】18歲索女放棄58萬followers 重獲新生唔呃Like

呢件事最近外國好多人談論,呢位只得18歲嘅澳洲索女Essena O’Neill本來IG擁有超過58萬個followers,經常放性感靚相,不過早幾日佢一次過刪除咗自己IG超過2000張相,剩底嘅相佢就改晒caption寫出「真相」。例如一張泳衣相,原來係佢強迫細妹幫自己影咗過百個甫士先影到咁結實嘅腹部;另一張相入面著住條裙,就係收咗美金$400影嘅軟性廣告。之所以咁做,因為佢發現自己嘅青春時光絕大部份時間放哂喺社交網絡,每星期用超過50小時對住電話螢幕影相放相,尋求自我肯定,雖然好多人Like,但佢發覺呢啲嘢全部都係假象,只會令佢心靈更空虛,最新狀況係佢連IG戶口都刪除埋。佢開咗個網站「LetsBeGameChangers」,將自己嘅真實感受拍成影片同其他人分享,聲淚俱下,好感人,好多外國傳媒都力撐,睇完有無啲啟發? 

Read more ›

【暗黑喵】Cool爆喵星人成功上位 唔賣萌走型格路線
by / on 29/09/2015 at 7:13 am

【暗黑喵】Cool爆喵星人成功上位 唔賣萌走型格路線

9成嘅喵星人account都係賣萌,所以一見到呢個叫cat_effect嘅IG戶口就好想分享吓,主角唔賣「萌」,走型格路線,隻喵個樣cool cool哋,黑得嚟又有啲似三色喵,全部相都影得好靚好高質,除咗歸功於攝影師貓奴Magdalena Grześkowiak之外,隻目空一切好有型嘅模特喵都好大功勞。

Read more ›
IG最紅喵星人 臉圓眼圓蠢蠢哋
by / on 26/09/2015 at 1:50 pm

IG最紅喵星人 臉圓眼圓蠢蠢哋

呢隻喺Instagram最紅嘅喵星人Nala,有超過230萬個followers,好多貓奴都見過佢,未識嘅可以入嚟見識吓。佢嘅特點係面圓眼圓,仲好似有少少鬥雞眼,個樣囂張得嚟又蠢蠢哋,最近有好多新相,啱晒連續放3日假慢慢睇。今年5歲嘅佢喺5個月大嘅時候比而家嘅主人Varisiri Mathachittiphan收養,佢嘅主人經常鼓勵大家以領養代替購買,因為每年有75%喺領養所嘅貓狗都因為數量太多而被迫人道毁滅。希望各位香港貓奴都記住呢個訊息,比呢班被棄養嘅動物一個溫暖嘅家啦。

Read more ›
IG大熱寵物豬女 最叻嗲人主人當寶
by / on 18/09/2015 at 7:09 am

IG大熱寵物豬女 最叻嗲人主人當寶

唉,每次見倒呢啲圖都有啲唔係幾好意思,見到咁可愛嘅寵物豬,我又諗起噚晚食咗豚肉,仲係吉列嘅添。 呢隻叫Hamlet嘅豬女住喺美國LA,最近喺IG好紅,而家已經有26萬fans,佢無乜專長,淨係靠個樣搵食,女主人自細有癲癇症,而且越嚟越嚴重,老公對貓狗又1敏感,於是佢就諗到不如養豬仔,隻豬仔越養越大越得意,難怪喺網上火速走紅,好啦,我令日決定唔食豬嘞。

Read more ›
【風中勁狗】日本長髮狗狗好飄逸 IG爆紅造型百變
by / on 14/09/2015 at 7:13 am

【風中勁狗】日本長髮狗狗好飄逸 IG爆紅造型百變

擁有一把咁長咁飄逸嘅頭髮,係好多男男女女嘅夢想,但對於一隻狗嚟講,我估佢可能覺得有啲熱同唔方便。呢隻日本狗狗Kuma最近喺IG好紅,主人經常幫佢轉髮型:紥髻、紥孖辮、戴頭巾、夾髮夾、戴冷帽、鬢辮,就係唔幫佢剪頭髮,睇佢坐車時長髮隨風飄嗰張相,好不覊,不過有啲辛苦。

Read more ›