Tag: infographic

手機跌廁所急救大法 Infographic溫故知新

阿寶都有話:「人類總要重複同樣的錯誤。」當中我相信人生總要犯至少一次嘅錯,就係跌電話落廁所。外國網整咗個Infographic,教你點處理跌咗落廁所嘅手機,溫故知新,大家都好應該睇吓,或者索性好似我咁出返部防水手機。如果真係咁唔好彩出咗事,唯有寄望你部手機可以rest in pee,阿門。

Read more ›

世界盃決賽球場Infographic 英格蘭烏拉圭曾經風光

好耐未試過星期日咁早起身,6點喎,英格蘭對意大利喎,個個好似小學生去旅行咁一早拎晒啲零食出嚟較晒鬧鐘準時彈起。今日嘅賽果都算合理,只不過好多人會傷心啫。講返正題,外國網Grass Form整咗個世界盃球場Infographic出嚟,睇返咁多年世界盃決賽嘅球場地點、興建年份、可容納人數同埋勝出國,睇熟呢啲冷知識,下次睇波時話題都多啲。原來英格蘭1966年捧過盃、烏拉圭曾經係足球強國‥‥‥今年決賽嘅球場Estadio Do Maracana喺1950年興建,可容納96,000人,至於邊隊會勝出仲係未知之數,你捧邊隊先?

Read more ›

超級英雄身家大比併 黑豹最有錢Iron Man梗頸二

Marvel超級英雄邊個最有錢?我一直以為係Iron Man,但係經英國財務公司Buddy Loans計算過,最有錢嘅原來Black Panther黑豹。佢哋整咗個Infographic,詳列咗八大最有錢英雄同埋佢哋嘅身家估值,Black Panther黑豹呢位史上第一個黑人超級英雄贏咗冠軍,佢嘅身家估計達到美金5千億!主要原因係佢擁有Marvel宇宙最硬嘅金屬之一Vibranium汎合金,亦即係製作美國隊長個盾嘅主要材料,加上統治非洲國家瓦甘達,所以身家估計係Iron Man嘅5倍。僅次於Iron Man嘅係Batman,都有8百億身家,入嚟有埋其他幾位有錢仔嘅身家估值,等你同我羨慕吓。

Read more ›

歷代蜘蛛俠造型回顧 全黑蜘蛛夠特別

《蜘蛛俠2:決戰電魔》就嚟上,你會睇2D定3D版?決定之前,我比較想翻睇返第1集先,另一方面,外國網Halloween Costumes就同大家嚟個回顧,將歷代蜘蛛俠晒冷,原來1962年第一個造型,腋下喺有個蹼,好似對翼咁款,不過已經有蜘蛛面具戴。除咗紅藍色主色調之外,全黑色嘅蜘蛛俠你又見過未?入嚟有infographic慢慢睇。

Read more ›

DIY星戰激光劍 詳細教學跟住做

有無諗過自製Star Wars激光劍?英國專出電子產品嘅公司Farnell整咗幅Infographic出嚟,由所需物料到製作過程都有詳細教學,仲有Obi-Wan同尤達大師語錄指導你,極詳盡。睇落唔算易,不過整完一定超有滿足感,趁嚟緊又有假期,試吓啦!

Read more ›

英雄無用武之地 Catwoman放狗狼人擘樹

假設世界和平,英雄無嘢好做點算好?外國插畫師就幫呢班英雄諗定後路,整咗呢套infographic出嚟比大家欣賞吓。狼人可以擘吓樹、蜘蛛俠可以撈地盤、Catwoman就放吓狗,不過最容易失 業係超人,因為佢嘅工係係飛嚟飛去派吓信,你知啦,而家個個用Email、Facebook、WhatsApp通訊,寫信?好易被裁喎。

Read more ›