Post Tagged with: "IG"

【真心推介】入侵他人IG相片    加插畫大受歡迎出手機App
by / on 04/10/2015 at 3:35 pm

【真心推介】入侵他人IG相片 加插畫大受歡迎出手機App

真心推介呢位巴西插畫家Lucas Levitan嘅作品,佢最近好紅,仲喺App Store出埋插畫app,佢嘅強項係入侵IG上唔同人嘅相,喺入面加上自己創作嘅插畫,名為「Photo Invasion」。每張相都好得意有故事,睇完令人會心微笑。每次佢都會@返對方話比人知:「我入侵咗你張相嘞。」個手機App暫時只得iPhone用家有得下載,港幣$23,佢話會不時更新加多啲插畫。另外Kickstarter亦集緊資推出佢本相集《Photo Invasion – The Book》,睇完佢所有作品之後,我都有啲想買佢個app玩吓。

Read more ›

【暗黑喵】Cool爆喵星人成功上位 唔賣萌走型格路線
by / on 29/09/2015 at 7:13 am

【暗黑喵】Cool爆喵星人成功上位 唔賣萌走型格路線

9成嘅喵星人account都係賣萌,所以一見到呢個叫cat_effect嘅IG戶口就好想分享吓,主角唔賣「萌」,走型格路線,隻喵個樣cool cool哋,黑得嚟又有啲似三色喵,全部相都影得好靚好高質,除咗歸功於攝影師貓奴Magdalena Grześkowiak之外,隻目空一切好有型嘅模特喵都好大功勞。

Read more ›
IG最紅喵星人 臉圓眼圓蠢蠢哋
by / on 26/09/2015 at 1:50 pm

IG最紅喵星人 臉圓眼圓蠢蠢哋

呢隻喺Instagram最紅嘅喵星人Nala,有超過230萬個followers,好多貓奴都見過佢,未識嘅可以入嚟見識吓。佢嘅特點係面圓眼圓,仲好似有少少鬥雞眼,個樣囂張得嚟又蠢蠢哋,最近有好多新相,啱晒連續放3日假慢慢睇。今年5歲嘅佢喺5個月大嘅時候比而家嘅主人Varisiri Mathachittiphan收養,佢嘅主人經常鼓勵大家以領養代替購買,因為每年有75%喺領養所嘅貓狗都因為數量太多而被迫人道毁滅。希望各位香港貓奴都記住呢個訊息,比呢班被棄養嘅動物一個溫暖嘅家啦。

Read more ›
IG大熱寵物豬女 最叻嗲人主人當寶
by / on 18/09/2015 at 7:09 am

IG大熱寵物豬女 最叻嗲人主人當寶

唉,每次見倒呢啲圖都有啲唔係幾好意思,見到咁可愛嘅寵物豬,我又諗起噚晚食咗豚肉,仲係吉列嘅添。 呢隻叫Hamlet嘅豬女住喺美國LA,最近喺IG好紅,而家已經有26萬fans,佢無乜專長,淨係靠個樣搵食,女主人自細有癲癇症,而且越嚟越嚴重,老公對貓狗又1敏感,於是佢就諗到不如養豬仔,隻豬仔越養越大越得意,難怪喺網上火速走紅,好啦,我令日決定唔食豬嘞。

Read more ›
帶狗狗野外露營IG圖集    睇完好想出動
by / on 16/09/2015 at 7:09 am

帶狗狗野外露營IG圖集 睇完好想出動

就嚟秋天,又係野外露營嘅好日子,外國人好鍾意大自然,最近仲興起帶埋自己隻狗狗一齊去露營。外國人Ryan Carter為咗宣揚呢個理念,啟發更多狗主帶埋佢哋嘅狗狗去露營,於是專登整咗個網站開埋間公司「Camping With Dogs」,上IG搜尋#campingwithdogs就會見到好多狗狗露營相,好得意,佢哋早排仲搞咗第一屆「國際狗狗露營節」,似模似樣,唔知呢股熱潮幾時吹到嚟香港呢?

Read more ›
【風中勁狗】日本長髮狗狗好飄逸 IG爆紅造型百變
by / on 14/09/2015 at 7:13 am

【風中勁狗】日本長髮狗狗好飄逸 IG爆紅造型百變

擁有一把咁長咁飄逸嘅頭髮,係好多男男女女嘅夢想,但對於一隻狗嚟講,我估佢可能覺得有啲熱同唔方便。呢隻日本狗狗Kuma最近喺IG好紅,主人經常幫佢轉髮型:紥髻、紥孖辮、戴頭巾、夾髮夾、戴冷帽、鬢辮,就係唔幫佢剪頭髮,睇佢坐車時長髮隨風飄嗰張相,好不覊,不過有啲辛苦。

Read more ›

【終極屈機】我的醫生哪有這麼帥 外國醫生攬雪撬IG爆紅
by / on 02/09/2015 at 7:12 am

【終極屈機】我的醫生哪有這麼帥 外國醫生攬雪撬IG爆紅

通常喺網絡世界,靚女同動物係都係最易呃like嘅,不過凡事有例外,最近網上有個新組合,一位叫Dr.Mike嘅受訓男醫生開咗個IG戶口,主要放佢同隻雪橇狗嘅生活照,好快已經過咗28萬個followers,火速上位。網民都話點解可以有醫生咁靚仔,仲要有愛心有學識有樣有身裁仲有架靚車,最重要係有埋女朋友。唉,贏在起跑線,真係好屈機!

Read more ›
【潮流嘅嘢】外國潮興「斷眉」look 零成本唔難學
by / on 31/08/2015 at 7:13 am

【潮流嘅嘢】外國潮興「斷眉」look 零成本唔難學

潮流嘅嘢有時都幾難理解,例如大陸呢排興放朵花或條草喺頭頂,之前韓國都興過將啲瀏海鬈成心型,相比之下,呢個外國興完再興嘅斷眉look就比較易接受嘞。將眉尾剃走一截,鍾意剃一間定三間悉隨尊便,最緊要係IG見到一班model同潮人都爭住玩,男女都玩得喎,難怪好快已經有大量人跟。暫時仲未有大媽阿叔玩,應該無咁易崩壞。

Read more ›
【超靚】日本IG麵包達人 隔住芒都聞到香味
by / on 30/08/2015 at 1:34 pm

【超靚】日本IG麵包達人 隔住芒都聞到香味

星期日朝早起身食麵包是常識,我指食麥當勞嘅麵包,如果有今次介紹呢啲咁靚嘅麵包做早餐,真係爽死。呢位IG戶口名umi0407嘅麵包達人,好鐘意整動漫角色嘅麵包,首選係啡色嘅LINE公仔熊大、鬆弛熊,其餘仲有龍貓、Winnie The Pooh、多樂貓、Snoopy等等。唔似一般好重色素嘅蛋糕或麵包,佢嘅製成品睇落好天然好美味,隔住芒都聞到麵包香。加上影啲相又靚,難怪好快已經儲咗大班fans,幾時出書教吓天下間嘅豬妹呀?

Read more ›
【小偷喵】專偷鄰居拖鞋 喵主開IG失物物主專用
by / on 26/08/2015 at 7:11 am

【小偷喵】專偷鄰居拖鞋 喵主開IG失物物主專用

呢隻住喺Portland嘅喵星人Snorri Sturluson好曳,最鐘意偷鄰居嘅嘢,特別係鞋,偷完拎晒返自己屋企喺主人面前炫耀,搞到主人超無奈。睇相見主人推出嚟嘅一車鞋,入面起碼有50隻唔同款嘅鞋,好誇張!為咗令鄰居搵得返佢哋嘅失物,主人幫呢隻小偷喵開咗個IG戶口,將佢平時偷返嚟嘅賊贓放上網,鄰居可以看圖搵失物。雖然佢IG上面嘅相一臉無辜,但千祈唔好比佢呃倒呀!

Read more ›
殭屍喵網上爆紅 兩隻殭屍爆牙露出超得意
by / on 18/08/2015 at 7:09 am

殭屍喵網上爆紅 兩隻殭屍爆牙露出超得意

喵星人喺網上好易走紅,尤其是擁有一啲與別不同特徵嘅,紅得更快。好似呢隻叫Loki嘅喵星人,兩隻哨牙爆晒出嚟好似殭屍咁,配埋圓碌碌嘅臉同埋扮晒惡嘅眼神,唔恐怖之餘仲超得意,難怪近日喺網上火速爆紅。主人話當初收養佢時都唔知佢係殭屍喵,仲話佢初頭好多病痛,好彩睇佢近來啲相個樣好精靈,應該無晒事嘞,唔通因為吸飽人血所以咁精神?

Read more ›

【追星】IG最紅明星喵新相集  八字眉Sam VS 倒及牙Princess
by / on 12/08/2015 at 7:13 am

【追星】IG最紅明星喵新相集 八字眉Sam VS 倒及牙Princess

呢個簡直係明星喵特集,貓奴必睇!外國網友Meow Quarterly最近做咗件好艱鉅嘅事,就係走訪美國,去拜會一班喺IG好紅嘅明星喵,再邀請佢哋嘅主人一齊影輯相做個訪問。透過呢輯相,可以睇到未經修飾嘅明星喵,仲有好少出鏡嘅星媽星爸,仲可以偷師學吓點樣捧自己屋企隻喵星人做明星!當中好多喵我哋都介紹過,包括天生八字眉嘅白貓Sam,倒及牙嘅Princess Monster Truck,隻隻都勁得意,順手follow埋佢哋嘅IG,做個專業嘅喵星人追星族啦!

Read more ›
臭臉狗網上大熱 黑口黑面好可愛
by / on 01/08/2015 at 11:17 am

臭臉狗網上大熱 黑口黑面好可愛

外國有隻叫Grumpy Cats嘅貓紅遍網絡,個樣超不爽,好似好卑視人類咁。最近終有隻Grumpy Dog彈起,呢隻狗狗簡直係Grumpy Cats嘅失散大佬,個樣一樣超不爽,佢叫呀Earl,今年5歲,係巴格犬(Puggle),住喺美國,自從主人Derek Bloomfield將佢嘅相放上網後就被瘋傳,雖然佢有啲黑面,但睇真啲又超可愛喎,而家佢有Facebook同IG戶口,已經為做明星作好準備。快啲去follow啦。

Read more ›
【一日一個IG】狗狗Jimmy Choo大量靚相 紅到出書
by / on 02/07/2015 at 7:10 am

【一日一個IG】狗狗Jimmy Choo大量靚相 紅到出書

好鍾意呢位插畫師Rafael Mantesso嘅Instagram,主要post嘅相都係佢隻狗狗Jimmy Choo,不過唔係普通嘅生活照,而係後期加工畫晒公仔嘅特效相,每張都好有心機,例如幫狗狗變大隻佬、裸女、照X光、變乳牛、剃鬚,每張都好得意。可能你都留意到狗狗個名同名牌女裝鞋個名一樣,原來呢個名係佢嘅時裝精前妻改嘅,佢都係因為離婚後空虛先決定幫狗狗影咁多靚相,仲受歡迎到出埋書。睇IG見佢最近識咗新女友,對方仲好錫Jimmy,一家三口超幸福。

Read more ›
【一日一個IG推介】時裝友生活品味 蕉皮蠔殼變fashion
by / on 29/06/2015 at 7:05 am

【一日一個IG推介】時裝友生活品味 蕉皮蠔殼變fashion

型喎!蕉皮都可以變fashion,生蠔殼變tube dress,仲有青椒變燈籠褲,呢位IG叫groehrs嘅藝術家,真名叫Gretchen Röehrs,強在利用日常生活嘅蔬果、時物變成時裝,而且睇落真係型。早兩日慶祝美國同性婚姻合法,佢仲用唔同嘅蔬果做咗幅靚圖,好正,love wins!

Read more ›