iPhone曲奇模 大芒版補完計畫

出咗新iPhone喇! 買到嘛? 炒得起嘛? 其實中長線我唔多睇好, 因為今次Apple好似相當照顧中國市場, 淨係睇佢美國呢頭開完記招, 北京跟手即刻又開就知, 以前邊有咁呢!? 咁多錢買部4″細芒手機……嗰5、6千蚊我覺得食咗佢冇咁嬲! 如果你都咁諗就啱喇, 澳洲嗰邊出咗款I-Cookie, 價錢唔貴, 3.95澳元($29), 全不銹鋼製造, 真係價錢平過5c, 質料媲美5s, 尺寸係12 x 6cm, 相信個芒係云云iPhone中最大嘅, 4″嘅怨咒, 終於俾佢打破, 不過曲奇麵團你就要自己預備喇! 至於顏色, 有啡色、金色同黑色, 可以用焗爐時間調校。

Read more ›