fbpx

Tag: HULK

有片:自己Hulk自己搓 超強泥偶有氣勢

有片:自己Hulk自己搓 超強泥偶有氣勢

推薦YouTube頻道「Dr. Garuda」呢條自製Hulk雕像影片,由零到有,一切由起鉛筆稿開始,無錯,作者唔係跟住現成相片抄抄抄,連雕像肢體動作都自己諗埋。之後,一舊呢又一舊泥,搓搓捏捏,披披搭搭,最後上埋色,盔甲勁有金屬感,成品靚到嘩嘩聲,氣勢出晒嚟,超強!

Read more ›

有片:超像真Chewbacca泥塑 用直髮器梳靚毛髮

有片:超像真Chewbacca泥塑 用直髮器梳靚毛髮

又一Steven Richter傑作,呢位仁兄之前已經由零到有用泥模製作過Hulk同Thanos,今次嘅《Star Wars》Chewbacca一樣超像真,個哨出嚟嘅大嘴巴同鼻比例尤其正,毛髮顏色簡直同電影裡面睇到嘅一模一樣。Steven Richter好細心,用直髮器幫Chewbacca梳毛,難怪成品如此有血有肉,夜晚見到應該會嚇一嚇。

Read more ›
【有片】超強Fan film延續大戰 Hulkbuster對Hulk邊個贏?

【有片】超強Fan film延續大戰 Hulkbuster對Hulk邊個贏?

呢位Anthony McGrath實在係好勁,佢製作呢套Fan Film「IRON MAN GAMMA PROTOCOL」,令一眾覺得睇復仇者聯盟Hulkbuster同Hulk打得唔夠喉嘅fans可以過足癮。Tony Stark繼續著上佢套Hulkbuster,決戰打極唔死嘅Hulk……

Read more ›
網圖分享:英雄投影,誰是你心目中的Hero?

網圖分享:英雄投影,誰是你心目中的Hero?

以下屬美國插畫家Jason Ratiff作品,將小朋友心目中嘅Superhero全部投射喺影子裡面,畫風一半一半,小朋友走精雕細琢路線,有晒表情動作,英雄則用馬賽克筆法帶出特徵,無晒眼耳口鼻,幾Cutie,值得Save起佢做桌布。

Read more ›
有片 《變形俠醫》寶馬主題車 淋熱水即變形

有片 《變形俠醫》寶馬主題車 淋熱水即變形

  復仇者聯盟之中,其實我最鐘意係變形俠醫HULK,最近有個德國graffiti藝術家Rene Turrek就將部寶馬X6噴晒變形俠醫做主題,不過佢好含蓄,個圖案平時睇唔到,要用熱水淋架車,圖案先會變形,食正變形俠醫特性。唔止車頭蓋,佢連車身都噴埋,睇片見佢照頭淋部車出晒煙,都幾型。其實呢種玩法之前都有外國人玩過,主要係靠一種特別嘅熱感油漆,遇熱先會現色。但係問題就嚟嘞,無啦啦點會有熱水淋架車?除非有曳貓跳上去屙尿啫,但係都要好大篤‥‥‥

Read more ›
【有片】煎Pan上的復仇者聯盟

【有片】煎Pan上的復仇者聯盟

】 煎Pan上的超級英雄出現了,講緊嘅係「Drdancake」製作嘅復仇者Pancake,但見佢係咁意唧兩唧,又剷兩剷,兜兩兜,又壓兩壓,話咁快Hulk、Captain America、Black Widow、Hawkeye、Thor、Iron Man、Nick Fury同Ultron已經躍然煎Pan上,無煎焦係基本功,眼耳口鼻齊夠厲害,仲勁到有埋顏色層次呢下先不得不服。咁靚,叫人點捨得寫落肚呀大佬?

Read more ›

網圖分享:Hulk拍走Black Widow 超級英雄的壁咚

網圖分享:Hulk拍走Black Widow 超級英雄的壁咚

潮流興壁咚,我唔係女,無可能知道俾人壁咚是何滋味,亦無幻想過會壁咚任何雌性動物。咁講真,壁咚成個肢體動作又係幾型嘅,彼此距離鼻息可聞,四目交投盡在不言中,衍生出嚟嗰份壓迫感既令人心跳加速,又不失浪漫。浪漫嘅嘢,超級英雄都有份,網友Adam Pun作畫三幅,分別係Captain America、Iron Man同Hulk各自壁咚Black Widow,頭二者,Black Widow都受,但Hulk咯喎,一隻巨掌嚇到伊人走夾唔唞,都幾搞笑。

Read more ›
馬來西亞畫師作品 暗黑復仇者聯盟

馬來西亞畫師作品 暗黑復仇者聯盟

  喺馬來西亞插畫師Daniel Kamarudin筆下,復仇者聯盟各角色盡數妖魔化,多咗份暗黑味,感覺奸狡咗、陰險咗、邪惡咗……Loki似勾魂奪魄嘅地獄使者、Captain America似異形上身、Hulk似喺青山走出嚟嘅傻佬、Hawkeye似死神、Black Widow似食人族妖女、Thor似大發雷霆嘅癲佬、Iron Man似殺人唔眨眼嘅暴君,獨獨Nick Fury似番個人,唔知大家又Like唔Like?

Read more ›
網圖分享:廢鐵育成Hulk、Iron Man、Robocop

網圖分享:廢鐵育成Hulk、Iron Man、Robocop

「收買爛銅爛鐵!收買爛銅爛鐵!」呢番話,係我代泰國藝術BanHunLek講嘅。佢犀利呀,人哋收買爛銅爛鐵拎去賣,佢就用廢鐵、螺絲、鋼板、鐵通、車門等等人哋唔要嘅廢棄金屬製作Hulk、Iron Man、Robocop、Batman、Alien、變形金剛、骷髏頭、動物等等,擺出嚟件件都高過人,仲要件件都做到栩栩如生,呢啲咪天才囉。

Read more ›
超級英雄玩復古 Iron Man含羞Hulk柔情

超級英雄玩復古 Iron Man含羞Hulk柔情

從來無諗過Marvel班超級英雄可以咁古典優雅,Iron Man含羞答答,變形俠醫鐵漢柔情。呢輯由法國攝影師Sacha Goldberger設計嘅Super Flemish系列,Batman、蜘蛛俠、美國隊長全部變晒文藝復興時期嘅造型,連星戰嘅白兵同黑武士都玩埋一份。唔止個頸圈,全身造型都好考究。BTW,攝影師之前搵過自己嘅嫲嫲扮女超人,輯相超正,入嚟有回帶。

Read more ›
Reebok超級英雄噴霧  Hulk/美國隊長做代言

Reebok超級英雄噴霧 Hulk/美國隊長做代言

夏天除咗帶嚟美腿,仲帶嚟汗水。運動品牌Reebok推出咗呢隻男士專用嘅身體噴霧,代言人唔係乜嘢靚仔或者運動員,而係男人最愛嘅Marvel英雄。有變形俠醫、Iron Man同埋美國隊長,佢哋平時運動量咁大,件盔甲咁焗都可以保持通疏,咪就係靠呢支噴霧囉,英雄都係男人,都會流汗。以上都係我估嘅潛台詞,有興趣體驗吓可以上網訂,一支$3美金左右。

Read more ›

【有片】外國大隻佬 扮Hulk嚇爆細路

【有片】外國大隻佬 扮Hulk嚇爆細路

呢位冰島Hafþór “Thor” Björnsson,即係Game of Thrones入面嘅Gregor Clegane,佢早排就玩人體彩繪扮Hulk變形俠醫,佢大隻成咁,仲舉得起成千磅嘅嘢,扮Hulk都OK啦!咁佢呢個造型就係為咗參加一個3歲小朋友嘅生日派對俾驚喜佢,點知……阿仔佢嚇爆咗……

Read more ›
復仇者 x 汽車品牌    Hulk變Honda勁夾

復仇者 x 汽車品牌 Hulk變Honda勁夾

有得諗喎!Hulk變形俠醫原來同汽車品牌Honda嘅logo又幾夾!外國網Etsy有賣家Geekerie設計咗一系列復仇者車系,玩盡Iron Man、雷神、Loki、黑寡婦、美國隊長等等,食返每個車牌嘅logo,睇落幾有心思。呢套設計仲有得賣,各個汽車品牌唔知有無興趣贊助返套《復仇者車王聯盟》呢?

Read more ›
終於來了   復仇者成人玩具   變形俠醫太露骨

終於來了 復仇者成人玩具 變形俠醫太露骨

要嚟嘅始終都要嚟,講嘅唔係尤特 (佢係要走始終要走),而係一套六款嘅復仇者性玩具,由外國設計師Balazs Sarmai諗出嚟嘅一式六款成人玩具,唔係官方授權,仲係概念階段,有齊美國隊長、Iron Man、雷神、鷹眼、黑寡婦,咦,得5款,仲有一款係咩?無錯,就係大家好期待嘅Hulk變形俠醫,佢的確好震憾,有12吋,由於太露骨,為免小朋友睇完發惡夢,編輯部商議後決定抽起,夠18歲嘅自己入去Balazs Sarmai網站發掘真相吧。

Read more ›
重口味Cosplay     女版復仇者聯盟睇到飽

重口味Cosplay 女版復仇者聯盟睇到飽

我知呢呢個女版變形俠醫好重口味,但係本住最緊要同大家分享嘅精神,我唔覺意睇倒,相信你都唔會介意陪我睇‥‥‥啩。出自外國人Hector Lopez手筆,佢最鐘意玩Body Painting同埋改圖,復仇者聯盟之中,變形俠醫最高難度最有挑戰性,點可以唔玩?網站HELOZ充斥大量重口味作品,飽呀喂呢次,得喇,BAM吖嘛。     網站:http://www.heloz.com/    

Read more ›