fbpx

Post Tagged with: "HALLOWEEN"

日本西瓜咭Suica黑企鵝 化身Halloween甜品任食
by / on 22/09/2019 at 2:14 pm

日本西瓜咭Suica黑企鵝 化身Halloween甜品任食

又係呢隻Suica咭上嘅黑企鵝,去開日本搭JR嘅朋友對佢應該好熟悉。最新池袋嘅 Hotel Metropolitan有佢嘅主題Halloween秋季甜品自助餐,有約20種時令提子、粟子同無花果製成嘅甜品,其中有幾款仲有Suica嘅可愛樣,只限10月20日、26日同27日,大人每位4050円,可以食盡幾款Suica企鵝嘅食品,有興趣嘅可以預約定。

Read more ›

【新片速報】日本超可愛變裝雀仔 奔跑而出Twitter熱傳
by / on 01/11/2018 at 7:53 am

【新片速報】日本超可愛變裝雀仔 奔跑而出Twitter熱傳

萬聖節當然要變裝慶祝吓,日本有網民屋企養咗狗仔同雀仔,幾隻變晒裝之後,主人一召喚就奔跑出嚟,隻雀仔Tomami仲跳跳吓特別可愛!入嚟有片睇,仲可以回帶睇呢隻雀仔同兩隻狗仔嘅日常生活,原來佢哋好好朋友架!

Read more ›
有片:Halloween恐怖妝 成塊面連埋鼻爛出嚟
by / on 26/10/2018 at 8:45 pm

有片:Halloween恐怖妝 成塊面連埋鼻爛出嚟

下周就係萬聖節,學定點化爛面妝,好合理。YouTube頻道「Metamorphosia fx」有大把溶溶爛爛核核突突嘅恐怖妝容畀你參考,係真真正正爛到成塊面連埋鼻幾乎跌出嚟嘅爛面,血淋淋好迫真,夜晚見到應該會嚇一嚇。查實呢類妝已經直達特技效果級數,可以直接用嚟拍《Walking Dead》。

Read more ›
網圖分享:港漫人&港漫迷的萬聖節賀圖
by / on 31/10/2017 at 10:00 am

網圖分享:港漫人&港漫迷的萬聖節賀圖

今日係萬聖節,大家今晚有乜節目呀?諗好以乜嘢造型出席化妝舞會未呀?落老蘭開Party之前,不如睇吓靚畫先喇。唔講咁多,Happy Halloween。

Read more ›
網圖分享:真‧恐怖!驚嚇Vintage哈囉喂造型!
by / on 15/10/2016 at 9:45 am

網圖分享:真‧恐怖!驚嚇Vintage哈囉喂造型!

要應節吖嘛,哈囉喂扮鬼扮馬係應份嘅,但如果真係扮到成隻鬼咁樣,又會唔會嚇親細路呢?以下圖輯話畀大家知,原來以前嘅萬聖節造型係可以恐怖到一個點嘅,骷髏頭啦、人形骨架喇、大過頭嘅眼睛喇、三不像喇、好似笠住個乳豬頭咁喇,有啲仲好重邪教死士Feel添,唔知大家覺唔覺得Over咗呢?我覺得唔只Over咗,直頭係過份,如果真係有人著到咁敲門,我唔排除先尖叫繼而一腳伸佢出去。

Read more ›
【有片】日本HALLOWEEN服裝 CYBERJAPAN DANCERS火辣試著
by / on 03/10/2016 at 9:54 pm

【有片】日本HALLOWEEN服裝 CYBERJAPAN DANCERS火辣試著

其實呢啲clearstone同CYBERJAPAN DANCERS合作推出嘅「CYBERJAPAN PREMIUM COSTUME」服裝,有LED燈閃閃吓已經係最特別之處,賣7,990円至8,990円不等。但唔緊要,因為CYBERJAPAN DANCERS佢哋試著,仲拍埋片扭身扭勢,令到人好想快啲到10月29日!我知,10月31日先係HALLOWEEN,但星期一嚟喎。

Read more ›

有片:教化《Silent Hill》護士妝 包嚇喊細路
by / on 31/10/2015 at 7:00 pm

有片:教化《Silent Hill》護士妝 包嚇喊細路

今日萬聖節,諗好化乜鬼妝參加舞會未?未諗到的話,可以參考吓呢條短片《Silent Hill nurse Halloween makeip tutorial》,有靚女逐個Step教你化《Silent Hill》爛面護士妝,睇落係幾複雜,要預備好多工具,同埋預咗要花好多時間,但出來嘅效果真係超似,加多張染血尖刀,包你成為舞會焦點,嚇唔喊小朋友至奇。

Read more ›
有片:布偶喪屍 恐怖不足搞笑有餘
by / on 29/10/2015 at 10:45 pm

有片:布偶喪屍 恐怖不足搞笑有餘

呢個Prank,都OK適合喺香港玩嘅,唔算太驚嚇吖嘛,睇落仲幾搞笑添,香港人應該會接受,畀人整蠱唔會反面。玩法好簡單,道具亦少,右手套住個喪屍布偶咁大把啫,之後自編自導自演俾喪屍咬,碌地沙加慘叫,咁途人畀乜反應呢?有人真係嚇到成個人彈起,尖叫不絕;有人嚇到走夾唔抖,極速逃生;有人一早拆穿把戲,睬都唔睬費事理;最搞笑係個婆婆,完全零反應,望都唔望眼,好無癮啫。

Read more ›
【多圖】日本慶祝Halloween 大量變裝現街頭
by / on 29/10/2015 at 8:31 pm

【多圖】日本慶祝Halloween 大量變裝現街頭

雖然嚟緊星期六先係Halloween,不過日本作為Cosplay之國,之前嘅周末喺全國各地都有巡遊活動。之前睇過「橋本環奈」佢哋啦?今次睇埋巡遊其他變裝人,當中仲有鬍鬚女出場。喪屍喪女仲有星戰人物,有啲公司直情俾啲員工Cosplay返工!喂呢位尤達會唔會過份咗?

Read more ›
萬聖節扮鬼扮馬  免費坐澀谷鬼的士
by / on 29/10/2015 at 8:15 pm

萬聖節扮鬼扮馬 免費坐澀谷鬼的士

今晚開始,三款Halloween主題的士將會行駛日本澀谷街頭巷尾,免費接載萬聖節打扮人士,不論男女老幼,只要扮鬼扮馬,就可以唔使畀錢坐的士,想去邊就去邊,服務時間為10月29日同31日6:00pm-11:00pm。呢個Event名為「Ride on Halloween」,為宣傳旗下NV200的士,日產會提供橙色Jack-o-Lantern、紫綠色Frankenstein同淺啡色bandaged Mummy三部的士免費載客,跟車仲有「Monster Driver」,坐程車都鬼聲鬼氣,氣氛一流,兼Sell車櫳超寬敞,唔會坐到人迫迫,方便大家去化妝舞會一袋二袋跟身咁話喎。查實NV200的士幾年前已經喺紐約同倫敦行駛,遲啲會正式亮相日本,為2020年東京奧運會作準備……咁靚嘅的士,好想Selfie。

Read more ›
日本哈囉喂版合味道 限定推出
by / on 09/10/2015 at 9:30 am

日本哈囉喂版合味道 限定推出

中秋已過,嚟緊節日數到Halloween,日本合味道推出四款哈囉喂版叮叮食物應節,包裝全部以黑色做主調。一,南瓜濃湯味杯麵,超甜,餡料有南瓜、車打芝士、紅蘿蔔同生菜(180日圓);二,有東北黑咖喱烏冬,豬肉味咖喱湯底,餡料有碎肉粒、薯仔、紅蘿蔔同蔥絲,保證有咬口(180日圓);三,墨魚汁日式炒麵,餡料有鯷魚,搭多幾條紅辣椒(180日圓);四,唔鍾意麵食,仲有南瓜濃湯味叮叮飯,餡料與南瓜濃湯味杯麵相同(220日圓)。話時話,唔知759阿信屋有無得賣呢?

Read more ›

新片速報:海洋公園「H15」鬼屋 夏蕙BB咬雞髀入雪櫃
by / on 28/08/2015 at 2:30 pm

新片速報:海洋公園「H15」鬼屋 夏蕙BB咬雞髀入雪櫃

望吓日曆,九月都未到喎,月餅都未食,乜咁快又講到Halloween拿?繼上年限制級鬼屋「H14」大受歡迎,今年海洋公園整多個2.0版本「H15」,話搵忤工帶你單對單遊鬼屋,中途幾驚都唔准走,全程10分鐘,體驗一場頭七之旅咁話喎。海洋公園仲破天荒推出「屍」家極樂之旅,6人組團$8888玩足4粒鐘,想驗「H15」有幾驚嚇,要預先係9月4日同9月10日Click入去攞籌。唔怕大吉利是,最緊要玩得同睇得開心,暫時睇住夏蕙BB嘅宣傳廣告片先,都幾Funny架,尤其佢咬住雞髀推入藏屍大雪櫃嗰幕,我笑到Gap Gap聲。

Read more ›
百事廣告扮可口可樂   哈囉喂玩幽默
by / on 03/11/2013 at 4:33 pm

百事廣告扮可口可樂 哈囉喂玩幽默

外國廣告特別玩得,其中又以百事可樂最鐘意挑釁對手,最近哈囉喂,外國人最鐘意扮鬼扮馬,百事都唔執輸,出咗過新廣告,將罐百事披咗件紅色披肩,扮成對家可口可樂,最抵死都係句廣告標語:「We wish you a scary Halloween!」暗串對手係scary嘅恐佈嘢。不過有花生友就話睇落可口可樂好似英雄人物咁,見仁見智啦。另外仲有一張係喪屍係地底冒出嚟手上揸住支百事,一樣夠搶。

Read more ›
哈囉喂終極cosplay   貨車變身巨型麵包
by / on 01/11/2013 at 10:52 am

哈囉喂終極cosplay 貨車變身巨型麵包

噚晚有無出去慶祝哈囉喂?人呀狗仔呀cosplay我都見過,不過以下呢個玩法真係第一次見,相當驚喜,因為今次改頭換面嘅係一架車!而佢扮嘅係一條麵包!設計者Jason Elm將佢架寶貝Volkswagen小型貨車變成北美麵包牌子「Wonder Bread」嘅包裝,唔好以為好求其呀,其實要重新印製咁大嘅膠袋同埋圈住頂位嗰個扣,都係一項好大型嘅工程,出嚟效果好爆笑,如果係香港嘅話,當然要係經典嘅「生命麵包」啦!

Read more ›
萬聖節超市賣假手    玩大咗狂接投訴
by / on 31/10/2013 at 10:26 am

萬聖節超市賣假手 玩大咗狂接投訴

今日係萬聖節,有無諗住點慶祝?如果去超級市場見倒有得賣呢隻假手,你會唔會買?挪威一間超級市場今次玩大咗,整咗幾隻假手擺喺生肉架,上面仲好幽默地寫明營養標籤、成份,出產地就係Chop Shop。結果?雖然外國人出名玩得,但係都接倒大量投訴,好多客人話嚇親同行嘅細路。計我話,如果阿仔話好鐘意,叫阿媽買隻返去食我仲驚。

Read more ›