Tag: GYM

日本Family Mart開健身室  食完炸雞做吓gym

日本Family Mart開健身室 食完炸雞做吓gym

Family Mart便利店同健身有咩關係?咁日本便利店咁好嘢食,食完炸雞、雪糕,都要做吓運動減吓肥啩。日本嘅Family Mart最近就公佈會開設健身店Fit & GO,不過店員唔駛一人睇兩個場,會另外有職員同私人健身教練。另外預期下年2月會喺東京嘅大田區開第一間店,咁到時啲人做GYM前又要買吓毛巾番梘,做完又可以食返件炸雞獎勵自己,Family Mart發達嘞!

Read more ›

【型到咁】法國塞納河船上做gym 靠運動力運行船隻

有無諗過呢幾日假做吓運動?老實講我無,但係都覺得法國巴黎呢架健身船幾特別。由意大公司Carlo Ratti Associati研發,可以載45人,重點係利用船上做gym嘅動力運行架船,咁問題嚟嘞,如果唔夠人做gym,架船咪開唔郁?原來佢哋都有後備電力應付呢種情況。可以沿住塞納河一邊望住巴黎鐵塔一邊做運動,諗起都浪漫。而家計劃仲係構思階段,預計18個月後正式推出。

Read more ›

【練出神之手】日本手指健身器材扭蛋 低頭族鍛鍊手指肌肉

成日用手指篤手機捽芒,有時啲手指都會痺痺哋。日本TAKARATOMY就推出呢款專門訓練手指嘅扭蛋「T-ARTS ユビ・アップ -Training-」。好似健身器材咁,有啞鈴、拉筋機合共5款,不過就變晒迷你版,專門用嚟鍛鍊手指肌肉,雖然實用性成疑 (官方都戴定頭盔話效果因人而異),不過睇落又真係幾好玩,買嚟送比低頭族朋友最啱。

Read more ›

新片速報:臥底教練 林書豪打賭輸十下掌上壓

林書豪扮成大肚腩鬍鬚佬,吳建豪扮成光頭四眼阿叔,齊齊走入Gym room搞搞震。論搞笑,林書豪略勝一籌,喺Counter派毛巾騷擾顧客,寸顧客著Lin波衫呢下自嘲都幾搞鬼,最過癮係同個女仔打賭舉重,輸咗要做十下掌上壓。吳建豪瞓地跳健康舞似小朋友典地扭計、擒上身顧客身教人舉重非常離晒大譜。Making of都好好睇架,林書豪拎走腰間假肚腩,吳建豪剝走面上化妝同頭笠,睇到都戥佢哋熱呀。

Read more ›

有片 跑步機變跳舞機 肥先生挑戰千萬views

夏天又係時候減肥嘞,呢個肥先生可能嫌齋跑跑步機悶,於是自創喺跑步機跳moonwalk,有個成日去健身嘅人經常見倒肥先生排舞,終於忍唔住拍片放上youtube分享。不過其實肥先生唔係原創者,美國有隊四人搖滾樂隊OK GO幾年前以經玩跑步機跳舞拍成MV,Youtube仲有1700萬Views,騎呢得嚟又幾勁。好啦,今日收工做gym時你都露兩手啦。

Read more ›