fbpx

Tag: Gundam Cafe

今年10周年 「GUNDAM Café 秋葉原店」3月休業

今年10周年 「GUNDAM Café 秋葉原店」3月休業

原來已經10周年,記唔記得第一次去秋葉原同第一次去Gundam Cafe有幾興奮?嚟緊3月23日開始,呢間我哋成日經過或者入去坐嘅秋葉原店就休業喇。不過佢唔係執,而係要擴展業務,將會喺7月開店嘅新店會係o依家規模嘅4倍呀!等我幫大家複習吓先,即日至6月箱根有EVA活動,6月就EVA結局上映,7月開Gundam Cafe,東京又有奧運,春季仲有大阪環球影城就有Super Mario World……我仲數漏啲咩?不如搬去日本住啦咁?

Read more ›

去大阪都有Gundam Cafe 道頓堀店今個月開

去大阪都有Gundam Cafe 道頓堀店今個月開

睇Gundam去朝聖,梗係台場啦?如果去大阪呢?雖然冇1:1獨角獸,但嚟緊都可以去「GUNDAM Cafe 大阪道頓堀店」食同買。3月20日開幕,會有大阪限定菜單同產品。

Read more ›
膠達紅渣中咗「啷啷榮」 打扁個頭變Donut

膠達紅渣中咗「啷啷榮」 打扁個頭變Donut

  天寒地凍, 又係高糖食品出動嘅時候! 今日開工唔多順手, 一返工就俾人開波, 要食好啲補返條數! 出氣袋嚟喇! 係日本Gundam Cafe嘅膠達、紅渣Donut, 仲要係朱古力風味嘅! 賣相都有幾分似, 唔似嘅地方喺邊!? 因為兩隻嘢嘅樣好似中咗流星鎚一樣, 打到扁咗! 至於食用色素呢家嘢當然亦走唔甩! 你睇膠達個頭頂紅, 好似用水彩畫上去一樣! 畀我就買紅渣喇! 起碼多隻角、多嚿朱古力着數啲, 大家都係320円。

Read more ›
Gundam Cafe宿命之對決 玩Z Gundam易過食生菜

Gundam Cafe宿命之對決 玩Z Gundam易過食生菜

日本Gundam Cafe「宿命之對決」飲食系列, 由舊年11月尾嘅00系列、到12月中嘅W Gundam系列, 今次終於到第三彈, 係好多老Gundam迷至愛嘅Z Gundam, 主角係加美尤對斯洛哥, 真心! 今次啲食品真係要用好有創意嚟形容, Z蝦味米線你估係點整, 係用生菜碎砌個Z字樣出嚟! 木星米線就加兩個炸洋蔥圈落去……不過衛星7號就有啲諗頭, 煙肉加飯先做成圈狀, 再加印度烤餅做外邊太陽板; 嚟緊一月中仲有SEED嘅對決, 人物未知。  

Read more ›
1:1渣古頭GUNDAM Café 第4店幕張今日開幕

1:1渣古頭GUNDAM Café 第4店幕張今日開幕

    繼秋葉原・台場・東京駅 GUNDAM Café之後, 第4 間「GUNDAM Café イオンモール幕張新都心店」今日將會開幕, 呢間就得喇, 因為佢完全俾自護公國國有化, 聽講嗰度啲員工, 係用大瀨口盅洗面食飯嘅! 不過呢啲嘢當然唔關我事啦! 更重要係佢喺門口放咗隻1:1第身大嘅渣古頭, 係! 仲要係戰損版, 隻眼冇哩神氣, 我懷疑可能俾台場高達割落嚟嘅, 即係舊時嘅獵人, 打完獅子老虎豹做標本嗰亭呢!

Read more ›
Gundam Café消暑新產品 冰凍HARO銅鑼燒 紅渣綠渣刨冰

Gundam Café消暑新產品 冰凍HARO銅鑼燒 紅渣綠渣刨冰

日本今年熱到飛起,o依家閒閒地都30幾度!喺秋葉原、台場同東京站都有嘅Gundam Café就推出夏季嘅小食同飲品,凍嘅HARO銅鑼燒,有綠茶味同奶油味兩款,220円,應該幾爽!仲有就係一系列嘅自護刨冰,有紅渣有綠渣,留意唔同店會有唔同款供應,夏天去日本拜高達,都係相機食先o架喇。

Read more ›

基拉阿斯蘭轉職 賣笑做Cafe

基拉阿斯蘭轉職 賣笑做Cafe

又係高達0野! 模型AGE0個邊可能真係虧大本, 搞到皇牌機師基拉大和同阿斯蘭都要面對轉職呢0的苦惱, 佢0地0依家去0左一間叫Gundam Cafe 0既咖啡店, 你睇0下佢0地兩個個樣, 真係少0左幾分爆Seed時0既兇狠, 但就多0左兩份做鴨店0既笑容……

Read more ›