睇到我嘩嘩聲者，Princesskimiko1超強高達系列畫作是也，佢自稱Self-Taught digital artist，自學咁厲害；又自稱係一個Gundam Illustrator，即係好好好好好愛高達喇。Click入嚟望望，除咗大把高質插圖睇，仲有片示範如何有零到有創作，係好強嘅。

又有新機體，咁當然亦都同時間公佈埋會推出模型。呢隻係《鉄血のオルフェンズG》嘅新機體「ガンダム・マルコシアス」，至於下年3月發售嘅，會係HG 1/144模型。

Gundam同Hello Kitty經常有crossover產品，最近仲聯乘埋潮流品牌LOVELESS，推出「ガンダムvsハローキティプロジェクト」企劃。最正係分男女裝系列，男裝係Gundam，女裝係Hello Kitty，做相同動作，可以當情侶裝著。系列分別有T恤、tote bag、衞衣、帽等產品，Twitter仲進行緊一個投票「邊個快啲飲晒杯嘢?」嘅活動，fans可以留意返。

校園生活應該係瘋狂玩無憂無慮，但香港學生就正為香港為公義而隨時受傷或被濫捕……日本高中生呢，就好多都會為文化祭而出力，有學生就同朋友用咗兩年時間製作呢隻《機動戦士ガンダムUC》Unicorn獨角獸高達，喺網上引嚟熱烈討論。而佢哋仲話呢隻高達喺文化祭之後會拆件收好，下次文化祭再拎出嚟。

我哋砌模型，最著重就係將模型件由框架剪落嚟嗰吓，之後又要打磨水口位……但作為一個高手，可能已經超脫咗呢個境界，直情連埋框架一齊剪落嚟砌……

要製作巨型機動戰士模型都難，仲要可以著上身喎。呢位日本高手嘅新作就係《機動戦士ガンダムUC》中登場嘅新安州「シナンジュ」！

日本JRA賽馬又同Gundam合作，今次係《機動戦士ガンダムSEED》，第160回天皇賞（秋）連動，啱啱有CM公開。

如果你有近視，如果你屋企唔只一副眼鏡，又或者你屋企有幾副太陽眼鏡……最重要係你係Gundam迷的話，呢個高達頭一定要有！由眼鏡品牌OWNDAYS（オンデーズ）同《ガンダム》合作，呢個「GUNDAM HEAD CASE（ガンダムヘッドケース）」比例係1/7，雙眼可以著燈，而且可以內藏6副眼鏡，價錢39,980円。

有得諗呀！如果你年紀有番咁上下，仲可能有印象自己玩過一隻1992年超任作品《バトルサッカー フィールドの覇者》添！入面有高達有幪面超人等角色玩踢波……今次就係YouTuber Hiiro製作嘅，都好笑嘅，例如自護號會甩咗個頭飛出嚟救波啦？

當Gundam變成女生會係乜模樣？好似好九唔搭八？係架，但韓國插畫家Jihoon Park就係有本事將兩者融為一體。有相你睇，呢個Crossover可愛得嚟又不失高達元素，如果攞正License出Figure，我諗好多Fans會考慮入手。

之前都出過第1彈嘅Georgia x Gundam咖啡，嚟緊8月同11月都會有新款推出，不過其實個人覺得最吸引都係四罐New Type新產品，兩人一組可以擺埋一齊，劇場版「めぐりあい宇宙編」名場面再現，超靚！

  Gundam Build新作《ガンダムビルドダイバーズRe:RISE》有新片睇，同時都宣佈，10月會喺YouTube頻道配信，故事背景會係前作嘅兩年後。

裝備渣少少，但一樣可以好勇猛，最緊要有心。呢位小學生就自製咗Gundam嘅紙皮Cosplay服，最正係嗰把粉紅色劍仔，而且更難得嘅係元祖高達？好似係RX-78-2……大個之後大把前途呀，加油！

今年《機動戦士ガンダム》放送開始40年，之前都見過呢個高達自動販賣機同特別版咖啡，今次就登陸愛知縣蒲郡市「ラグナシア」，直至8月18日。有傳媒拍咗片，買飲品仲有「阿寶」同你講。

40周年當然多動作，今日就有40周年嘅計劃PV公開，一次睇番晒歷代Gundam畫面。另外，Gundam Build都有新作《ガンダムビルドダイバーズRe:RISE》始動！