Post Tagged with: "GTA"

新片速報 成功完成《GTA Online》搶劫任務 0死亡超高難度
by / on 17/03/2015 at 7:25 pm

新片速報 成功完成《GTA Online》搶劫任務 0死亡超高難度

早排《GTA Online》有搶劫任務(Online Heists)嘅更新,大家又出嚟玩啦?裏頭有一個「Mastermind Challenge」超高難度挑戰,就係要玩家順序完成所有搶劫任務,唔可以死之外,仲要同一班隊友、Hard Mode。終於喺上個周末有團隊完成咗,佢哋話用咗9個鐘先搞得掂,而收穫就係……發達咯,喺遊戲入面。

Read more ›

真人版《GTA》 租林寶堅尼炒車棄逃
by / on 11/03/2015 at 4:53 pm

真人版《GTA》 租林寶堅尼炒車棄逃

喺《GTA V》個世界入面,睇中邊部車,截停佢,拉佢落車再上車,你就擁有一輛名車喇,炒咗嘅話,放喺路邊搶過第二架囉!但現實世界嚟喎!美國Dallas North Tollway上周六就發現一架Lamborghini Gallardo撞欄棄車,之後經調查發現係一間租車公司Exotic Skittles所有,租車公司回應話咁耐以嚟撞車嘅人係有,但都未試有人撞完之後棄車逃走,入嚟有新聞片段睇。

Read more ›
私家車誤闖地鐵路軌      網民:「打得太多GTA!」
by / on 03/03/2015 at 7:17 am

私家車誤闖地鐵路軌 網民:「打得太多GTA!」

一睇張相的確嚇一跳,一架房車居然駛咗落地鐵路軌!呢件事早兩日喺德國Dortmund發生,私家車司機因為飲醉酒駛咗落地鐵路軌,仲行走咗800米,好彩無釀成意外,但就令當地列車延誤咗5小時!呢張相放上Reddit之後勁多人討論,識睇嘅一定係睇留言,好多人居然話:「根本就係德國版GTA!」、「司機一定係打得GTA太多!」、「地鐵路軌係我打GTA時避警察嘅最佳位置!」,同時亦都引嚟好多道德偉評擊,話德國應該禁咗GTA V呢隻遊戲,又話而家審批遊戲嘅制度唔夠嚴謹。唔,其實唔好醉駕咪得囉。

Read more ›
《GTA V》3月10日食大茶飯Online搶劫 PC版延期至4/14
by / on 25/02/2015 at 10:53 am

《GTA V》3月10日食大茶飯Online搶劫 PC版延期至4/14

仲成日煲住《Gran Theft Auto V》嘅洛聖都市民大家好,好消息係嚟緊3月10日,仲有個幾星期,遊戲嘅網上搶劫任務(Online Heists)將會推出!不過對於等緊電腦版嘅玩家嚟講就有個壞消息喇,因為PC版推出又由3月24日延期至4月14日,喂咪改喇,射爆你個頭吖嗱。

Read more ›
新片速報 美國真人版《GTA V》 逆線炒車再搶車全程睇
by / on 11/02/2015 at 10:23 pm

新片速報 美國真人版《GTA V》 逆線炒車再搶車全程睇

真係打機咩?我相信現實中應該冇咁易喺警察追捕中走甩,就好似呢位美國人咁,佢一開始就逆線行車,再嚟就炒車,之後搶人部車再開車,最後……警察直昇機全程都拍住佢,追到天黑都繼續追……

Read more ›
新片速報 開心時刻《GTA V》警車飛落貨車 無辜女司機被被輾
by / on 27/01/2015 at 2:33 pm

新片速報 開心時刻《GTA V》警車飛落貨車 無辜女司機被被輾

《GTA V》真係玩唔厭,得閒開嚟殺吓人放吓火打吓劫,個人心情都平靜啲。呢兩條新片就係玩家拍低嘅開心時刻,真係有咁啱得咁啱,第一條,係被警車追緊嘅玩家一飛一跳,後面架警車又跟住飛,之後落入咗玩家貨車個貨斗入面,唔知係咪會長期響警號?第二條個女司機就無辜喇,佢被拉落車之後,被一架高速駛至嘅車輾過……嗱,我搶車咋,冇殺人呀。

Read more ›

新片速報 長者玩 《Grand Theft Auto V》搶車殺人好興奮?
by / on 22/01/2015 at 8:05 pm

新片速報 長者玩 《Grand Theft Auto V》搶車殺人好興奮?

玩之前,唓,都係嗰啲嘢啦!玩完之後又點?其實可能係我哋誤會咗,其實你屋企個阿爸阿媽,甚至係公公爺爺,只要玩過你部PS4之後,可能返唔到轉頭!呢個頻道請咗幾位長者嚟玩《GTA V》,佢哋之前冇玩過,亦都只係教咗佢哋基本操作,一開始連車都唔識上,個個喺度踢度門,慢慢,佢哋似乎領略到第二人生嘅樂趣!

Read more ›
Wasted得轟烈!《GTA Online》30人齊掉雪球集體欺凌
by / on 25/12/2014 at 5:06 pm

Wasted得轟烈!《GTA Online》30人齊掉雪球集體欺凌

噚日講咗,話《Grand Theft Auto Online》有聖誕期間限定免費DLC玩,就係街景變雪景,仲有得掉雪球殺人。而外國就有人玩集體用雪球殺人,呢位「majestic_steed」被30個人圍住齊齊掉雪球,死得好轟烈,好有型!

Read more ›
新片速報 《GTA Online》聖誕限定 雪地掉雪球殺人
by / on 24/12/2014 at 11:06 pm

新片速報 《GTA Online》聖誕限定 雪地掉雪球殺人

嘩正!都話平安夜係應該留喺屋企打機o架啦!《Grand Theft Auto Online》就有聖誕期間限定嘅免費DLC玩喇!遊戲入面街景變咗做雪景之餘,你仲可以整球雪,仲可以掉人,仲可以掉得死人!

Read more ›
新片速報《Grand Theft Auto Online》下年推出免費搶劫任務
by / on 17/12/2014 at 1:38 pm

新片速報《Grand Theft Auto Online》下年推出免費搶劫任務

玩《GTA》點可以唔做吓犯法嘢呀!官方啱啱發佈咗新片,就係跟《Grand Theft Auto V》嘅Online模式,喺2015年初就會推出新嘅搶劫任務「Heists」,玩家要喺洛聖都同布雷恩郡各處計劃搶劫,分工合作夾定晒先可以開佢波嘛……新武器新服裝新任務,據講約有20小時嘅遊戲時間,同埋最緊要係免費下載!

Read more ›
新片速報 強國終被強國陰!CCTV誤報《GTA》首集於1968年推出
by / on 15/12/2014 at 9:59 pm

新片速報 強國終被強國陰!CCTV誤報《GTA》首集於1968年推出

假嘢囉,冇查清楚就信囉,是是但但囉,於是CCTV呢條報道就講咗《Grand Theft Auto》係一隻1968年推出嘅電腦遊戲……話說本來CCTV係講緊《GTA》呢隻遊戲被澳洲零售商下架嘅報道,但可能因為佢哋查百度,而百度又寫住話呢隻遊戲係1968年推出,於是……其實諗一諗都諗到,1968年喎?不過大陸機迷啲留言都好正,有人話都唔明點解要禁:「有幾多個偷車嘅係玩完《GTA》去偷?咁多遊戲主題係『降魔』,又唔見有人出嚟『降魔』?」仲有人話重點係《GTA》點解可以譯做《俠盜飛車》,係咪《俠盜獵車手》?最後講多少少,《GTA》呢隻遊戲係1997年出喺PS1嘅。

Read more ›

Kali深夜直播 今晚再玩《GTA V》
by / on 12/12/2014 at 11:59 pm

Kali深夜直播 今晚再玩《GTA V》

星期五凍冰冰,喺屋企開住個暖風機打吓機真係好爽皮。不過唔打機都有計,可以同Kali傾吓計,佢話今晚玩番隻《GTA V》,玩吓故事又玩吓Online,聽晚先爆《Far Cry 4》喎。不過又想講吓佢張相,佢話係上年喺遊戲入面嘅自拍照喎……真係key得好奇妙,都叫咗佢唔好連續打機打咁多個鐘啦!

Read more ›
新片速報 《Grand Theft Auto V》自然頻道 帶你遊海底
by / on 25/11/2014 at 9:39 pm

新片速報 《Grand Theft Auto V》自然頻道 帶你遊海底

畫面靚咗,有主觀鏡,殺人放火嘅第二人生更加美好……外國有玩家整咗個「GTA 5 Wildlife Documentary」系列,首先就係帶大家遊海底世界,咁我屋企唔駛裝Discovery Channel啦!

Read more ›
Kali直播 今晚玩《GTA V》有排笑
by / on 23/11/2014 at 12:11 am

Kali直播 今晚玩《GTA V》有排笑

噚晚直播完,今晚又開波,Kali今晚玩PS4版《GTA V》,唔知佢玩Online定玩第一身,不過聽日唔駛返工返學,唔想開機想hea喺度睇人打吓機吹吓水,睇夜啲都冇問題啦。最後想講講張相,終於睇到Kali嘅同居密友真面目。

Read more ›
第一身《Grand Theft Auto V》 最真實炒車gif
by / on 16/11/2014 at 11:22 am

第一身《Grand Theft Auto V》 最真實炒車gif

呢排真係好忙,啱啱開隻刺客,之後PS4/Xbox One《GTA V》唔係聽日就後日有得玩喇,仲有隻《Far Cry 4》,唔駛返工咩?講番隻《GTA V》,等唔切1月PC版,因為睇落都幾多新嘢玩,又有中文。當中第一身視點當FPS都幾爽,不過,最爽唔係射擊,係揸車,炒車一刻超像真,拋出車廂天旋地轉嘅感覺冇乜其他賽車遊戲俾到你!都叫你揸車咪玩電話啦,又唔扣安全帶。Wasted!

Read more ›