【感動聖誕裝】愛心女辭工織冷衫 為無人領養狗狗送暖

天氣開始轉涼,我哋買新褸新衫比自己同屋企隻寵物之餘,有無諗過無人收養嘅小動物都要過渡寒冬?英國呢位52歲嘅女士Jan Brown好有愛心,佢辭咗份工,親手織冷衫比Greyhound Rescue Northeast shelter嘅一班Greyhounds靈犬狗狗著,揀呢種狗因為佢哋嘅毛天生好薄,冬天份外容易見凍。雖然佢織嘅款式唔算好靚,狗狗著起個樣仲有啲搞笑,不過嗰種愛心真係令人肅然起敬。而最令人佩服嘅仲有佢嘅堅持,由2008年到而家一直做呢個善舉,至今已經織咗超過300件狗狗冷衫/帽,為大量未有人收養嘅狗狗喺冬天送暖。今年聖誕節,佢仲整聖誕特別版嘅小紅帽,好感動!

Read more ›