Post Tagged with: "graffiti"

「殘破巴士」原來畫出嚟    大師級Graffiti藝術家IG爆紅
by / on 14/08/2019 at 7:54 am

「殘破巴士」原來畫出嚟 大師級Graffiti藝術家IG爆紅

超勁!最近呢位葡萄牙嘅Graffiti藝術家Sergio Odeith喺網上爆紅,佢嘅破爛巴士作品喺IG放咗1日已經有超過14萬like。佢將一個白色平平無奇嘅建築物,變成一架好有立體感嘅殘舊巴士,像真度令人難以置信。睇返佢之前嘅作品,佢擅長將廢置嘅建築改裝,其中巨型昆蟲係佢好鍾意用到嘅題材,好勁。每件完成品都好有立體感,入嚟有得回帶睇返佢嘅舊作,推介。

Read more ›

有片:巴西藝術家攞正牌Graffiti 畫全球最長壁畫
by / on 12/08/2016 at 11:45 pm

有片:巴西藝術家攞正牌Graffiti 畫全球最長壁畫

Graffiti公認係藝術,但香港政府唔Buy,一味嚴打。巴西就唔同,為宣傳2016里奧熱內盧奧運,巴西藝術家Eduardo Kobra攞正牌噴咗幅全球最長壁畫,而畫布,就係處身大道上面嘅超長超巨建築物外牆,規模之大,直頭要動用到吊臂吊高佢慢慢噴漆。構圖方面,Eduardo Kobra總共畫咗五個原住民肖像,壁畫有名堂曰《Etnias》,「Etnias」解「民族」,主題係「世界和平」。呢條片Time Lapse片交代晒創作歷程,入佢面書,大把靚相可以定格慢慢欣賞。

Read more ›
網圖分享:Odieth的3D懸浮Graffiti
by / on 16/12/2014 at 7:45 pm

網圖分享:Odieth的3D懸浮Graffiti

喺下下講錢視藝術為無物嘅香港?呢一世都唔使旨意有Odeith呢類街頭塗鴉藝術家出。呢位葡萄牙藝術家擅長非一般Graffiti,雖然依舊幅牆噴到九彩咁多隻色,但鍾意挑戰難度,專登揀兩幅成夾角嘅牆壁為畫布,所以出嚟嘅作品尤其立體。喺唔同視度下欣賞,構圖不但會突出,更畀到人懸空浮起嘅感覺,甚至會錯覺以為係閃閃發光嘅金屬製雕塑品。講多無謂,自己睇相Please──

Read more ›
綠色革命   神級Graffiti樹木變爆炸頭
by / on 07/07/2014 at 7:06 am

綠色革命 神級Graffiti樹木變爆炸頭

專家話經常對住個電腦芒,間中望吓綠色嘢,對雙眼會好啲。唔知網上見倒嘅綠色植物相又算唔算呢?香港成日話綠化,如果做到似外國街頭Graffiti咁有創意,將原來街上嘅樹木,配合原有環境加幾筆,變成一幅幅得意圖案例如爆炸頭,應該會喚起更多人對綠色環保嘅關注。入嚟有5個世界各地善用樹木畫成嘅Graffiti,可惜香港政府只會剷走Graffiti,想喺香港見倒應該發夢先得。

Read more ›
真人變2D畫   立體人融入街頭塗鴉
by / on 27/11/2013 at 7:05 am

真人變2D畫 立體人融入街頭塗鴉

早兩日介紹過有化妝師將模特兒嘅立體3D樣變成2D漫畫,今次呢個仲厲害,將一個活生生嘅人變成2D畫不特止,仲融入埋街頭塗鴉內,將佢變成其中一部份,睇相見倒Alexa Meade呢輯作品真係幾可亂真,唔係望對腳真係會誤會模特兒係塗鴉嘅一部份。唔知點解,我又諗起尖沙咀天星碼頭全身金漆嘅18銅人。

Read more ›
新片速報    超巨型Graffiti    短片3日200萬點擊
by / on 25/11/2013 at 7:13 am

新片速報 超巨型Graffiti 短片3日200萬點擊

Graffiti見得多,不過咁大型畫晒成個廢置工廠,仲要用Hyperlapse拍攝短片,真係好型好精彩,大開眼界!難怪影片放上YouTube三日已經有接近200萬點擊。講講背景,由導演Selina Miles操刀,今次再同塗鴉師Sofles合作,不過就加埋Treas、Quench同埋Fintan Magee一齊畫,睇到最尾仲見到佢哋一次過將畫過嘅嘢冚晒佢再重新畫過,好厲害,推介。入嚟回帶有得睇返今年6月拍嘅另一條Grafitti實況短片Infinite ,風格類似,都係用Hyperlapse拍攝,一樣正。

Read more ›

羅賓注定一世做老二
by / on 08/05/2013 at 12:00 pm

羅賓注定一世做老二

主角永遠係主角,配角幾出色都好,始終都係用嚟襯托主角,最佳例子莫如羅賓,不論喺電影同漫畫世界,甚至喺同志界都始終注定做老二,出櫃都要做被動嗰個。

Read more ›
呢個鐵閘,係唔係型仔都爆先?
by / on 24/04/2013 at 11:00 am

本地獵奇 跌打舖潮爆塗鴉 骨頭吊吊揈

有麝自然香?No啦,賣乜都好,呢個世界乜都講包裝,只要個殼夠搶眼就掂,有無內涵係等閒事,呢間「梁能評骨傷科醫療中心」勁呀,裝修完全脫離一般跌打舖模樣,好潮好Cyber,難怪唔少人經過都停低望兩眼。

Read more ›
英雄人物畫上牆   黑武士飛樓梯 VS 尤達煲煙
by / on 25/03/2013 at 9:08 am

英雄人物畫上牆 黑武士飛樓梯 VS 尤達煲煙

一直都覺得,藝術唔應該係高高在上,所以我好鍾意街頭塗鴉(Graffiti),好似呢個比利時藝術家Blouh,最鍾意將英雄人物畫喺隔籬鄰舍嘅大廈外牆,而且唔係亂畫,而係配合返環境、意境,好似Batman擺晒舖企喺窗口位;黑武士飛撲出劍畫正喺樓梯扶手位‥‥‥最正都係禁止吸煙下面,見倒尤達大師擔住口煙,夠晒幽默。

Read more ›
車長放狗窮追不捨,跑快兩步執Coins呀。
by / on 31/05/2012 at 2:00 pm

手機新Game:追我三條路軌?照Graffiti!

追九條街都要追?呢次唔只呀,追足你三條路軌都要繼續追呀,講緊嘅係免費遊戲「Subway Surfers」,

Read more ›