Post Tagged with: "GoPro"

【相集】自拍喵星人新相特集    繼續selfie肥咗可愛咗
by / on 06/05/2018 at 3:51 pm

【相集】自拍喵星人新相特集 繼續selfie肥咗可愛咗

好耐無見呢隻自拍貓嘞,無見一排嘅佢繼續經常用GoPro玩自拍,而且近來好似肥咗,雙下巴都幾明顯。呢隻叫Manny嘅喵星人同4隻狗狗3隻貓一齊住喺美國,由於經常用GoPro影Selfie而喺網上好紅,入嚟有得follow埋佢嘅IG。

Read more ›

有片:五歲Mini Lee耍雙截棍 有紋有路有爆炸聲
by / on 12/07/2016 at 9:00 pm

有片:五歲Mini Lee耍雙截棍 有紋有路有爆炸聲

唔係第一次睇五歲小朋友Ryusei Imai耍雙截棍,但今次條片明顯拍得霸氣得多,先來一段李小龍武術哲學:「Empty your mind……be sharpless, formless……like water」,淨空心智,無形無相,像水一樣;再來影住佢大頭,醒個堅毅不屈嘅眼神大家睇睇,表情好熱血;再再之後係GoPro鏡頭下如何棍影翻飛,加埋雙截棍爆炸聲效同怒吼聲,成條片拍得真係幾有氣勢。舞完棍,綽號「Mini Lee」嘅佢坐定定接受訪問,回復一臉稚氣,個樣怕怕醜醜咁好可愛,前後兩個表情,有好大分別。

Read more ›
【新片速報】識嘆喵星人唔落水 坐上狗背睇風景
by / on 14/03/2016 at 7:14 am

【新片速報】識嘆喵星人唔落水 坐上狗背睇風景

喵星人真係好識嘆,雖然唔鍾意游水,但係可以騎上狗狗背部當滑水!呢條片由GoPro拍攝,由踩板踩到好紅嘅喵星人Didga做主角,今次騎上同屋住嘅狗狗Ice背部度游乾水。Ice就好似佢嘅跟班一樣喺泳池入面搏命游呀游,而佢就一臉得戚,好寫意。BTW,呢隻喵星人Didga喺YouTube好紅,有自己嘅頻道「CATMANTOO」,入面放咗佢主人訓練佢嘅短片,除咗識踩滑板仲識好多雜技,入面仲有啲簡單訓練貓嘅教學,貓奴可以入去學返幾招。

Read more ›
【有片】比堅尼Sailor Moon滑雪自拍 俄羅斯靚女coser唔怕凍
by / on 17/02/2016 at 7:11 am

【有片】比堅尼Sailor Moon滑雪自拍 俄羅斯靚女coser唔怕凍

冰天雪地,俄羅斯靚女,著比堅尼cosplay成性感Sailor Moon,仲揸埋自拍棍用GoPro拍片,好難搵到唔睇唔分享嘅理由啦。呢個俄羅斯嘅coser 「Yuliya」唔怕凍之餘仲好大方,除咗cos Sailor Moon,之前仲cos過比卡超上雪山,不過係密實版本。另外佢嘅IG仲有大量不同嘅cosplay造型,睇完就知佢真係唔怕凍,入嚟有得慢慢睇。

Read more ›
有片:GoPro裡的極限單車 超強技術跳屋頂
by / on 15/12/2015 at 10:00 pm

有片:GoPro裡的極限單車 超強技術跳屋頂

藍天白雲,五顏六色嘅小屋排得密密麻麻,路窄彎多,人都唔見多個,呢度係渡假勝地西班牙夢幻小島大加那利島(Gran Canaria)。喺小島上面,有人頭笠GoPro玩極限單車,喺主觀鏡頭裡面,見單車前轆上後轆落、左擺尾右抽頭、時靜止時加速,跳樓級過花槽屬等閒事,最厲害係跳高檯飛越小屋,屋頂過屋頂如覆平地,有膽識有技術,最後仲要跳崖直插入水添,勁呀。

Read more ›
【又嚟街頭騙案】有片  女車手馬路勇救喵星人 返屋企碌地反晒肚
by / on 23/10/2015 at 7:13 am

【又嚟街頭騙案】有片 女車手馬路勇救喵星人 返屋企碌地反晒肚

雖然話係街頭騙案,但其實都好驚險!美國女鐵騎士Laney早兩日喺馬路行行吓,突然發覺路中心竟然有隻喵星人!當時車來車往,喵星人行錯半步都會被輾斃,最終佢火速救起喵星人,仲決定收養埋佢,幫佢改埋名叫Skidmark。點知返到屋企好快Skidmark已經玩到反晒肚碌晒地,似乎唔記得晒頭先發生嘅驚險事件,擺明又一宗街頭騙案。BTW有件小插曲,Laney勇救喵星人嘅過程佢用GoPro拍咗片,放上YouTube好快已經過百萬點擊,而GoPro官方亦好快手,火速喺條片下面留言讚女事主係真英雄,仲話準備咗份禮物送比佢,抽得快而準。

Read more ›

有片:GoPro飛出地球兩年 重回地面影片完整無缺
by / on 16/09/2015 at 9:00 am

有片:GoPro飛出地球兩年 重回地面影片完整無缺

自從GoPro出現之後,影相可以越來越多花臣。話說喺2013年,有班朋友仔想拍攝一輯屬於自己的地球視像影片,於是喺美國亞利桑那州大峽谷附近,將GoPro同手機綁住氣象汽球,一併升空,原本打嘅如意算盤係──GoPro重回地球後,可以透過手機GPS搵番,點知好衰唔衰手機失去訊號,搵唔番。世界就係如此奇妙,誰不知兩年後嘅今日,有行山人事無意中執番部GoPro,交番畀班朋友仔。經檢查後,由升空至跌番茖地面,1小時38分鐘影片完整無缺。呢條片經過剪輯,有埋圖解同文字詳述飛咗幾耐、飛得幾遠、飛咗去邊,睇到我嘩嘩聲。

Read more ›
【有片】松鼠玩GoPro 擔上樹反拍人
by / on 18/11/2014 at 10:03 pm

【有片】松鼠玩GoPro 擔上樹反拍人

真係好可愛!呢隻松鼠見到有個GoPro喺地下,咁點呢?聞吓望吓,之後一嘢擔咗上樹,上咗樹之後,你見到物主本身表現得相當無奈,不過玩咗一陣,松鼠就跌番個GoPro落嚟喇,有借有還。

Read more ›
新片速報 狗狗用GoPro支架 動物視點出發
by / on 27/08/2014 at 4:58 pm

新片速報 狗狗用GoPro支架 動物視點出發

如果你有玩GoPro,你又有養狗狗,呢個產品就絕對吸引。只要戴喺狗狗身上,咁背部同心口都可以各裝一部GoPro,咁就可以拍低狗狗出去玩嘅第一身角度!我諗如果係大狗,佢就應該唔太辛苦,玩吓唔嬲嘅。$610,網上有得賣。

Read more ›
【有片】唔敢玩睇人玩 GoPro主觀鏡玩命跳樓
by / on 05/08/2014 at 3:20 pm

【有片】唔敢玩睇人玩 GoPro主觀鏡玩命跳樓

好鍾意睇Parkour,尤其係用GoPro拍,嗰種臨場感,令我更加唔敢諗去試。今次呢條就簡單啲,只係一個動作,跳樓!Ethan Swanson喺芝加哥玩跳樓,剷落屋頂再喺樓梯落地,絕對可以感受到嗰種刺激感,仲好似有少少痛。

Read more ›
新片速報   GoPro官方短片   17隻雪橇齊開餐
by / on 05/07/2014 at 1:20 pm

新片速報 GoPro官方短片 17隻雪橇齊開餐

GoPro細細部容易用,上山下海都無問題,最近佢哋官方就拍咗條片,主角係住喺德國巴登 符登堡邦嘅狗狗訓練員,影佢點樣帶17隻雪撬一齊出巡,要一次過處理17隻雪撬,淨係維持隊形都好頭痕,班狗狗一齊拉車,去到目的地仲17隻一齊開餐,場面何其壯觀!睇完有無想買返部GoPro?定係想養返幾隻狗仔多啲?我?我想食嘢多啲。

Read more ›

【有片】有冇咁準 哥爾夫球擊落遙控直昇機DJI
by / on 05/05/2014 at 5:08 pm

【有片】有冇咁準 哥爾夫球擊落遙控直昇機DJI

遙控機DJI Phantom好好玩,加埋GoPro拍嘢仲正!呢條片就係拍職業哥爾夫球手Keegan Bradley打波,不過佢目標唔係入窿,而係要擊中呢部機,最後……睇埋主觀鏡頭,唔知有冇得整呢?

Read more ›
GoPro戴頭盔 變High Five Camera
by / on 31/03/2014 at 9:16 am

GoPro戴頭盔 變High Five Camera

  鬼頭同中國人嘅文化真係有啲唔同! 最近有位叫ElectricSlim嘅屎忽鬼, 諗到一樣叫High Five Camera嘅東西, 首先係要將一部GoPro, 裝咗喺個頭盔嘅掛臂上, 而且仲會連接上你手上一個感應器, 咁你以後一想同人High Five、舉起手時, 佢就會自動Roll機, 並拍下你High Five時嘅片段……不過話時話, 你對上一次同人High Five係幾時呢!? 你估去到西菜, 戴個咁有型嘅頭盔, 有冇人願意同你High Five呢吓!?

Read more ›