Tag: Google

軍佬頭賣廣告 Google/Visa比錢你個頭?

先嚟每日一字,Mohawk,即係你見到呢張相嘅髮型,左右剷平,留返中間一截長長哋gel起,想知多啲可以上維基search一下。講返正題,繼「絕對領域」賣廣告後,最新人肉板廣告位置移師上頭頂,圖中呢位仁兄,日日有新形像,Google、Angry Birds、Visa廣告輪流擺上頭頂,最爆都係居然試個擺籃球架同埋電視屏,仲威到自己整個網站晒冷個人作品吸客。不過我估計佢暫時都未搵倒客,原因?我會歸究於佢畫功麻麻,同埋髮質偏旱。

Read more ›

Google新增GIF動畫搜尋 高登貢獻良多

一向好鍾意Gif,尤其高登改圖嗰啲。Google最近加入搜尋Gif圖功能,只要係搜尋圖片時,揀「搜尋工具」,再揀「動畫圖片」就得,無河蟹,大量粗口圖照出,其中高登圖仲佔大量數目,我試過搵燦神、馬神、梁振英、馬德鐘、萬能key等等,大量gif圖滾滾而來,樂趣無限,睇完記住下載珍藏以備不時之需。可惜facebook唔支援gif圖顯示,如果唔係日日舖圖,諗起都開心。

Read more ›

Google吹水鞋 跑步打籃球自動share

Google繼眼鏡之後,今次轉玩波鞋;你話,Nike都出過啦,識check步速嗰款嘛。呢對Google吹水鞋(Talking Shoes)又有啲唔同喎,因為佢識自動自覺幫你寫潮文post上網,仲係以波鞋第一身角度share。舉例,你著住對鞋坐喺度唔郁,佢會話:「好悶!」;你跑步時,佢又會話:「啲風吹過我條鞋帶好爽。」之類。當然,佢出post前會問吓你,唔敢自把自為。款式方面,概念片入面係Adidas經典三間款,換上Google色系。由設計師Zach Lieberman及YesYesNo合作設計,對鞋仲內置計步器、壓力感應器、喇叭、藍芽等。Google已經舖咗新片上YouTube,想感受對波鞋有幾吹得,可以上去睇睇。

Read more ›

賀年小遊戲 Google主頁玩「貪食蛇」

每逢過時過節有咩大件事,Google主頁都會整啲主題圖案或者小遊戲俾大家玩吓過手癮。今日年廿九,聽日就係蛇年喇,最新就係呢個請大家玩「貪食蛇」!不過唔知係咪因為意頭關係,你點玩都唔會死,最多食咗炮杖會暈一陣,不過佢都有蠱惑招,就係突然加速減速,又或者上下左右掉轉晒咁,最後仲同你計分等你share,睇嚟呢幾日都有得玩。

Read more ›

Google有Game玩 溜冰場打工

搜尋器Google個標題成日都有嘢玩,我記得奧運嗰排我真係日日無聊日日玩。今日「Google」個標題又改咗喇,襯番個天氣變冰天雪地,遊戲開始就有人出嚟溜冰溜到個地花晒,你之後就要坐住部機用Mouse或者上下左右箭咀去操控部機整番靚個冰場!玩吓玩吓會越嚟越多人出嚟溜冰,仲有汽油俾你加油添,一按即玩,勝在夠方便,Hea玩無妨。

Read more ›
Google聖誕老人追踪器  點解唔嚟香港呀?

Google聖誕老人追踪器 點解唔嚟香港呀?

聖誕老人而家啱啱離開美國雷諾,嚟緊2分鐘後將會到達Austin,直至而家,已經送出咗20.3億份禮物?我點知?因為我裝咗Google嘅Santa Tracker,對佢老人家嘅行程瞭如指掌!Google將大家幻想入面嘅聖誕老人真實化,比你追踪聖誕老人行踪,驚出街睇唔倒?可以裝埋佢個apps隨時隨地mon實老人家行程,不過佢唔會嚟香港,我睇佢嘅行程表已經知道,噢!咁我份聖誕禮物呢?下年不如嚟亞洲玩啦,有索柏呀!

Read more ›

Nexus 4/16GB開$4,680 十二月中香港開賣

  由LG聯同Google宣佈推出嘅Nexus 4,終於有香港推出日期!12月中旬16GB版行貨價賣$4,398,相對水貨開嘅盤口$4,680,兩者真係幾相近,冇嘅!呢個世界你話冇鬼又點死人呢?今次記者會只公佈16GB版本售價,冇嘅!8GB版冇插卡,相信都唔會太受歡迎,予期將啲貨責喺香港,不如賣俾有需要嘅鬼頭好過啦!

Read more ›

Nexus 4下周記招  香港好快有行機!?

  由 LG同Google共同設計嘅Nexus 4,水貨已經見街!原本8GB/299美金(約$2,317)、16GB/349美金(約$2,704),不過由於美歐等先行國都賣到斷市,搞到香港水貨價高上$3,680同$4,680;你忍唔到手已經入咗市!?

Read more ›

Google新出AR遊戲Ingress 炸散僭建樓?

Google新出嘅AR遊戲Ingress,宣傳片真係好型好值得一睇,可惜遊戲暫時仲係Beta測試階段,想玩要先入去官方網站登記email攞啟動碼。呢隻Ingress善用Google最強嘅地圖及定位追踪,透過擴增實景技術,玩家可以同實景互動進行遊戲,例如一路喺條街行,一路分析沿途景點嘅Level及Energy值,仲可以同其他玩家互動對戰。我呢,就最想同長毛聯手,炸散班高官嘅僭建樓!遊戲分為「Resistance」同埋「Enlighted」兩個模式,你可以選擇反抗或利用能力去進行遊戲。不過以後大家行街要小心啲,因為好容易比啲玩緊game嘅盲頭烏蠅撞散。

Read more ›

Google曬命手機game《X-Type》 無須下載Chrome即玩

又係Google,唔好意思,但不得不承認,趁Apple發佈會前,佢哋真係好多動作。啱啱喺網上試玩Google十款新出嘅手機遊戲,用google chrome手機瀏覽器玩,勁在唔駛下載安裝,全部靠雲端儲存!今次試玩嘅係《X-Type》,普通射飛機game,用S3操作好流暢,玩法畫質質唔重要,因為好明顯係google嘅曬命作品。除咗《X-Type》外,Google仲有10隻手機game,有興趣可以click入下面官網睇。

Read more ›

Google Play新功能 「為你推薦」朋友Apps

­ 你有無以下病徵?人哋讚好嘅嘢就好想買,想買嘅嘢要post上facebook問朋友意見先決定比錢?係嘞,我都中晒,you are not alone! Google嘅Play Store最近就多咗個新功能幫你醫病。首先,一入Play Store就見倒「為您推薦」列出推介下載apps,唔似「編輯精選」咁生疏,推薦親嘅都會列明原因,譬如你Google+入面有朋友裝咗啦,又或者同你一樣裝咗呢個apps嘅人都裝埋呢個apps啦,總之就有千百樣理由說服你裝裝裝,好彩,推介比我嘅暫時都係免費程式,亦證明Google睇清我孤寒嘅性格。

Read more ›

Nexus 7隱藏技 收埋一塊「蛇果皮」

  Google Nexus 7又有新發現!先達有平機執?你諗吓好啦!YouTube有網友發現,Google Nexus 7竟然有類似iPad嘅磁力開機系統!妖!Google應該出機時出埋塊蛇果皮嘛……,咪先!蘋果呢排咁唔好老皮,郁吓都話打官司,Google玩收「皮」,都唔係冇原因喎!等我寫封信過美國告狀先,打佢啦!告佢啦!你強項嘛!

Read more ›

Google Nexus 7先達到貨 開$5,000屈機價

  Google Nexus 7!可以話令好多人期待嘅平板!期待啲乜?一句──平!199美金,約價碼1,600港幣,咁就人人有機用;可惜先達首批到達飛機貨,馬上俾水貨佬Mark Up上$5,000。

Read more ›