Tag: Google

新片速報 Google Maps變《Pokémon》世界 愚人節更新捉小精靈

每一年,Google玩愚人節都玩得特別認真。今年就同《Pokémon寵物小精靈》齊齊推出「Google Maps: Pokémon Challenge」,而且真係可以入去地圖玩,你就係精靈大師,可以捉150隻小精靈!只要更新Google Maps再開啟就玩得喇!

Read more ›

超好玩!末日Google Map 香港街景變廢墟

  Google Map成日都睇啦,街景好方便,隨時遊世界。不過呢個網站仲勁,喺Google Map上面加咗效果,將街景變成大草有樹嘅廢墟咁,而且仲可以照常運作!咁香港當然都有份,呢張就係尖沙咀廣東道,連建築物上面都會有綠色!你要幻想嗰啲唔係人,係鍾意買LV嘅喪屍……望埋去又似《The Last of Us》,又好有《I am Legend》感覺,去東京,咪《Tokyo Jungle》囉!極好玩!

Read more ›
Google最人氣街景圖排名 日本富士山第一位

Google最人氣街景圖排名 日本富士山第一位

有咗Google街景圖,安坐家中都可以環遊世界,上富士山去博物館都得。啱啱Google就公佈咗全世界最人氣嘅街景地點,即係最多人喺網上去旅遊嘅地方,第一位係富士山、第二位係杜拜828米169層世界第一高樓,仲有威尼斯、巴黎鐵塔、大阪城,入嚟有得去睇睇。咦?香港廣東道唔係冇份吓嘛?

Read more ›

新片速報 Google總結2013年搜尋趨勢

Google真係Google,新片放上YouTube兩日時間已經過百萬views,而且肯定無篤數(啩)。今次總結返2013年全球搜尋趨勢,影片入面有南非總統曼德拉、碧咸,連台灣蘋果動新聞劈炮嘅跳舞女,同埋勇救葛咸城嘅蝙蝠俠小朋友都有份。有口痕友問Google同啲片有乜關係,唔,咁YouTube都係Google架嘛。另外入嚟有得試玩名為Trends Globe嘅Google網站,可以睇倒世界各地每一日最多人搜尋嘅題材,不過我一入去就自動設定咗我喺廣州,點解呢?

Read more ›

新片速報 日本Google街景車奇遇 你拍我時我拍你

如果你喺街度遇到Google街景車,你會做啲咩?揮手?掉隻「路姆西」埋去?其實Google街景識得打格仔,你做啲過激行為都會整濛你。不過如果好似呢位日本鐵騎士咁揮揮手就冇問題!而且咁啱佢頭盔上仲裝咗一部「Panasonic HX-A100」!之後佢喺街景服務度真係見番揮緊手嘅自己,於是佢就將佢自己拍嘅一條片放上網,感覺好奇妙。

Read more ›

新片速報 Google Map帶你遊威尼斯

我本來想寫「唔係澳門嗰個威尼斯」,但諗諗吓覺得太爛於是決定唔寫。水都威尼斯喺意大利咁遠,有錢都未有假,所以我淨係去過澳門嗰個(又講!?)。不過Google Map嘅人肉攝製隊就啱啱去咗威尼斯,仲坐船四圍遊,佢哋去咗,即係我哋都有得喺Google Map睇實境啦?入嚟有拍攝過程嘅影片睇。

Read more ›

新片速報 超感動印度Google宣傳片 3日264萬Views

新片速報 超感動印度Google宣傳片 3日264萬Views

印度Bollywood電影,雖然有啲都幾好睇,但做做吓戲突然加插歌舞,其實我接受唔到。呢條Google India拍嘅宣傳片就踏實得多,話說India-Pakistan喺1947年分開,令到好多朋友同家庭一夜間要分開,咁呢位伯伯就好掛住佢細個一齊玩嘅朋友仔,可惜失散多年唔知點搵。佢個孫女就用Google搵啦,最後……嗚!我好感動呀!我即刻衝番屋企問我老豆有冇舊朋友失散咗,佢望咗我一眼:「失咩散?你個衰仔,今個月好似仲未俾家用。」嗚。

Read more ›

「超神ネイガー」秋田特撮名物 現身等待Google街景車

特撮英雄真係要兼顧好多嘢,唔只打怪,仲要宣傳啦,宣揚和平訊息嘛。秋田名物「超神ネイガー」最近就喺Twitter度放咗頻頻出動嘅相片,佢又擔遮又落田又玩細路為咗咩呢?原來係為咗可以遇到Google街景車,希望大家以後搜尋「秋田縣にかほ市」嘅街景圖時會見到佢現身!不過我有一個擔心,就算影到你,如果Google最後打咗你格仔,你都奈佢唔何喎……

Read more ›

Angry Birds搞亂檔 玩盡品客/百事Logo

Angry Birds我對你唔住,因為我已經兩年無惦過你,連你個樣都唔多記得。但係俄國設計師Yakushev Grigory仍然情迷Angry Birds,仲佢搵咗好多注好人家,例如好耐無見嘅品客薯條啦、最近聲稱包裝都有味嘅百事可樂啦、香檳金iPhone5s炒到飛起嘅蘋果啦、仲有我日對夜對嘅Google啦,全部都好鬼夾,除咗Starbucks,有啲夾硬。

Read more ›

Google Play圖書 香港開檔賣書

其實我有啲覺得Google開始蠶食我嘅生活, 當生活上好多嘢離唔開佢時, 我其實真係有啲驚! 最新發明, 係佢喺香港正式推出「Google Play圖書」, 即係賣書睇咁簡單! 據知亞太區同步仲有九個地方有得玩, 包括香港、台灣、新加坡、紐西蘭、印尼、馬來西亞、菲律賓、泰國同越南! 佢比其他同類形網上買書優勝之處係超級跨平台

Read more ›

Google新科技 手機變Spotlight玩互動MV

Google成日有新嘢玩,啱啱就同外國indie樂隊Arcade File合作,整咗套互動音樂電影Just A Reflektor出嚟,玩法幾特別,將電腦嘅cam同手機連接,之後播MV時,手機就可以變成spotlight,令MV出現多種唔同嘅特殊效果,幾新穎刺激,不過細膽嘅夜晚唔好玩,因為個女主角同埋首音樂有啲驚嚇。話時話,如果《貞子》用呢個宣傳方法都幾驚,而且起碼唔會好似而家咁,見親貞子就想笑。

Read more ›

新片速報 Google Maps遊世界 加拉巴哥群島睇動物

搭長途機真係好辛苦,想去遠啲睇動物,Google Maps又幫到你喇。今次佢哋嘅人肉拍攝隊就去咗太平洋東部、厄瓜多管轄嘅火山群島Galapagos Islands,除咗喺陸上睇動物外,仲可以落埋海底睇海獅!想睇佢哋點拍就要入嚟睇片喇。

Read more ›

有片 Google出遊戲主機? Google Glass手機平版一齊玩

Google出遊戲主機傳咗好耐,今次仲似層層有埋片睇,360度睇勻機身,個樣四四方方有啲似立方體嘅Xbox ONE,原來只係由網友Joseph Dumary設計嘅概念主機NEXUS ORBIT。用盡晒Google嘅皇牌 ─ Google Play、Google Glass、YouTube、Chrome、地圖、雲端、翻譯等等,咁如果真係推出,有咩賣點呢?舉例,用咗由Google開發嘅DPconnect科技,行wireless唔駛駁線上電視,仲可以一機輸出四部電視;又可以支援埋Google Glass,一個用手掣玩,其他人用手機、平板電腦或者Google Glass同一時間幫手控制,又可以用Google即時翻譯功能,上網同西人玩聽唔明佢鬧fxck都可以即譯。仲有仲有,玩緊嘅game可以同真實嘅時間同埋天氣同步,例如你夜晚10點玩GTA出面落大雨,遊戲入面可以同步返,聽落好萬能,但係最重要嘅係遊戲喎,有無得玩Battlefield 4先?

Read more ›

Google街景背包登陸香港 見到記得要Hi Hi

香港Google宣佈, 最新嘅「街景背包 (Trekker)」即將登陸香港! 繼街景車、街景三輪車同街景手推車之後, 呢個係更新嘅發明; 由於係用人孭、用腳行嘅關係, 就算係最細嘅橫街窄巷佢都入得; 據知現時街景背包 走訪過嘅地方有美國旅遊名勝大峽谷、全球最高杜拜哈里發塔、同納入世界自然遺產嘅日本富士山等。

Read more ›

Starbucks同Google合作 全線Wi-Fi速度提升十倍

其實平時我去Starbucks都係用自己嘅無限上網plan,好少黐佢嘅Wi-Fi用,不過Starbucks可能知好多人鐘意喺佢間舖打咭影咖啡相舖facebook,為咗令上網更順暢,佢哋決定同Google合作,將美國全線7千間嘅Starbucks上網速度提升十倍,暫時新店會先upgrade,之後會根據邊間多人使用Wi-Fi而按序upgrade,之前用開嘅T1線每秒1.5 megabits,更新咗之後上YouTube應該會零障礙,唔知香港會唔會一齊upgrade呢?

Read more ›