Tag: Google

【有片】Google街景服務遊肯亞 保護大象要支持

Google街景服務睇咗當去咗都幾好,今次仲犀利,就係你未必諗住會出發去嘅肯亞。Google同拯救大象組織「Save the Elephants」一向有合作開追縱唔同象群,今次更加為Kenya嘅Samburu肯亞桑布魯國家自然保護區加入街景服務,而且仲有中文解說,食飯遊肯亞,都幾好睇。

Read more ›

日本水災現場 Google衛星圖片公開

日本「鬼怒川」嘅水災好嚴重,見到救到人梗係開心,但又睇到好多小動物冇人救……希望快啲無事,人同動物都平安啦。咁要睇到個水災有幾嚴重,仲可以透過衛星圖睇到,Google就啱啱公開咗噚日(11日)嘅衛星圖,「「鬼怒川」周邊地區都有俯瞰圖。

Read more ›

Google主頁有嘢玩 特撮之父「円谷英二」生忌

円谷英二,1901年7月7日出生,1970年1月25日離世,佢喺1963年創立円谷製作公司,喺日本對特撮電影、哥斯拉系列電影有好大貢獻!咁今日就係佢生忌,香港Google主頁都轉咗類似咸蛋超人Ultraman嘅版面,不過記得入「google.co.jp」睇埋,因為日本嗰個有小遊戲可以玩,俾你一嘗拍特撮滋味,好正!不過日本又有消息傳出,就係呢個版面冇得到「円谷」授權,不過連円谷洋平都喺Twitter放咗出嚟,唔怕啩?

Read more ›

日本電影特撮拍攝景點 「首都圏外郭放水路」Google Map遊地下神殿

呢個「首都圏外郭放水路」,係位於日本埼玉縣春日部市國道16號下嘅排水工程,主要由排水隧道、豎井、調壓水槽等設施組成,是指定一級河川,特別在於佢建設成一個地下宮殿咁,所以好多特撮、電影都喺度取過景,好似《幪面超人555》、《幪面超人Decade》、《特命戰隊Go Busters》等等,亦拍過水樹奈奈〈WILD EYES〉等MV。啱啱Google Map就新增咗呢個地方嘅360相片,未去過嘅,入嚟呢個地下神殿參觀吓!

Read more ›

日本Google多靚女 名牌大學高薪高學歷

Google又惹官非,今次有關壟斷嘅控告似乎幾嚴重,分分鐘要賠港幣250億。不過我哋想講嘅係Google嘅另一面,最近日本網友熱烈討論緊「日本Google有好多靚女員工」呢個話題,有圖有真相,全部都係高薪高學歷,出自名牌大學,再加上聰明又靚女,公平咩?不過有眼利網友就話邊有5個靚女,我睇到4個,再認真啲睇3.5個,你呢?

Read more ›

新片速報 Google新總部發展計劃 駛唔駛咁靚呀?

外國網絡科技公司嘅Office,第一件事要有型,仲有就係要環保。Google啱啱就發佈咗一個紐約North Bayshore發展計劃,就係希望可以建設呢個咁理想嘅工作環境。天然採光,有單車徑,大量休閒空間,將人、大自然同創意集中喺呢個空間入面!嗚!呢啲咁嘅工作環境真係太正……不過,俾我揀,我都係情願唔駛返工多啲,唔該先。

Read more ›

日本Google街景現《SIREN》屍人 網民又改圖

有冇玩過2003年推出嗰隻PS2遊戲《SIREN(サイレン)》,個氣氛真係恐怖到爆開。屍人化嘅村民個樣我o依家都仲記得……日本應該有好多網民都記得,於是,佢哋就有Twitter用戶睇Google街景時發現呢張圖,佢話呢位嬸嬸無論打扮同動作都好似屍人化咗……之後唔駛講就係改圖啦,tone埋啲色十足十。

Read more ›

Google新落成辦公室 有桑拿有草地

Google嘅辦公室出名每個國家都有唔同設計,最近就有呢間喺匈牙利布達佩斯新落成嘅office,入面有埋桑拿房,好正。呢間office嘅主題係水上運動water polo,因為布達佩斯之前喺奧運贏過9次金牌,睇見佢哋嘅桑拿房、草地工作室,我就好想搬入去住,不過間桑拿房應該係齋睇無得焗,因為入面放咗電腦。

Read more ›

用手機寫揮春 Google新春程式好好玩

雖然Google係美國公司,又退出咗大陸市場,不過都無忘記中國人嘅農曆新年,趁羊年出咗個叫「Google洋灑新願」嘅寫毛筆揮春程式,手機、Tablet或者電腦都玩得,今日仲見倒好多人喺facebook share,除咗用mouse,仲可以用手指touchscreen畫兩筆,玩完可以喺facebook分享吓。睇返其他人嘅作品,估唔倒原來咁多人都寫得一手好字,我都試過,不過寫得太肉酸,唔係幾好意思放出嚟比大家笑‥‥‥

Read more ›

最啱Social嘅時裝 社交網絡LOGO著上身

時裝嘅嘢我哋識條鐵咩?上網我哋就叻。呢輯時裝相集我哋就啱睇喇,將社交媒體嘅LOGO變成真人著得上身嘅時裝。由攝影師Viktorija操刀,輯靚相刊登喺今期嘅《Vanichi magazine 》雜誌。我最鐘意Google+,因為佢個model十足女人,差啲比佢fake倒。BTW,其餘Instagram同Pinterest都相當出色, 遲啲會唔會推出女性版、BB版或者寵物版?

Read more ›

日本Google地圖現警察路障 自爆街景車超速全記錄

Google街景成日都會睇到啲新奇事,入嚟有回帶。最新一壇,就係日本北海道中川郡幕別町嘅街景,睇到警察設置咗超速路障,而且Google街景車仲俾佢截停要佢駛埋一邊……據知呢個場景係7月時拍落嘅,咁罰款都交埋啦。

Read more ›

日本Google Map加海景 360度拍攝船出擊

Google Map遊日本係一個唔錯嘅節目,之前連軍艦島同埋受核災地區都入到去睇已經好勁。啱啱日本Google仲宣佈派出咗拍攝船去「三陸海岸」嘅田老、釜石、大船渡、陸前高田、気仙沼、南三陸、石巻、松島・塩竈沿岸等地拍攝,需時約幾個月,下年初就睇到!

Read more ›

新片速報 Google無人駕駛真車試坐 兩日3百萬點擊

無人駕駛嘅私家車講咗好多年,不過幾時先可以普及?橫睇掂睇,最有可能都係由Google開發。兩日前Google上載咗呢架無人駕駛Prototype嘅首次落地短片上YouTube,搵咗幾個人試坐,短短兩日吸引接近3百萬點擊。呢架車無軚盤無腳踏,只有後座雙座位,最高速度25mph,Google計劃嚟緊製作100架,目標係將呢個科技普及化。我諗倒兩個問題,首先Google Map雖然好勁,不過有時定位唔太準,架車要準確定位唔好行錯路都好重要。另外就係無人駕駛係咪真係安全穩陣,需唔需要有駕駛者喺電腦監察?BTW,你敢唔敢坐?

Read more ›

日本Google Map街景 黑幫辦公室現身

我有睇北野武啲戲o架,認得呢啲著運動衫嘅日本黑道o靚仔o架!日本有網站喺Google Map搵到幾個街景,據講就係日本黑幫嘅辦公室,好似呢楝咁,Google街景車經過,兩個守衛就望到實,可惜個樣blur咗,唔知佢有冇兇緊架車……最後仲有一張影到送外賣嘅,有位「人中之龍」紋身漢出嚟拎外賣,唔知個外賣仔有冇遲到呢……

Read more ›

Google Map新功能 時光機回到過去 即睇舊街景

官方宣佈,由今日開始,Google Map新加咗Time Machine功能,就係你去到啲地方,右上角出現個時鐘符號,咁你就可以睇番呢度以前嘅街景,最遠去到2007年!即係你可以去睇紐約Freedom Tower慢慢建成嘅景象,亦都可以去嚟緊巴西世界盃嘅新建場館,或者去日本睇311地震前後嘅景象變化,提醒自己珍惜眼前人景事。不過,我啱啱上過去玩,好似未得喎,又話今日推出?

Read more ›